konka coffee
KONKA

AMAKURU

UKWEZI

Umugiraneza yemeye kugoboka ababyeyi ba Muhoza Elvis, umunyarwanda wiciwe muri Amerika

Umugiraneza yemeye kugoboka ababyeyi ba Muhoza Elvis, umunyarwanda wiciwe muri Amerika
10-07-2017 saa 09:46' | By Chief Editor | Yasomwe n'abantu 14425 | Ibitekerezo 11

Nyuma y’uko umunyarwanda wigaga muri Leta Zunze Ubumwe za Amerika yishwe urupfu kugeza ubu rutarasobanuka, umuryango we wari watangiye gushakisha uburyo haboneka amafaranga yo kugeza umurambo we mu Rwanda n’ayo gukoresha mu mihango yo kumushyingura, wagobotswe n’umugiraneza wemeye gutanga amafaranga yose akenewe.

Mu masaha y’umugoroba wo kuwa Kane tariki 6 Nyakanga 2017, nibwo hamenyekanye inkuru y’urupfu rwa Muhoza Elvis, umusore w’umunyarwanda wigaga muri Kaminuza ya Nebraska iherereye muri Lincoln muri Leta Zunze Ubumwe za Amerika.

N’ubwo Polisi yo muri aka gace yemeje iby’iyicwa rya Muhoza Elvis wari ufite imyaka 19 gusa y’amavuko, kugeza ubu ntiharatangazwa uburyo uyu musore yishwemo ndetse n’abakekwaho kuba baramwishe, gusa biteganyijwe ko muri izi ntangiriro z’icyumweru ari bwo amakuru mashya aza gutangazwa na Polisi.

Mu gihe abantu batandukanye bari batangiye gukusanya inkunga yo kugeza mu Rwanda umurambo wa nyakwigendera Muhoza Elvis no kumushyingura, uwitwa Astrid Rutayisire wari watangije iki gikorwa ku rubuga rwa Internet yatangaje ko habonetse umugiraneza wemera gutanga amafaranga yose, hanyuma arenga gato miliyoni ebyiri abantu bari bamaze gukusanya akaba agomba guhabwa ababyeyi ba nyakwigendera.

Elvis Muhoza yari afite abavandimwe batatu, Yvan, Darlene na Lionel, babanaga n’ababyeyi babo ku Kabeza mu karere ka Kicukiro mu mujyi wa Kigali. Abo mu muryango we kugeza ubu nabo ntibarasobanukirwa iby’urupfu rwe.


INKURU ZA :
Tanga Igitekerezo
Ibitekerezo 11
MM Kuya 11-07-2017

Ariko Mana, ngo agahinda ntikica...uyu mwana arambabaje. Ubu se ababikora bunguka iki kweli kuvutsa ubuzima umuziranenge nkuyu. Imana imuhe iruhukiro ridashira. ababyeyi be bihangane nubwo bitoroshye....

gruec Kuya 11-07-2017

Hagati ya HIRWA YVES na SHISHOZA..... ninde uvuga ukuri? Kuko gukinira kumurambo ntibibaho. Murakoze

Shishoza Kuya 11-07-2017

@ Hirwa Yves: Iyi message ni iya Rutayisire Astrid wari watangije fundraising: Hey Friends and Family, we are so grateful for the contributions but we have been contacted by a sponsor who will take care of all the funeral expenses. We shall no longer need contributions as for now. The funds collected so far will be sent to the family to take care of the funeral expenses in Kigali.

Hirwa Yves Kuya 11-07-2017

Ariko abanyamakuru mwabaye mute kweli? Iyi nkuru ni ikinyoma cyambaye ubusa. Nta mugiraneza wemeye gutanga ayo mafaranga muvuga, byongeye, Elvis yagiye kwiga kuri bourse ya Leta bityo rero Leta niyo ifite inshingano yo gucyura umurambo we. Mujye mubanza mubaze mbere yo kwandika ibyo mubonye byose

Ange Kuya 10-07-2017

Imana Imwakire kandi hagomba gusobanuka ibyizo motu zabanyeshuri babanyarwanda biga hanze

jules Kuya 10-07-2017

Ubwo se murashaka kuvuga ko haduyi yageze muri USA?

Emmanuel Kuya 10-07-2017

Impfu zitwa izidasobanutse z’abanyeshuri b’abanyarwanda biga mu mahanga (Amerika, Israeli, n’ahandi ntavuze....) zirimo kwiyongera cyane,Leta y’u Rwanda (Ambassades zacu), ku bufatanye n’ibyo bihugu ubwabyo bidufasha ikwiye gushyiraho ingamba zo gukaza umutekano w’abana bacu bari hirya no hino ku isi kuko AMAZI SI MERU!!!! Murakoze.

gruec Kuya 10-07-2017

Psaume 121

Cantique des montées

Je lève mes yeux vers les montagnes...
D’où me viendra le secours ?
Le secours me vient de l’Eternel,
Qui fait les cieux et la terre.
Il ne permettra point que ton pied chancelle;
Celui qui te garde ne sommeille point.
Voici, il ne sommeille ni ne dort,
Celui qui garde Israël (qui garde son peuple).
L’Eternel est celui qui te garde,
L’Eternel est ton ombre àta main droite.
Pendant le jour le soleil ne te frappera pas,
Ni la lune pendant la nuit.
L’Eternel te garde de tout mal,
Il garde ton âme;
L’Eternel garde ton départ et ton arrivée,
Dès maintenant et pour toujours. RIP petit Ange Elis

Ruzacimana Kuya 10-07-2017

Ariko se noneho ni abana babanyeshuri bakomerejeho?
Mwakunamuye icumu koko?
Reba nkuyu muziranenge koko
😭

Etienne Kuya 10-07-2017

Uwo mugiraneza imana izamukubire karindwi. Ababyeyi bumwana bihangane imana izamwakira mu bayo

-xxxx- Kuya 10-07-2017

Imana Imwakire.

IGURIRE
Reba Ibindi Byinshi
FPR Kagame 2
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
IBIRORI
Ibitekerezo
IZINDI NKURU WASOMA