konka coffee
KONKA

AMAKURU

UKWEZI

Umwe mu bayobozi ba RSSB wari n’umuganga w’inzobere yitabye Imana

Umwe mu bayobozi ba RSSB wari n’umuganga w’inzobere yitabye Imana
9-04-2017 saa 15:04' | By Chief Editor | Yasomwe n'abantu 11832 | Ibitekerezo 6

Dr Gakwaya Innocent wari umuyobozi w’Inama y’Ubutegetsi y’Ikigo cy’igihugu cy’Ubwiteganyirize, RSSB, ndetse wanabaye umuyobozi mu nzego zitandukanye z’iki kigo akaba yari n’umuganga w’inzobere wakoze hirya no hino mu mahanga, yitabye Imana kuri uyu wa Gatandatu tariki 8 Mata 2017 azize uburwayi.

Dr Gakwaya Innocent yari kumwe n’abakozi kuwa Kane tariki 6 Mata 2017, ku cyicaro gikuru cya RSSB aho aba bakozi baganiriye ku bijyanye na gahunda ya Ndi Umunyarwanda bakanakomoza ku bijyanye n’itangizwa ry’icyunamo ahari Depite Bamporiki Edouard, bamwe mu bakozi b’iki kigo bakaba batunguwe no kumva ko nyuma y’iminsi ibiri yitabye Imana. Uretse kuba yari ageze mu za bukuru, ntabwo byagaragaraga ko arembye cyane.

Uyu ni Gatera Jonathan; umuyobozi mukuru wa RSSB ari kumwe na nyakwigendera Dr Gakwaya Innocent

Dr Gakwaya Innocent yari amaze igihe kirekire ari umukozi wa RSSB dore ko yatangiye ari umuyobozi mukuru w’icyitwaga ikigo cy’ubwishingizi bw’indwara (RAMA) nyuma byahuzwa n’ikigo cy’ubwiteganyirize (Caisse Sociale du Rwanda) bigahinduka RSSB (Rwanda Social Security Board) akaza kuba umuyobozi mukuru wungurije, kugeza tariki 5 Kanama 2015, ubwo Inama y’Abaminisitiri yemezaga ko abaye Umuyobozi w’Inama y’Ubutegetsi ya RSSB.

Dr Gakwaya Innocent ubusanzwe yari inzobere mu by’ubuvuzi, akaba yarakoze mu bihugu bitandukanye birimo iby’i Burayi ndetse yanakoze mu bitaro bya FOMULAC i Bukavu muri Repubulika Iharanira Demokarasi ya Kongo.


INKURU ZA :
Tanga Igitekerezo
Ibitekerezo 6
Bwiza Kuya 10-04-2017

R I P. Nawe aphuye uruphu rutunguranye nkabandi bose.
Ko mutavuze se ko yari muramu wa Boss?

jeep Kuya 9-04-2017

R. I. P Imana imwakire mubayo.

Serugaba patrick Kuya 9-04-2017

Ndihanganisha cane umuryango wabugufi utakaje umuntu ukomeye Dr gakwaya Innoncent ndetse nigihugucacumuri rusange tubuze umuyobozimwe cane nje nubu aranyoboye muri Rssb Imana imwakire mubayo R.I.P

Serugaba patrick Kuya 9-04-2017

Ndihanganisha cane umuryango wabugufi utakaje ununtu ukomeye Dr gakwaya Innoncent ndetse nigihugucacumuri rusange tubuze umuyobozimwe cane nje nubu aranyoboye muri Rssb Imana imwakire mubayo R.I.P

Serugaba patrick Kuya 9-04-2017

Ndihanganisha cane umuryango wabugufi utakaje ununtu ukomeye Dr gakwaya Innoncent ndetse nigihugucacumuri rusange tubuze umuyobozimwe cane nje nubu aranyoboye muri Rssb Imana imwakire mubayo R.I.P

Esther Kuya 9-04-2017

yoo! innent imana imuhe iruhuko ridashira.

IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...