konka coffee
KONKA

AMAKURU

UKWEZI

Umugore wa Rtd Brig. General Frank Rusagara yitabye Imana

Umugore wa Rtd Brig. General Frank Rusagara yitabye Imana
18-08-2016 saa 11:44' | By Chief Editor | Yasomwe n'abantu 12254 | Ibitekerezo 1

Aha Frank Rusagara (wambaye imyenda y’icyatsi) ari kumwe na Col. Tom Byabagamba baregwaga mu rubanza rumwe

Umugore wa Rtd Brig Gen Frank Rusagara wahoze ari umusirikare mu gisirikare cy’u Rwanda, yitabye Imana aguye i Burayi mu gihugu cy’u Bwongereza aho yari amaze igihe arwariye, bikaba bivugwa ko yazize kanseri.

Amakuru yizewe agera ku Kinyamakuru Ukwezi.com, avuga ko Rusagara Christine yari amaze igihe kirekire yivuriza mu bitaro byo mu Bwongereza, kugeza aho kuri uyu wa Kane yaje kwitaba Imana, mu gihe umugabo we ari muri gereza.

JPEG - 97.6 kb

Frank Rusagara yahoze ari umwe mu basirikare bakuru mu ngabo z’u Rwanda

Christine Rusagara yapfuye asize abana batanu yabyaranye na Rtd Brig. General Frank Rusagara, aba bana bakaba bagiye gusigara mu miryango batari kumwe n’ababyeyi kuko se nawe afunzwe aho agomba kumara imyaka 20 muri gereza.

JPEG - 105.1 kb

Uyu ni umuryango wa Rusagara, nyina w’aba bana yapfuye mu gihe Se ari muri gereza

Brig Gen Frank Rusagara wahoze ari umusirikare mukuru mu ngabo z’u Rwanda akaza kujya mu kiruhuko cyu’izabukuru nyuma agakurikiranwa n’ubutabera, muri Werurwe uyu mwaka yahamijwe ibyaha byo kwamamaza nkana ibihuha no kugomesha rubanda abangisha ubutegetsi buriho, gukora igikorwa kigamije gusebya Leta ari Umuyobozi, ndetse no gutunga imbunda binyuranije n’amategeko, bituma akatirwa imyaka 20 y’igifungo.


INKURU ZA :
Tanga Igitekerezo
Ibitekerezo 1
nkusi b Kuya 19-08-2016

Imana ikomeze abasigaye bo mumuryango wa rusagara kandi nabana byumwihariko bakomere babagabo bazabaho kuko nibakuru bihagije

IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...