konka coffee
KONKA

AMAKURU

UKWEZI

Violette watwikishijwe aside ubu ntabasha kubumba amaso, aratabaza abagiraneza

Violette watwikishijwe aside ubu ntabasha kubumba amaso, aratabaza abagiraneza
18-05-2016 saa 07:36' | By Chief Editor | Yasomwe n'abantu 12508 | Ibitekerezo 11

Tariki 12 Mutarama uyu mwaka, nibwo umugore witwa Dusabimana Eugenie yatwitse umukobwa wari inshuti ye magara witwa Ntakirutimana Violette, akaba yaramutwitse akoresheje aside akangirika bikomeye, ubu uyu Dusabimana akaba arimo gukurikiranwa n’ubutabera mu gihe Ntakirutimana Violette we akivuza ubu bushye bwamwangije bikomeye ku isura. Uretse kuba isura ye yarangiritse, ubu bushye bwanatumye atabasha kubumba amaso, kuburyo yirirwa akanuye akarara akanuye bukamukeraho, akaba ategereje kubagwa ngo imitsi y’amaso ibashe gukora neza ajye abasha gusinzira, ariko ni ibintu avuga ko bimukomereye kuko amafaranga amaze kumushiraho

Mu minsi micye ishize ubwo yaganiraga n’ikinyamakuru Ukwezi.com, yavuze ko Dusabimana Eugenie wamutwitse, yahoze ari inshuti ye magara, hanyuma ariko akaba yari umugore ufite umugabo basezeranye yari yarasize mu cyaro akaza gukora uburaya i Kigali amubeshya ko yahabonye akazi. Umugabo we yaje kumutahura barashwana, hanyuma umugore akeka ko inshuti ye Violette ari we wabibwiye umugabo, bituma amuhemukira amutwikisha aside. Uyu mukobwa watwitswe ariko we, avuga ko atigeze amurega ndetse akemeza ko n’umugabo yivugira ko yabibwiwe n’abashoferi n’abamotari bajyaga babona umugore we ari mu buraya i Kigali.

Aha kuri iyi foto, ubanza wambaye wambaye umukara n’umweru niwe Eugenie naho Ntakirutima Violette ni uyu wambaye ipantalo y’ubururu. Iyi ni ifoto yabo ya kera

Uyu mugore, amaze gukora aya mahano yahise atoroka, ariko nk’uko umuvugizi w’ubushinjacyaha bw’u Rwanda, Faustin Nkusi yabitangarije ikinyamakuru Ukwezi.com, tariki 21 Mutarama Dusabimana Eugenie yatawe muri yombi na Polisi arafungwa ariko aza gutobora aho yari afungiwe aratoroka, nyuma akaba yarongeye gutabwa muri yombi tariki 5 z’uku kwezi kwa Gicurasi aho yari yarahungiye muri Uganda, maze tariiki 6 Gicurasi ahita ashyikirizwa pariki, ubu akaba afunzwe mu gihe ategereje kuburanishwa.

Ntakirutimana Violette watwikishijwe aside, we amaze amezi ane yivuza, isura ye ikaba yarangiritse ariko akaba abangamiwe kurushaho no kuba atabasha kubumba amaso, ibintu avuga ko bimubabaza cyane. Yabwiye Ukwezi.com ko ubu afite gahunda ya muganga yo kuzabagwa mu kwezi kwa Nyakanga, ariko akaba atorohewe no kubona ubushobozi bwo gukomeza kwivuza kuko amaze igihe nta n’icyo abasha kwikorera kubera ubu bushye. Asaba uwaba afite umutima w’impuhwe, ko yamurwanaho akamufasha uko yishoboye. Iyo muganira, wumva avuga nk’uwashegeshwe n’intimba n’agahinda ku mutima we.

Uyu ni Ntakirutimana Violette, iyi ikaba ari ifoto yafashwe mbere y’uko atwikwa

Akimara gutwikwa, Ntakirutimama Violette ni uku yari ameze

Uku niko Violette Ntakirutimana asigaye ameze, n’ubu akaba akomeje kwivuza n’ubwo yangiritse cyane mu isura

Nyuma yo gutwikirwa mu Gatsata ho mu mujyi wa Kigali aho yabaga, ubu Ntakirutimana Violette asigaye aba i Nyamata mu karere ka Bugesera, hanyuma akaba yivuriza i Kigali mu bitaro bizwi nka CHUK ariko muri iyi minsi akaba ari mu rugo mu gihe ategereje gahunda yahawe na muganga yo kubagwa. Uwamushaka, yamubona kuri telefone ye no: 0789659606

NB: Gusakaza iyi nkuru uyisangiza abantu benshi bashoboka, nabyo ni inkunga ikomeye yafasha uyu mukobwa kubona abagiraneza bamufasha muri ibi bihe bikomeye arimo


INKURU ZA :
Tanga Igitekerezo
Ibitekerezo 11
Nsengimana Daniel Kuya 18-12-2016

Mana yange fasha uyumwana w’umukobwa abashe wenda gusinzira ndabigusabye.Amen!
urakoze Mana

MUNYANDEKWE IGNACE Kuya 22-11-2016

uyu mukobwa afite umutima wa kinyamaswa peee! gutwika umuntu koko noneho winshuti yawe ntibikwiriye mu muco wa kinyarwanda

MUNYANDEKWE IGNACE Kuya 22-11-2016

uyu mukobwa afite umutima wa kinyamaswa peee! gutwika umuntu koko noneho winshuti yawe ntibikwiriye mu muco wa kinyarwanda

Niyitegeka Jean Damascen Kuya 29-10-2016

Manawe Wacyijijeuyumuntukoko Iriyanimeroniye?Nibamubagase Azakira?

Denis Kuya 7-08-2016

Mana nyagasani tabara uyu mwana w’umukobwa arababaye kandi ni weho utabara abarushye nabaremerewe imbaraga zawe nizigaragarize muri uyu mukobwa maze izina ryawe rishyirwe hejuru kandi Mana ni weho mucamanza mukuru uwakoze ibi uzamubabarire kuko nawe ibyo yakoze ntabwo ariwe wabikoze ahubwo nimbaraga za satani zamuganjije muri muri we dutsindire umwanzi satani nibishuko bye mw’izina rya Yesu nk’umukiza, Amen. Kandi nanjye Mana nubwo ndi hanze y’igihugu nshoboza nintaha mu gihugu cya mbyaye nzatange uko uzanshoboza kandi ndagushimira ibyo wankoreye byose ariko nyongerera imbaraga mukwizera nzabashe gufasha uyu mugaragu wawe kandi nawe azazamure icyubahiro mu biganza byawe Amen. Reka zino nimero nzibike kandi nk’abanyarwanda tugomba kugira umutima wo gufashanya no gutabara

rebecca Kuya 22-05-2016

abo bikoze kumutima mumuvugishe kuri iyo numero 0789659606 cyangwa 0722001103

Vincent shumbusho Kuya 20-05-2016

Umuntu yamugeraho gute? Cginkunga yamugeraho gute?

p Kuya 19-05-2016

Abantu basigaye barabaye inyamaswa! umuntu ukora ibintu nkibi ntaho ataniye ninyamaswa idatekereza

Gate Kuya 19-05-2016

Nukuri tugerageze tumufashe kandi yihangane.

Rukengeza espoir Kuya 19-05-2016

Andika Igitekerezo cyawe hano, umuntu yamugeraho gute uno voiollette?

lk Kuya 18-05-2016

Yawe;;isi we nta mpuhwe

IGURIRE
Reba Ibindi Byinshi
FPR Kagame 2
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
IBIRORI
Ibitekerezo
IZINDI NKURU WASOMA