konka coffee
KONKA

AMAKURU

UKWEZI

Umunyarwanda arimo kuzenguruka uturere twose n’igare rye yirarira mu ihema - Amafoto

Umunyarwanda arimo kuzenguruka uturere twose n’igare rye yirarira mu ihema - Amafoto
19-04-2017 saa 12:46' | By Chief Editor | Yasomwe n'abantu 11057 | Ibitekerezo 7

Umunyarwanda Gashayija Patrick unazwi nk’umunyarwenya witwa Ziiro The Hero, ageze kure mu rugendo amaze igihe akora azenguruka igihugu cyose aho ashaka kugera mu turere twose tugize u Rwanda agenda n’igare, mu rugendo yise urw’amahoro “Peace Trip”. Kugeza ubu amaze kugera mu turere 15 agenda n’igare rye, akaba asigaje utundi turere 15.

Gashayija Patrick avuga ko intego eshanu z’urugendo rwe ari ugukangurira urubyiruko kwirinda ibiyobyabwenge bagakoresha ubushobozi bifitemo mu kwiteza imbere, iya kabiri ikaba ari ukwishimira uruhare rwa buri munyarwanda mu iterambere ry’igihugu, iya gatatu ikaba gukangurira abanyarwanda umuco w’ubukerarugendo nka kimwe mu bintu biruhura umuntu, iya kane ikaba kwimakaza indagagaciro yo kuba no gutera amahoro ahantu hose umuntu ari.

Uyu musore avuga ko yatangiriye urugendo rwe n’igare mu karere ka Bugesera, akambuka Akagera agahinguka mu karere ka Ngoma , akomereza mu karere ka Kirehe ahava ajya i Nyakarambi akomereza i Kavuzo yerekeza i Nasho akomeza muri Kabarondo na Kayonza . Avuye i Kayonza yahise ajya I Rwamagana azamuka i Gatsibo ajya i Nyagatare ari naho yarangirije Intara y’Uburasirazuba akomereza mu zindi ntara aho amaze kugenda uturere 15 n’igare rye.

Aganira n’ikinyamakuru Ukwezi.com, Gashayija yasobanuye ko muri uru rugendo rwe arara mu ihema rye aho kurara mu mahoteli cyangwa mu yandi mazu yiyubashye. Yagize ati: “Sinjya ndara mu mahoteli nk’uko bamwe babitekereza ahubwo ngerageza gukoresha ubushobozi bucye mfite neza kugirango mbashe kwereka urubyiruko ko kugera ku nzozi bidasaba gukoresha ibya Mirenge kandi bisaba gukora cyane. Mfite ibikoresho byose by’ibanze aho bwije ngeze ku karere cyangwa ku murenge negera ubuyobozi nkabamenyesha igikorwa ndimo gukora nkabasaba ko banyemerera nkatera agahema kanjye hafi aho kubw’umutekano uharangwa ubundi nkiryamira mu gitondo ngakomeza urugendo”.

Mu mbogamizi avuga ko yagiye ahura na zo aho amaze kugenda, harimo kuba igare rye ryaragiye rimupfiraho agatinzwa no kurikora kuburyo byatumye anamenyera kuryikorera. Avuga kandi ko hari abantu bagiye bamusaba ko bakorana urwo rugendo akabaha ku mafaranga arimo gukorera nyamara atari akazi ahemberwa, ahubwo ngo ari urugendo rw’amahoro yateguye mu rwego rwo kwerekana ko yishimiye igihugu cye kandi akaba anezezwa n’uburyo gitekanye.

Gashayija abyuka saa mbiri n’igice za mugitondo agafunga ibintu bye ubundi saa tatu n’igice agakomeza urugendo rwe, akaza gufata ifunguro saa kumi n’igice kandi akarya rimwe ku munsi ubundi akarya imbuto, cyane ko ngo mu bice byo mu ntara zimuhendukira cyane. Arakomeza agashaka aho aza gucumbika, agasasa ihema rye ubundi akaryama aho.

Mu byo avuga ko amaze kwigira muri uru rugendo, harimo kurushaho kumenya kwicisha bugufi, kwihangana, kwigomwa no kiyemeza ikintu akanakigeraho. Ashimira cyane uturere two mu Burasirazuba n’Amajyaruguru twamufashije mu rugendo rwe, ubu akaba amaze kurangiza izo ntara ebyiri akaba agiye gukomereza mu Burengerazuba.

JPEG


INKURU ZA :
Tanga Igitekerezo
Ibitekerezo 7
evazzo Kuya 21-04-2017

nukuri urubyiruko tugomba kwigira kuri iyi ntwari gashayija nakomereze aho tumuri inyuma

MBARUSHIMANA Kuya 21-04-2017

WOW,super,aller de l’avant avec ton velo et bon voyage aux districs restant

Made in Rwanda Kuya 20-04-2017

Uyu musore ni uwo gutera inkunga afite igitekerezo cyiza. Uwo azajya anyuraho ajye amutera inkunga ni bacye bafite ibitekerezo byiza nk’ibi !

Bigwi John Kuya 20-04-2017

Good job Ziiro! Ihutane izo pics

Jules Kuya 20-04-2017

kuzenguruka,

so what?

Bigwi John Kuya 19-04-2017

Good job Ziiro! Ihutane izo pics

king Kuya 19-04-2017

uyu mujama ndabona atari sawa, afite ikibazo mumutwe we

IGURIRE
Reba Ibindi Byinshi
FPR Kagame 2
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...