konka coffee
KONKA

AMAKURU

UKWEZI

Umugandekazi yatewe agahinda no kuba adafite uburenganzira ngo yitorere Kagame wamugobotse

Umugandekazi yatewe agahinda no kuba adafite uburenganzira ngo yitorere Kagame wamugobotse
4-08-2017 saa 11:27' | By Chief Editor | Yasomwe n'abantu 7074 | Ibitekerezo 2

Mu gihe hirya no hino mu Rwanda habaye amatora ya Perezida wa Repubulika kuri uyu wa Gatanu tariki 4 Kanama 2017, umugandekazi ukorera mu Rwanda agataha muri Uganda buri munsi, yatewe agahinda no kuba atemerewe gutora ngo ahe ijwi rye Paul Kagame avuga ko akunda cyane kandi akaba yaramugobotse, kuko imibereho ye myiza ayikesha ubuyobozi bwe.

Twamumanyire Jolly bakunda kwita Nalongo, ni umugandekazi utuye muri Uganda ariko hafi y’umupaka wa Kagitumba. Ni umukecuru w’imyaka 62 y’amavuko ariko umureba ubona ari umugore ukomeye ugaragara nk’ukiri muto. Ni ikimenyabose ku biro by’abinjira n’abasohoka biri ku ruhande rw’u Rwanda, kuko amaze imyaka 23 ahacururiza ibintu bitandukanye birimo imbuto n’ibinyobwa bipfundikiye, buri munsi akaba yambuka akava muri Uganda akaza mu Rwanda gushaka imibereho, agakorera imbere mu biro by’abinjira n’abasohoka ku ruhande rw’u Rwanda bwakira akambuka agataha.

Twamumanyire Jolly yabwiye ikinyamakuru Ukwezi.com ko yababajwe cyane no kuba atemerewe gutora, kuko n’ubwo yirirwa mu Rwanda iminsi yose, atagira indangamuntu y’u Rwanda, akaba atari no ku rutonde rw’abemerewe gutora. Avuga ko yifuzaga cyane guha ijwi rye Paul Kagame kubera ibyiza yamukoreye.

Nalongo wifuzaga cyane ko yakwemererwa gutora ngo nawe yitorere Paul Kagame

Uyu mukecuru avuga ko kuva umupaka w’u Rwanda na Uganda wafungurwa mu 1994, yabonye imibereho mu Rwanda kuko yacururije mu butaka bw’ibiro by’abinjira n’abasohoka ku ruhande rw’u Rwanda, kuva icyo gihe akaba yarahawe ikaze kuko nta muyobozi ku ruhande rw’u Rwanda wamukumiriye cyangwa ngo amuhutaze, ahubwo ngo bamwereka ko bamukunda kandi bamufata nk’umubyeyi abandi bakamubona n’umuvandimwe kandi atari umunyarwandakazi.

Avuga ko ubuyobozi bwa Paul Kagame budaheza kugeza no ku banyamahanga, ari bwo akesha kubona imibereho mu Rwanda imufasha kwita ku bane be, dore ko anafite benshi kuko ubusanzwe yabyaye 13 ariko babiri bakaba baherutse kwitaba Imana ubu akaba afite 11. N’ubwo atemerewe gutora ariko, nta bwoba afite kuko ngo yizeye ko abanyarwanda batakwitesha umuyobozi nka Kagame.

Acuruza imbuto n’ibinyobwa bidasembuye bipfundikiye, agakorera ku ruhande rw’u Rwanda

Kuba no kuri uyu munsi w’amatora atigeze agira ikibazo mu kwambuka umupaka kandi yanagera ku ruhande rw’u Rwanda akabona hari ituze n’amahoro, Nalongo avuga ko nabyo bigaragaza umwihariko w’u Rwanda, kuko ahenshi usanga amatora ya Perezida ateza umutekano mucye n’urwikekwe mu baturage, ariko mu Rwanda ho ahubwo bikaba ari ibirori buri wese yishimiye.

Aha ni Kagitumba, ku ruhande rwo hakurya hari udusozi ni muri Uganda


INKURU ZA :
Tanga Igitekerezo
Ibitekerezo 2
mafuto Kuya 5-08-2017

Uwo mugandevnakora umuganda, agatanga frw yisuku numutekano, agatanga imisoro uose agomba azaba atoye PK

fofo Kuya 4-08-2017

Uyu mukecuru ndamuzi ameze neza cyaneee !

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...