konka coffee
KONKA

AMAKURU

UKWEZI

Umwe mu banyeshuri ba Kaminuza y’u Rwanda yapfuye nyuma yo kugaburirwa ibiryo byanduye

Umwe mu banyeshuri ba Kaminuza y’u Rwanda yapfuye nyuma yo kugaburirwa ibiryo byanduye
15-05-2017 saa 06:30' | By Chief Editor | Yasomwe n'abantu 11288 | Ibitekerezo 8

Ngendahimana Augustin wari umunyeshuri muri Kaminuza y’u Rwanda i Huye mu Ntara y’Amajyepfo, yapfuye mu ijoro ryo kuri iki Cyumweru tariki 14 Gicurasi 2017, nyuma y’uko we na bagenzi be bari bajyanywe mu bitaro bya Kaminuza baguwe nabi n’ibiryo bari bariye muri resitora ya Kaminuza.

Dr Sendegeya Augustin uyobora ibitaro bya Kaminuza bya Butare bizwi nka CHUB, yemeje iby’aya makuru mu kiganiro yagiranye n’ikinyamakuru Ukwezi.com, avuga ko Ngendahimana Augustin yapfuye mu masaha ya saa yine z’ijoro nyuma y’iminsi yari amaze akurikiranwa n’abaganga.

Uyu muyobozi w’ibitaro avuga ko uyu munyeshuri wapfuye we yari anafite uburwayi bwa malariya, akaba yahitanywe n’uruhurirane rwayo n’ibindi bibazo yari yatewe n’ibiryo yariye muri resitora ya Kaminuza y’u Rwanda kimwe na bagenzi be barenga 12 bari bamaze iminsi bakurikiranwa n’abaganga.

Uyu ni we Ngendahimana Augustin wapfuye

Dr Sendegeya Augustin yabwiye Ikinyamakuru Ukwezi.com ko abanyeshuri basaga 12 baheruka kujyanwa mu bitaro ayobora tariki 10 Gicurasi 2017 ubwo bari baguwe nabi n’ibiryo bari bariye muri resitora ya Kaminuza, hafi ya bose bamaze gutaha kuko bitaweho n’abaganga bagahita boroherwa.

Avuga ko isuzuma ryakozwe ryagaragaje ko ibimenyetso by’umuriro mwinshi, gucibwamo no kuruka aba banyeshuri bagaragazaga, byari byatewe no kurya ibiryo birimo umwanda, kuko nta kindi kintu kidasanzwe basanze mu mubiri wabo. Hagati aho Polisi y’u Rwanda yari yataye muri yombi bamwe mu bakozi ba resitora ya Kaminuza kugirango hakorwe iperereza kuri icyo kibazo.


INKURU ZA :
Tanga Igitekerezo
Ibitekerezo 8
Kubwimana (Kayonza) Kuya 15-05-2017

Tujye tureka kwitiranya ibintu,ikibazo nyamukuru si umwanda ahubwo ba nyir ma Restora baba bishuwe udufuranga tw’ubusabusa, bityo ntibabone amafaranga yo kwangaja abakozi bahagije kugirango hakorwe isuku ku mafunguro bagomba gutegura n’ ibindi byose bijyana nayo.
None Police ngo yafashe ba nyiri Restourant! aho ni ukwibesha cyane, ahubwo ni jye gufata abakozi ba MINEDUC cg REB bareke izo nzirakarengane, niba nibuka kuva za 2004 Bourse ari 25000 rwfs, Aya mafaranga ntabwo akigenye n’ibiciro ku masoko! ubwo se iyi myanda muri kutugaburira mudutegerejyemo uwuhe musaruro da? Mureke twipfire!!!!

uwase vital Kuya 15-05-2017

Augustin imana imwakire mubayo nagahinda Kuri njye kuko uyumwana twize kubigo bimwe yaba 0andA level numuryango we imana iwuhe kwihangana

uwase vital Kuya 15-05-2017

Augustin imana imwakire mubayo nagahinda Kuri njye kuko uyumwana twize kubigo bimwe yaba 0andA level numuryango we imana iwuhe kwihangana

Irumva Dan Kuya 15-05-2017

R.I.P kuri Augustin

James Kuya 15-05-2017

Ariko kaminuza y‘ U Rwanda n‘umwanda muri iyi minsi bimeze bite ?
Mu minsi yashize ngira ngo nibwo twumvaga umwanda udasanzwe
Muri Cst (kist) none umva Ni butare toujours UR

Imana imwakire Mu bayo

Ariko hakurikiranwe ikibazo cy ‘umwanda muri za kaminuza

Pee

-xxxx- Kuya 15-05-2017

birarabaje pee kubona malaria ihitana umuntu kandi ari kwamuganga ubwose suburangare bwabaganga,gusa Imana imwakire mubayo, gusa na restora yisubireho

c Kuya 15-05-2017

May He RIP

Mwenedata Kuya 15-05-2017

Oh lala pole sha u Rwanda rubuze umwana muto koko nk’uyu
Nyagasani amwiyereke iteka aruhukire mu mahoro

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...