konka coffee
KONKA

AMAKURU

UKWEZI

Umutima washegeshe ubuzima bwa Cyubahiro none umuryango we uramutabariza

Umutima washegeshe ubuzima bwa Cyubahiro none umuryango we uramutabariza
3-05-2017 saa 11:14' | By Chief Editor | Yasomwe n'abantu 12230 | Ibitekerezo 15

Cyubahiro Patrick, ni umusore w’imyaka 17 y’amavuko ariko myinshi mu myaka ye ayimaze yarashegeshwe n’uburwayi bw’umutima kuko amaze imyaka 10 yose yivuriza mu bitaro byitiriwe umwami Faisal biri ku Kacyiru mu mujyi wa Kigali. Ubu ibintu bigeze aho bikomeye kurushaho ariko kandi ushobora kugira uruhare mu kumufasha kuba yakongera kubona icyizere cyo kubaho.

Cyubahiro Patrick avuka ku mudugudu wa Rwagashyaba, mu kagari ka Gakenke ko mu murenge wa Kiramuruzi mu karere ka Gatsibo. Umuryango we umaze imyaka 10 umuvuza indwara y’Umutima nk’uko babitangarije ikinyamakuru Ukwezi.com ariko ibitaro byitiriwe umwami Faisal byamukurikiranaga, byasanze hari amahirwe y’uko yavurwa akongera kubona ubuzima bwiza maze bimwohereza kuvurizwa mu Buhinde ahari ubuvuzi bwateye imbere kurushaho.

Leta y’u Rwanda yemeye ko izishyura amafaranga ajyanye n’ibizatangwa ku buvuzi Cyubahiro azakorerwa mu Buhinde, ariko kugirango abashe kujya muri iki gihugu ndetse abashe no kubayo mu minsi azaba arimo akurikiranwa n’abaganga, birasaba amafaranga y’u Rwanda nibura miliyoni enye, kandi umuryango we nta mikoro usigaranye kuko muri iyo myaka yose amaze arwaye batanze amafaranga menshi bamuvuza banamwitaho.

Cyubahiro Patrick ni umusore ukiri muto ariko ubu ubuzima bwe ntibumeze neza

Aya mafaranga ni menshi ku muryango wa Kanamugire Songa Ernest, iwabo wa Cyubahiro Patrick, ndetse ashobora no kuba ari menshi kuri buri munyarwanda wese, ariko ashobora kuba macye buri wese amufashije uko yishoboye, agatanga inkunga ye uko yifite, kuko nta nkunga iba nto. Amafaranga macye wakwigomwa, ashobora kubera Cyubahiro amarembo yo kunyuramo yongera kubona ubuzima bwiza akanasohoka mu burwayi bumwugarije. Witanze mu bushobozi ufite waba kandi uhaye icyizere umuryango we ko ubu burwayi butazahitana uyu mwana.

Ubufasha bwose wagenera uyu mwana w’umuhungu bushobora kuba umusanzu warokora ubuzima bwe

Uramutse ufite umutima wo gufasha uyu muryango no gutabara ubuzima bw’uyu mwana Cyubahiro Patrick, ushobora kohereza ubwo bufasha kuri Mobile Money ya telefone y’umubyeyi we Mukamana Francoise, ifite nimero 0788974224. Ushobora kandi kumubaza ubundi buryo wabagezaho inkunga yawe.

ICYITONDERWA: Uramutse utabasha kubona ubufasha bw’amafaranga na macye, ushobora no kumufasha usangiza abandi iyi nkuru ku mbuga nkoranyambaga zose ukoresha, ukabimenyesha abandi bashobora kumufasha.


INKURU ZA :
Tanga Igitekerezo
Ibitekerezo 15
umutoni olive Kuya 5-05-2017

mwanatwandiilkira kuri email umutoneric@gmail.com

Umutoni olive Kuya 5-05-2017

mwiriwe! mbanje kubashimira kubwubufasha bw’ibitekerezo byanyu nukuri ndabashimiye,njye ndi mushiki wa cyubahiro Patrick kubantu bakeneye ubusobanuro hari nimero yatanzwe haruguru iri kuri watsapp kdi uwabishobora yaduhamagara tukamusobanurira,murakoze

Ganza cedric Kuya 4-05-2017

Everthing happen for reason, numugambi wimana kandi hamwe nayo byose birashoboka, Ukonzashobozwa nzamufasha kandi akomeze yihangane. Nabonye iriya number batanze iri kuri whatsapp ndacyeka abarihanze ariho babariza umubyeyi we akabasobanurira.

Emmanuel Kuya 4-05-2017

nukuri birakwiye gutanga ubufasha bwacu maze Cyubahiro akabona ubuzima buzira umuze.tuzagerageza uko dushoboye rwose

Deborah nyanshuti Kuya 4-05-2017

Muraho,nasabaga ko mwadufasha mukatubwira ukonabarihanze,twabigenza twohereza inkunga yo gufasha uwomuvandimwe murakoze

Deborah nyanshuti Kuya 4-05-2017

Muraho,nasabaga ko mwadufasha mukatubwira ukonabarihanze,twabigenza twohereza inkunga yo gufasha uwomuvandimwe murakoze

fred Kuya 4-05-2017

yoo! niyihangane disi nanjye nemeye kwitanga uko nshoboye

Aimable Kuya 4-05-2017

Ijambo ryimana ridusaba gufasha ababaye, ndihanganisha patrick ndetse numuryango we Natwe nkabanyarwanda bazi agaciro kubuzima tuzamufasha uko dushoboye.

SIMBIZI Eugene KAGERUKA Kuya 4-05-2017

Gufasha abababaye ni ukwizigama no kwitegurira amasaziro meza.Patric hamwe n’Imana tuzamufasha.

twagirimana isaac Kuya 3-05-2017

Mana kora ibikomeye umwongerere iminsi yokubaho tuzamufasha ukodushobo jwe

twagirimana isaac Kuya 3-05-2017

Mana kora ibikomeye umwongerere iminsi yokubaho tuzamufasha ukodushobo jwe

felicien Kuya 3-05-2017

rekatumusabire IMANA imufashe kuko niyo ishobora byose

Fabrice Kuya 3-05-2017

Abishyize hamwe nakibananira kandi uwiteka abane nacyubahiro patrick, Uwiteka nadushoboza turamufasha kandi hamwe nimana byose birashoboka.

Fabrice Kuya 3-05-2017

Abishyize hamwe nakibananira kandi uwiteka abane nacyubahiro patrick, Uwiteka nadushoboza turamufasha kandi hamwe nimana byose birashoboka.

DEDE Kuya 3-05-2017

YOOOO !!!!! UYUMWANA DISI IMANIMUFASHE NDUMVA IYINKURU IKOZE KUMUTIMA NANJYE NKUMUNYARWANDA NGOMBA KUMUFASHA.

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...