konka coffee
KONKA

AMAKURU

UKWEZI

Umuyobozi wafatanywe umunyeshuri muri Lodge bakekwaho gusambana agiye kuburana

Umuyobozi wafatanywe umunyeshuri muri Lodge bakekwaho gusambana agiye kuburana
12-09-2016 saa 09:38' | By Chief Editor | Yasomwe n'abantu 44354 | Ibitekerezo 15

Umuyobozi w’ikigo cy’amashuri cya ES Kigoma giherereye mu karere ka Ruhango mu Ntara y’Amajyepfo akaba n’umwe mu bagize njyanama y’aka karere witwa Kagabo Mansuet, yongeye gufungirwa kuri parike nyuma yo gufatirwa mu macumbi (Lodge) ari kumwe n’umukobwa w’imyaka 19 y’amavuko, bikekwa ko bari barimo gusambana, agahita atabwa muri yombi. Byavugwaga ko yarekuwe ariko ubu afungiwe i Nyamirambo.

Ubwo Kagabo Mansuet yatabwaga muri yombi mu byumweru bibiri bishize, SP Hitayezu Emmanuel, umuvugizi wa Polisi mu mujyi wa Kigali, yari yabwiye ikinyamakuru Ukwezi.com ko uwo muyobozi w’ishuri hamwe n’uwo mukobwa wiga ku kigo ayobora, bafatiwe mu macumbi yo mu karere ka Gasabo yitwa Upendo Lodge tariki 28 Kanama 2016, bombi bagahita bafungirwa kuri Sitasiyo ya Polisi ya Remera.

Mu minsi ishize ariko, SP Emmanuel Hitayezu yagiranye n’ikinyamakuru Ukwezi.com, adutangariza uyu muyobozi yamaze gushyikirizwa parike ikaba ari nayo ifite dosiye irimo ibyaha akurikiranweho, akanavuga ko pariki yabaye imurekuye ngo imukurikirane adafunze, impamvu yabaye arekuwe ikaba yamenywa n’ubushinjacyaha.

Nyamara Faustin Nkusi, umuvugizi w’ubushinjacyaha bw’u Rwanda, kuri uyu wa Mbere tariki 12 Nzeri 2016, yatangarije Ikinyamakuru Ukwezi.com ko Kagabo Mansuet ubu afungiye kuri parike i Nyamirambo mu mujyi wa Kigali, kuri uyu wa Kabiri bikaba ari bwo biteganyijwe ko azaburana ku bijyanye n’uko yarekurwa agakurikiranwa adafunzwe, mu gihe ataraburanishwa mu mibizi ibyaha akurikiranweho.

Hakurikijwe ingingo ya 244 mu gitabo cy’amategeko ahana ibyaha mu Rwanda, Kagabo Mansuet usanzwe afite umugore basezeranye, ahamye n’icyaha yaba yarakoze ubusambanyi kuko iyi ngingo ivuga ko ubusambanyi ari imibonano mpuzabitsina ikozwe n’uwashyingiwe ku buryo bwemewe n’amategeko, akayikorana n’uwo batashyingiranywe.

Ingingo ya 245 yo ivuga ko umuntu wese uhamwe n’icyaha cy’ubusambanyi, ahanishwa igifungo kuva ku mezi atandatu (6) kugeza ku mwaka umwe (1). Kandi iyi ngingo ihana n’uwo basambanaga, bisobanura ko n’umukobwa ashobora guhanwa cyane ko yujuje imyaka y’ubukure.

NB: Ku ifoto, Kagabo Mansuet yari yicaranye n’umufasha we w’isezerano


INKURU ZA :
Tanga Igitekerezo
Ibitekerezo 15
Uwimpuhwe. Kuya 12-04-2017

ndagisha inama ndumukobwa wimyaka 22 umugabayihaye kunzanaho ubuhehesi ndamubwira ngo nzamushyikiriza umutekano arabwira ngontacyo byatanga none nararekeye kd afite umugore nabana 3mumbabarire mungire inama murakoze.

Bébé Kuya 10-03-2017

Uyu mugabo yakurikiranwaho ubusambanyi mu gihe gusa yabiregwa n’uwo bashakanye. Ahubwo nimwerure mubivuge ko iyi ari ya ruswa y’igitsina ihora iburirwa ibimenyetso. Uyu mukobwa yahanwa gute se kd ahubwo yarahohotewe ? Twibuke ko n’ubwo yujuje imyaka uyu wamusambanyije ni umuyobozi we.

Ntibazabigoronzore ngo bamuhanagureho icyaha iyo nkozi y’ibibi. Mu ruhango n’i Remera hari intera ndende. Ahubwo uwo mukobwa wenda yahanirwa kwemera gutanga ruswa usibye ko nabo baba babishaka. Umukobwa wa 19 ans agashyukwe kaba kamwiyiciye akabona umuzimiriza akazamuha n’amanota, cyane ko iyo kamwishe kuriya aba yiga adahari yumva mu maguru bicika.

Nirucibwa neza azafungwa ( umukobwa) kuko ntiyabeshya ko atari azi neza ko umugabo yubatse. Naho abagabo mubareke barongore abarenze umwe wenda bashira ipfa. Kd abagore n’abakobwa barenze abakenewe ... Yewe !

Job Niyobuhungiro Kuya 8-03-2017

bajyebahanwa cyane

Job Niyobuhungiro Kuya 8-03-2017

bajye bahanwa abobayobozi basambana kuko ntandangagaciro zintore baba bafite bajyebanakurwa kubuyobozi murakoze

zuzu Kuya 15-01-2017

Mumfashe kumva neza!
Iyo umuntu asambanije uwo afiteho ububasha cyane cyane nkuwo wari ukiga undi ari umuyobozi wee ngo ni uko afite 19ans ahanwa byoroshye gutyo? Ko numva kwiga ukuze bisobanura gushumurizwa abayozi?? Pour moi numva bidahagije pe! Umuntu wirirwa mu uniforme agasambanywa nuwirirwa muma costume na karuvate nigute ntabushukanyi bukomeye burimo no kwizezwa ibitangaza amanota meza nibindi..
Babirebane ubushishozi

Ndayishimiye Alphonse Kuya 15-12-2016

abakeka ko Kagabo atakoze icyaha baribeshya nubwo yaba batarasambanye ariko yari afite tentative yabyo kdi mwibuke ko uwo ashuka amufite mushingano zo ku murera ahanwe rwose ntandangagaciro afite z’umuyobozi

Hatari Kuya 15-09-2016

Utarabikora namutere ibuye!! Iriya ni accident ntawe bitabaho

Twibanire Jean De Dieu Kuya 14-09-2016

ahubwo mudukurikiranire iyo myanzuro izafatwa nurukiko niba icyaha kimuhama cyangwa ari umwere

Sezikeye Kuya 13-09-2016

Niba umukobwa yujuje imyaka y,ubukure uwareze ninde?Keretse niba ari umugore w’uwo mugabo wareze niho ikirego cyaba gifite ishingiro cg uwo mukobwa akamurega rape.

EMMANUEL Kuya 13-09-2016

UBUSHINJA CYAHA NIKURIKIRANE ICYO KIBAZO VUBA MAZE UWO MUGABO ICYAHA NIKITAMUHAMA AFUNGURWE ASUBIRE MUKAZI KANDI NIKIMUHAMA AKANIRWE URUMUKWIYE

Cyimana Jean Kuya 13-09-2016

Ariko abafunze Bose muri iyi dossier baba baburanye? Inyito y’icyaha yaba ari iyihe?

Jado Kuya 13-09-2016

mwiriwe neza, nashakaga kubaza uwanditse iyi nkuru, ese nubwo icyaha cyaba kimuhama cyangwa kitamuhama biremewe kugaragaza ucyekwaho icyaha mu ruhame icyaha kitaramuhama, ubu kitamuhamye ntiyakurega kumuharabika cg bikagire izindi ngaruka.
Murakoze

ruti Kuya 12-09-2016

wowe se uvuze ko arengana ushingiye kuki??ibyo ni amarangamutima

kagabo Kuya 12-09-2016

Reka dutegereze gusa nuko muzasanga arengana, banguka mu Ruhango turagutegerejeeeee!

kagabo Kuya 12-09-2016

Reka dutegereze gusa nuko muzasanga arengana, banguka mu Ruhango turagutegerejeeeee!

IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...