konka coffee
KONKA

AMAKURU

UKWEZI

Umuganga witwa Rwamakuba yateye urwenya ko yagizwe Minisitiri w’Ubuzima bigera kure

Umuganga witwa Rwamakuba yateye urwenya ko yagizwe Minisitiri w’Ubuzima bigera kure
20-07-2016 saa 07:01' | By Chief Editor | Yasomwe n'abantu 10993 | Ibitekerezo 15

Guhera ku mugoroba wo kuri uyu wa Kabiri tariki 19 Nyakanga 2016, ku mbuga nkoranyambaga hatangiye gukwirakwizwa ifoto y’umugabo bivugwa ko yagizwe Minisitiri w’Ubuzima agasimbura Dr Agnes Binagwaho uherutse gukurwa kuri uyu mwanya. Ibi ariko byari ikinyoma, bivugwa ko ari urwenya rwatewe n’uyu wiyise Minisitiri bigakwirakwira.

Uyu muganga yitwa Ganza Bin Rwamakuba, akaba akora mu bitaro bya Kibuye biherereye mu ntara y’Uburengerazuba. Ubwo ibi bihuha byakwirakwizwaga mu masaha y’umugoroba, ikinyamakuru Ukwezi.com cyabashije kumenya amakuru y’uko yari mu kazi ke ku bitaro aho yari araye izamu, kandi atari yagizwe Minisitiri nk’uko byavugwaga.

Iyi foto ya Rwamakuba yakwirakwijwe cyane ku mbuga nkoranyambaga

Inkomoko y’ibi bihuha ariko, bivugwa ko ari nyir’ubwite watangiye kubibwira abantu abahamiriza ko Perezida Paul Kagame yamugiriye icyizere akamuha kuyobora Minisiteri y’Ubuzima, n’ubwo ngo ashobora kuba yarabikoze atera urwenya atazi ko bishobora gukwirakwira.

Mu kiganiro ikinyamakuru Ukwezi.com cyagiranye na Antoine Harindintwari uyobora ibitaro bya Kibuye, yadutangarije ko uyu Rwamakuba yashyize ifoto ye ku rubuga rwa whatsapp rw’abakozi b’ibi bitaro atera urwenya avuga ko yagizwe Minisitiri w’Ubuzima, mu kanya gato ibihuha bigakwira igihugu cyose kandi ari ibinyoma. Uyu muyobozi avuga ko yamaze kwihanangiriza uyu muganga.

Ikinyamakuru Ukwezi.com cyanavuganye na Rwamakuba, adutangariza ko koko ari we washyize iyi foto ku rubuga rwa Whatsapp rw’abakozi bakorana, ariko akaba yarababajwe cyane no kubona umwe muri bo atabashije kumenya abikwirakwiza bikagera mu gihugu hose. Avuga ko gutera urwenya ari ibintu bisanzwe cyane cyane hagati y’abantu bakorana, uwabyishe akaba ari uwagiye kubikwirakwiza avuga ko ari ibintu by’ukuri.


INKURU ZA :
Tanga Igitekerezo
Ibitekerezo 15
bagirubwira Kuya 27-07-2016

Njye narumiwe, abantu bazamera nka yanyamaswa yabonye izindi ziruka nayo ikiruka ngo ishyamba ryahiye. ni uguhahamuka gusa. ubwose yakoze iki cyo kwihanangirizwa. ni blague kandi ntaho zitaba. ubundi se we ntabikwiriye Wenda ko yanarusha wawundi utari Uzi ikinyarwanda kandi akorera abanyarwanda.

-xxxx- Kuya 26-07-2016

Kiki director atandikira uwayakwirakwije.

Joyeuse Kuya 26-07-2016

Umva mbese bamwe mu bayobozi twibitseho ukuntu bahinda gusa?/ Ubwo se urabwira itangazamakuru ngo wamwihanije,yakoze iki? Kuri whatsapp group y’abantu mukorana uwo ari we wese yatereraho urwenya nta gitangaza. So,jya wihaniza wabanje no kureba ibyo wihaniza ibyo ari byo

Bumba Kuya 22-07-2016

This is normal!! Gutera urwenya ni ibisanzwe.. Uwambwira amagambo yihanangiriza Uyu mugabo uko Umuyobozi w’ibitaro yayavuze!!?

Masengesho Kuya 21-07-2016

Mbese Rwamakuba ukunze gukabya inzozi? Nyamara wsanga wahishuriwe bakabikerensa?Ni ibisanzwe ariko umushonji arota arya, ibyo ntiwabizira. Utegereze wizeye.

kalisa Kuya 21-07-2016

Ariko birinamahire ni umugsnga bayimuhaye akayiyobora

proust Kuya 21-07-2016

Gutera urwenya birasanzwe ndabona uyu muganga ata kosa yakoze kabisa. Kandi na none no kuba Ministre yabishobora yipfuje ikintu cyiza ...kuronka promotion twese tuba tubitegereje

Paul Kuya 20-07-2016

Ahubwo si Mu Rwanda Gusa no muri Diaspora byadusanzeyo.
Gusa nibisazwe

manzi Kuya 20-07-2016

arko ubundi babuguhaye koko, ukiyoborera abayoboye mbere yawe haricyo bakurushaga

timotheo Kuya 20-07-2016

Ngo bamwihanangirije!!!! Ariko ibyo ni ukurengera pe! Bamwihanangirije se kubera iki? Kuko yakoze iki? Mu Rwanda se kublagua birabujijwe? Ubwo ni ubwoba gusa ra?

-xxxx- Kuya 20-07-2016

nta gitangaza kirimo

Joseph Kuya 20-07-2016

Yazirose ahubwo babimugire none ni.iki cyatuma atayobora Ministere.

YAZID Kuya 20-07-2016

WABONA ANABAYE WE KO NAWE AMASHURI AYIBITSEHO

Toto Kuya 20-07-2016

Uyi muganga se yakoze iki gituma bamwihanangiriza?
Njye ndumva nta kosa yakoze ahubwo uwabihaye abandi abikuye kuri group yo ku kazi niwe wakosheje.

Marie Merci Kuya 20-07-2016

Uyu muganga ariko ararengana.Ahubwo umunyamafuti nuwakuye iyi foto kuri wtsp group akayiha abandi!

IGURIRE
Reba Ibindi Byinshi
FPR Kagame 2
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
IBIRORI
Ibitekerezo
IZINDI NKURU WASOMA