konka coffee
KONKA

AMAKURU

UKWEZI

Umuryango wa Gatabazi uratabariza umwana wabo ufite uburwayi budasanzwe

Umuryango wa Gatabazi uratabariza umwana wabo ufite uburwayi budasanzwe
1-06-2016 saa 13:25' | By Chief Editor | Yasomwe n'abantu 10652 | Ibitekerezo 25

Uyu mwana atega akabase munsi y’akananwa n’umunwa ngo hajyemo umwanda

Umuryango utuye mu Kagari ka Gasarabwayi mu Murenge wa Musaza mu Karere ka Kirehe uratabaza abagiraneza kuwuha ubufasha bwo kuvuza umwana wabo umaranye imyaka 16 uburwayi budasanzwe bwo kubyimba umunwa n’ururimi.

Uwo mwana ni Tuyisenge Emile w’imyaka 16 y’amavuko, mwene Gatabazi Jean Claude na nyina Ahobantegeye Groriose. Nyuma gato yo kuvuka, yagize uburwayi budasanzwe bw’umunwa, bituma ururimi rubyimba mu buryo budasanzwe, rusohoka inyuma.

Ababyeyi be babwiye Kigali Today dukesha iyi nkuru ko bagerageje kumuvuza mu mavuriro yo mu Rwanda kugeza muri 2009, binaniranye boherezwa kujya kumuvuriza muri Afurika y’Epfo, ariko umuryango wabuze ubushobozi kugeza ubu muri 2016 kandi akomeza kumererwa nabi.

Uburwayi uyu mwana afite ntibusanzwe kandi hasabwa ubushobozi ababyeyi be batabona

Nyina w’uyu mwana, avuga ko uburwayi bwamufashe akiri uruhinja. Ati “Uyu mwana akiri uruhinja rw’amezi atanu, yagize agaheri ku munwa utangira kubyimba, tugira ngo ni uduheri dusanzwe. Mu myaka ibiri, tubona ko ibintu bikomeye, tumujyana mu bitaro by’i Gahini. Twamugejejeyo biranga, batwohereza CHUK na ho tugezeyo birananirana tumujyana mu rugo.”

Umwana ngo yakomeje kuremba ari na ko umunwa n’ururimi bibyimba cyane, bamusubiza muri CHUK. Ati “Yakomeje kuremba, tumusubiza CHUK kuko umunwa wari umaze kurengerana, ururimi rwarasohotse. Tugezeyo, umunwa wo hasi barawukata, dukomeza kurwaza umwana, agize imyaka icyenda babona binaniranye, CHUK batwohereza muri Afurika y’Epfo.”

Nubwo boherejwe kuvuriza umwana muri Afurika y’Epfo, ababyeyi be bavuga ko babuze ubushobozi ku buryo na n’ubu, umwana akomeje kuremba kuko babuze uko bagira.

Gatabazi Jean Claude, se w’umwana, avuga ko bakimara kubona ko boherejwe hanze, bagerageje gushakisha ibyangombwa by’inzira ariko babura ubushobozi bwo kuvuza umwana, bararekera kugeza ubu. Ati “Muri 2009 badusabye kujya kumuvuziza Afurika y’Epfo. Maze kubona pasiporo, ubushobozi burabura ndazibika n’ubu ndacyazifite n’icyangombwa bampaye uretse ko cyarangije igihe.”

Akomeza agira ati “Na n’ubu, ubushobozi bwarabuze kandi umwana akomeje kuremba. Tugize abagiraneza badufasha baba batubyaye.”

Uyu muryango utunzwe no guca inshuro bitewe n’uko nta sambu ihagije yo guhingamo bafite yabatunga ari batanu mu rugo kuko bafite abana batatu mu gihe bapfushije abandi batatu.

Hakizimana Charles ushinzwe abafite ubumuga mu Karere ka Kirehe, avuga ko batigeze bamenyesha ubuyobozi ikibazo umwana afite, agasaba ababyeyi kwegera ubuyobozi bw’ibanze bukabaha icyemezo cy’icyiciro cy’ubudehe barimo, bagakomeza gukorerwa ubuvugizi kugira ngo umwana avurwe.

Inkuru ya Kigalitoday


INKURU ZA :
Tanga Igitekerezo
Ibitekerezo 25
rukundo Kuya 5-06-2016

Muduhe aho inkunga twayinyuza.

rukundo Kuya 5-06-2016

Muduhe aho inkunga twayinyuza.

Tuyisenge Kuya 3-06-2016

Mutange aho batanga inkunga ndetse na numeron y uwo twavugana nawe.

Ikindi uwo muyibozi ntago yari akwitiye kuvuga gutyo kuko niba umwana afite imyaka 16 afite ubureayi ni uwuhe muyobozi ubwo utaramubonye wo munzego z ibanze.
Ahubwo buriwese ni yite kunshingano ze.

Iyo umukindo wokumuhanda wagonzwe niwo ujya kwitabariza cg ni uwabonye ko waguye

Nimwiye kubana ayo niyo maboko yigihugu.

Thank you

Bertrand Kuya 2-06-2016

ndakwinginze Mana Data nziko ushobora byose rengera uyu mwana uko bikwiye nzashimira Rurema kdi nziko nubikora Mana uyu mwana azagushima. ndumunyeshuri nge nabo twafatanyije kureba iyinkuru ibabaje turasaba uburyo busobanutse twanyuzaho inkunga

Niyigaba jean DE dieu Kuya 2-06-2016

Nyamuneka birababaje amadini namatorero nabandi bagiraneza mureke duhurize hamwe amafranga dufashe uyumuziranenge muduhe gahunda yuburyo twamugezaho inkunga

Florence Kuya 2-06-2016

nukuri Imana nirengere uwo mwana imutabare muduhe ahantu twanyuza inkunga yacu

Kalisa Kuya 2-06-2016

Twasabaga abateguye iyi nkuru ndetse nabageze kuri taire ko bagira vuba rwose bakagaragaza inzira cg uburyo uyu muntu yaterwamo inkunga akajya kwivuza kuko ikigaragara arababaje cyane, nukuvuga ngo mwebwe uko mwagize ubushake bwokumukorera ubuvugizi abe ariko munagira vuba kugira ngo abantu hirya no hino bahurize hamwe inkunga, mushireho yaba account, mobile money and tigo cash kugira ngo ubishoboye wese icisheho inkunga ye buri wese uko ashoboye

bbe Kuya 2-06-2016

imana abe ariyo yo kumukorera ibitangaza kuko imfumbatura ikiganza igahaza kwifuza kwa batuye isi bose igire icyo ikora kuri we kdi ituremere ishimwe yesaya 49;7/10

Usengimana Richard Kuya 2-06-2016

Imana itabare uyu mwana nawe azayihamye ko Igira neza.muduhe uburyo twashyiraho inkunga yacu.yaba tigo cash,mobile money,cg account

Nimbona Kuya 2-06-2016

Mwizina rya Yesu Kristo uho mwana Emile akire

Amen

Nimbona Kuya 2-06-2016

Mwizina rya Yesu Kristo uho mwana Emile akire

Amen

vava Kuya 2-06-2016

muduhe aho twanyuza inkunga yo gufasha uyu mwana!!

Ijabiro Kuya 2-06-2016

Yoooooooo ndumva mbabayee vrmnt Gusa Imana Niyo muganga usumba abandiii nukuri nisubiranyee ingingo zeee!!!! Nigute umuntuu yamutera inkunga plz

Theophile Kuya 2-06-2016

Imana itabare uyu muryango njye nemeye 15000 mba Karongi ariko muduhe compte twayashyiraho. Abanyamakuru mushyire iyi nkuru no kibi ndi binyamakuru hazaboneka abandi bagira neza people kuko uyu mwana arababaje

Fanny Kuya 2-06-2016

Muduhe uburyo twakohereza inkunga nuwo twagishyikiriza njye Mba muri Amerika

Fanny Kuya 2-06-2016

Muduhe uburyo twakohereza inkunga nuwo twagishyikiriza njye Mba muri Amerika

uweragrace Kuya 2-06-2016

Ndagutabaje Uwiteka, niwowe muganga ukomeyeee Gira icyo ukora kuruyumwana Ingingo ze zimubiri zongere zimererwe neza Amen

nsengimana Emmanuel Kuya 2-06-2016

Charles uri umuntu Wumugabo,Uzi gufata umwanzuro rwose Imana izaguheremo umugisha

nsengimana Emmanuel Kuya 2-06-2016

Charles uri umuntu Wumugabo,Uzi gufata umwanzuro rwose Imana izaguheremo umugisha

Ange Tunga Kuya 2-06-2016

uwashaka kugira icyabafasha yababona ate?

dushimyumuremyi Richard #danger man# Kuya 1-06-2016

uyu mwana mwemereye inkunga yibihumbi mirongo itandatu
byamanyarwanda nkeneye kumenya uko nayohereza

pat Kuya 1-06-2016

Urakoze cyane kubwinkunga utanze imana isubize aho ukuye,ese ko mutashyizeho aho umuntu yababona ashatse kubafasha nka telephone by mobilo money nubundi buryo bushoboka,ikindi reta nimufashe wasanga bamwihorehoreye gusa nabandi irabafasha kuko hari benshi twumva boherejwe mubuhinde nahandi,

Charles Kuya 1-06-2016

Minister Binagwaho azabikemura. Mungengo yimari bizakemuka. Ariko ndibwira ko bamutindanye

matata Kuya 1-06-2016

uyu mwana bazamujyane i kanombe mu bitaro bya gisirikare hari umuhinde ushobora ku mufasha

Zacharia Katego Kuya 1-06-2016

Birababaje kubona umwana wumunyaryanda abura abamufasha kandi twirirwa turirimba ko leta yacu ko isaranganya ibyo ifite .ugasanga leta yirirwa itanga amafr kubintu bidafitiye akamaro umukene .
Burya umukene azahora urumukene.jye kubwajye niyemeje kuzatanga amafr angana 50$

IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...