konka coffee
KONKA

AMAKURU

UKWEZI

Umubyeyi w’umwana w’imyaka 7 wahohotewe na DASSO agiye kwicwa n’agahinda

Umubyeyi w’umwana w’imyaka 7 wahohotewe na DASSO agiye kwicwa n’agahinda
21-09-2016 saa 18:13' | By Chief Editor | Yasomwe n'abantu 16519 | Ibitekerezo 15

Uwizera Providence, ni umubyeyi utuye i Musambira mu karere ka Kamonyi, akaba amaze igihe atorohewe no kuvuza umwana we w’umuhungu avuga ko yahohotewe n’urwego rwa DASSO mu karere ka Nyarugenge, ubuyobozi bw’aka karere n’urwego rwa DASSO by’umwihariko bakaba batamwirebera n’irihumye.

Mu kiganiro kirambuye yagiranye n’ikinyamakuru Ukwezi.com, Uwizera Providence bigaragara ko avugana umubabaro n’agahinda, yadutangarije ko tariki 7 Nzeri 2016 mu masaha y’umugoroba, umwana we w’umuhungu w’imyaka 7 yavaga ku ishuri yagera mu gace ka Nyabugogo agahohoterwa n’umukozi w’urwego rwa DASSO washakaga gukubita umuzunguzayi akamucika, mu kumwirukankana akaba ari bwo yahutaje uwo mwana akangirika cyane mu mutwe.

Uyu mwana wiga ku kigo cy’amashuri abanza cya Muhima, yagize ikibazo gikomeye mu mutwe ndetse hari igufwa ryari ryahombanye nk’uko amafoto yo mu cyuma twabashije kubonera kopi abigaragaza. Ibi byatumye tariki 16 Nzeri 2016 abagwa mu mutwe, akaba muri icyo gihe cyose yararwariye mu bitaro bya CHUK.

Gusa ubu uyu mwana ntakirimo kuvuzwa, kuko umubyeyi we Uwizera Providence avuga ko amafaranga yamushizeho, kugeza aho atagishoboye no kumutegera imodoka yamugeza kwa muganga n’ubwo naho atagishoboye kuba yamwishyurira ubuvuzi. Uyu mwana ubu yaramucyuye, arwariye mu rugo kandi amerewe nabi.

Uyu mubyeyi avuga ko iki kibazo yakigejeje kuri Polisi ya Muhima ndetse yitabaje n’ishami rya CID rishinzwe ubugenzacyaha muri Polisi, bamubwira ko urwego rwa DASSO ari rwo akwiye gukurikirana kuko uwabikoze yari mu kazi.

Uyu mwana yarangiritse bikomeye mu mutwe, aha yari mu bitaro bamaze kumubaga

Aho yari arwarije umwana muri CHUK, Uwizera Providence avuga ko ushinzwe amakuru muri DASSO ya Nyarugenge witwa David, yamusuye yahagera agafotora, akamubaza icyo yifuza undi akamubwira ko asaba ubufasha mu kuvuza umwana. Uwo ariko yaragiye ntiyongera gusubira kureba uyu mubyeyi n’umwana arwaje, habe no kumushyira icyayi cyangwa umugati aho yamusuye mu bitaro.

Nyuma uyu mubyeyi yagiye kwirebera umuyobozi w’akarere ka Nyarugenge babonanye amubwira ko ikibazo atari akizi ariko ko agiye kubikurikirana. Uyu mubyeyi ariko avuga ko yababajwe no kumva uyu muyobozi w’akarere avuga ngo ntiyamenya ko umwana ataguye mu mvururu, ngo ntakimwemeza ko yakubiswe na DASSO. Byarangiye amubwiye ngo nagende azamusubiza, kuva ubwo ntacyo yamubwiye ndetse n’iyo amuhamagaye kuri telefone ntamwitaba.

Uyu mubyeyi asobanura ko umunsi umwana we ahutazwa na DASSO, hafi aho hari abasirikare bari ku burinzi bwa nimugoroba bagahita bahamagara uwo mukozi w’urwego rwa DASSO ndetse n’umuzunguzayi yirukankanaga, bakabategeka bombi kujyana umwana kwa muganga. Uyu mubyeyi avuga ko n’ubwo umwana we ameze nabi, abasha kuvuga kandi akaba ari mukuru kuburyo atayoberwa DASSO, dore ko yiga mu mwaka wa kabiri w’amashuri abanza.

Ikinyamakuru Ukwezi.com cyagerageje kuvugana n’umuyobozi w’akarere ka Nyarugenge Madamu Kayisime Nzaramba, ariko mu nshuro zose twagerageje kumuhamagara kuri telefone ye igendanwa ntiyatwitabye.

Uwizera Providence uvuga ko ubuyobozi bw’akarere n’ubw’urwego rwa DASSO bamwirengagije, ubu avuga ko ahangayikishijwe n’ubuzima bw’umwana we, kuko amafaranga y’igishoro yakoreshaga yose yayakoresheje amuvuza akamushirana burundu ubu no kubasha kumubonera ibimutunga bikaba ari ikibazo gikomeye.

Uyu mubyeyi wagwiriwe n’ibyago, ubufasha bwawe uko bwaba bungana kose bushobora kumugoboka akabasha guterateranya akavuza uyu mwana we. Uramutse ushaka kugira icyo ufasha Uwizera Providence, wamuhamagara kuri telefone igendanwa nimero 0788229627

GUSANGIZA ABANDI IYI NKURU NABYO UBWABYO NI UBUFASHA BUKOMEYE!

REBA HANO VIDEO Y’UNDI DASSO UHERUTSE GUKUBITA UMUGORE MURI NYARUGENGE:


Tanga Igitekerezo
Ibitekerezo 15
Tuge Kuya 24-09-2016

Kowagirango nibabasirikare bomuri congo kera Dasso mujye muyobona muhungenya itazabamara gusa muriguha isurambi igihugu cyacu mwaba dassomwe ikindi namwe mujyemumvako ikibazo kivunse aricyonyu mwihutire kurwanya amakurumabi abavugwaho asebya igihugu bibakomotseho kko ntacyomubamumariye igihugu kugisebya nkubu iyo mutabara uyu mubyeyi akibitabaza nkizinkuru ntizarikuboneka !☺abavugango dasso ntiyabishakaga nibyo ariko ntibikuraho gufasha uriya mubyeyi yaba urwego rwa dasso ndetse na leta knd mujyemukora ibintu bitarasohoka NGO bijyekumbugankonyambaga

Uwineza Kuya 24-09-2016

Wamubyeyiwe pole sana ariko kubereki ubuyobozi burwanda bukunda kwitarutsa ibibazo aribo bakagobye kubikemura? Nibabatakira ikibazo nkicyo ikindi bakoraniki? Numvaga nkubutabazi aribwakabaye ubwambere kumuyobozi witabajwe numubyenkuwo ufite ikibazo cyumvikana hanyuma ngo ntamwitabe kuri 4ne bamwe mubayobozi murwanda mutugayishiriza igihugu cyane kbs nkubuse usibye ubuvugizi abakeneweho harikindi kibakiribuve mumutungowe? Abantunkaba mwisubireho leta yurwanda irashoboye gukemura nkibyobibazo buriya iyo nsoma ibintunkibi bituma numva nzinutswe ubuyobozi bwacu badaha agaciro umuturage burikimwe NGO kizakemurwa na PAUL KAGAME Azakorera munzego zose c?

Ange Mutuyimana Kuya 24-09-2016

Nukuri Uwomubyeyi Arababaje Ndetse Numwana Gs Iyurugamba Rukomeye Rubarugiye Imana Iraj Imutabare

Aimable Kuya 22-09-2016

Mwese muve mumagambo dushake icyakorwa nahubundi umwana yahuye n’impanuka biriya bisa nkimpanuka nkizindi zose ahubwo hakorwa iki kugirango umwana abone ubufasha

GIRANEZA Kuya 22-09-2016

Birababaje abafite umutimo wurukundo mureke dufatanye turebe ko hari icyo twakora. Ababyifuza mushyire number zanyu kuri coment tuzafatanye tumufashe.Murakoze cyane.

AMANI Kuya 22-09-2016

Ariko rero njye ndumva ikosa ry’mwe mu bagize DASSO ritakabaye riba ikosa ry’Urwego rwabo, ese koko DASSO yahohotera umwana w’imyaka 7 yabigambiriye cyangwa byaba ari impanuka? ikindi ko mbona inkuru mbi gusa kuri uru rwego ahari nta byiza rwaba rukora? nabyo byakabaye bigaragazwa kuko inkuru zirenga 2 mu gihe kitagera no ku cyumweru sinumva ko ari ibyo DASSO bakora. No Siko kazi ka hari nibindi byiza bakora.

boringo Kuya 22-09-2016

Ariko imikorere ya DASSO iteye impungenge cyane, turasaba Leta ko yashyiraho gahunda igenzura discipline ya DASSO Staffs kuko bishoboka ko harimo benshi batagira uburere n’ubunyamwuga. Ibi bidashobotse ko management y’uru rwego ikorwa neza dushobora kuzisanga ari indakoreka zishobora kuzasiga leta icyashya ndetse hakaba habaho no gushamirana kuru rwego n’abaturage.
Thanks

JEAN PIERRE Kuya 22-09-2016

Nagira Inama uyu mubyeyi yo kwegera nyakubahwa Francis KABONEKA naho ubundi Akarere ko sinziko haricyo kamwifashiriza rwose urumva ukuntu batangiye kumuhahana koko. Gusa Imana igumye imurinde rwose azakira.

Chanty Kuya 22-09-2016

nyamuneka nimureke dufashe uwo mwana w’ u Rwanda kandi dusangize iyi nkuru n’ abandi bafite umutima ufasha.Imana Ikomeze uwo mubyeyi n’ umwana we kandi uwo mu mayor agomba kumenya ko umwana ari nk’ undi kandi n’ umubyeyi ni nk’ undi!ari we bibayeho nibwo yabyumva neza!musabiye kuzahura nabyo.azigire kuri mayor wa Huye Muzuka nagiye kumureba mfite ikibazo cy’ imfubyi ndera nkeneye ubufasha ahita amfasha byihuse hari muri 2013. n’ abandi ba mayors bamwigireho bajye bareka kuba inkirabuheri.

fkaaa Kuya 21-09-2016

imvugo yaboyobozi ngo icyo kibazo nirankizi turagihaze muzehe wacu nadutabare abice niyo mayeri abayobozi basigaye bakoresha

raissa Kuya 21-09-2016

uwo mwana yavuzwa n amafranga angahe? ngo tugerageze kumufasha?

uwiduhaye Kuya 21-09-2016

knd buriya uwo mu mayor siwe wabaye uwanyuma? uwe abayeko nawe agasiragira nibwo yabyumva neza gusa pole kuruwo mubyeyi

B4 Kuya 21-09-2016

Nyamara uyu mwana ugaraguzwa agati n abakamurengeye niwe rda rutezeho ejo hazaza, muzi azaba iki nakura? akwiriye gufashwa kuvuzwa inzira zikigendwa
nyamuneka ubuvugizi nibukorwe uko bishoboka kose
kandi nyirabayazana akurikirannwe.
ndumva daaso ifite imyitwarire idatandukanye cyane n iyo local défense basimbuye peee

Marie Merci Kuya 21-09-2016

Dore indi nkuru ibabaje nyuma y’iy’umusirikare wishe umwana.Dore uko karyamye Mana weee!Ubu se kazakira koko?Ko bamwe mu bashinzwe umutekano bawuhungabanya ninde wo kwitabaza?Umva Mayor,umubyeyi,nimwumve ibisubizo bye!Mbuze icyo mvuga!

Aisha Kuya 21-09-2016

Ubuyobonzi bwakarere nibufashe umumama kuvunza umwana nuwakyu twese ibyo bavunga NGO ntagihamya bafite umwana numunyarwanda afite uburengazira bwokuvuzwa nibatubabariri bareke gutukisha agihugu cyacu thx

IGURIRE
Reba Ibindi Byinshi
FPR Kagame 2
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
IBIRORI
Ibitekerezo
IZINDI NKURU WASOMA