konka coffee
KONKA

AMAKURU

UKWEZI

Ibitaro byitiriwe umwami Faisal byirukaniye rimwe abakozi 78, abenshi bararira ayo kwarika

Ibitaro byitiriwe umwami Faisal byirukaniye rimwe abakozi 78, abenshi bararira ayo kwarika
1-04-2017 saa 10:01' | By Chief Editor | Yasomwe n'abantu 26747 | Ibitekerezo 26

Ibitaro byitiriwe Umwami Faisal biherereye ku Kacyiru mu mujyi wa Kigali, kuri uyu wa Gatanu tariki 31 Werurwe 2017, byirukanye icyarimwe abakozi 78, abirukanywe bakaba barira ayo kwarika dore ko bagaragaza ko birukanywe mu buryo budakurikije amategeko kandi bakaba batarahawe integuza.

Bamwe mu bakozi birukanywe muri ibi bitaro baganiriye n’ikinyamakuru Ukwezi.com, bavuga ko batunguwe no kumva bagenda bahamagarwa n’ubuyobozi bw’ibitaro bubabwira ko bubafitiye ubutumwa, bakaza gusanga ubwo butumwa ari amabaruwa abirukana ariko bakaba basanga ari akarengane ndetse harimo n’ibyakozwe mu buryo budakurikije amategeko agenga umurimo n’abakozi mu Rwanda.

Umwe mu baganga birukanywe utashatse ko amazina ye atangazwa, yabwiye ikinyamakuru Ukwezi.com ko babirukanye bamwe bari mu kazi bita ku barwayi abandi bakabirukana bitegura kurara amazamu, kuburyo n’uwabaga ari kumwe n’umurwayi urembye nawe yabimenyaga agahita aremba kubwo kwibaza ukuntu bagiye kubaho mu gihe babasezereye nta nteguza babahaye. Avuga ko ubusanzwe, bajyaga basezerera abaganga bakabashyira mu maboko ya Minisiteri y’Ubuzima hanyuma igahita ibashyira mu bindi bitaro bya Leta bitandukanye.

Uyu yagize ati: "Twabonye baduhamagara bamwe bari mu kazi, abandi wenda bari burare amazamu, abandi baruhutse. Ukaza wirukanka utazi ibyo ari byo bakubwiye ko bagufitiye ubutumwa, ko bagukeneye. Ubwa mbere nibwo tutari twamenye ibyo ari byo, ariko bigeze nka saa munani nibwo byatangiye kumenyekana, uwo bahamagaye akaba azi ko agiye kwirukanwa. Wabona baguhamagaye uri nk’imbere y’umurwayi, ugahita utitira, n’imbere y’umurwayi ugahita ubura uko wakwifata pe. Rwose abantu ku kazi bari bafite ubwoba, urumva nawe tuba turi ababyeyi, tuba dufite inguzanyo za banki, tuba dufite abana turera twishyurira amafaranga y’ishuri, icyo gihe uhita wumva ko ubuzima... Nawe kugirango ubone akazi k’iki gihe ni ibibazo. Urumva utekereza ibyongingo, waba uri n’imbere y’abantu ukananirwa kwifata. Ndakumenyesha ko aho twari twicaye dutegereje, hari abariraga barimo abakuze n’abato bose, buri wese wabonaga azenga amarira mu maso"

Uretse kuba aba bakozi bavuga ko barenganyijwe bakirukanwa mu buryo budakurikije amategeko, ngo nta n’Integuza bigeze bahabwa nk’uko biteganywa n’amategeko agenga umurimo n’abakozi. Icyo bari baramenyeshejwe ni uko hari amavugurura azaba muri ibi bitaro gusa.

Ingingo ya 30 mu gitabo cy’amategeko agenga umurimo mu Rwanda, ivuga ko umukozi wese mbere yo kwirukanwa agomba guhabwa integuza. Iyi ngingo igira iti: "Integuza igomba kumenyeshwa mu nyandiko uruhande ireba hagaragazwa n’impamvu zituma amasezerano aseswa. Mu gihe cy’integuza, umukoresha n’umukozi bagomba kubahiriza ibyo bumvikanyeho byose mu gihe bakoranaga amasezerano y’akazi. Iyo habaye ubwumvikane bwa bombi, integuza ntiba ngombwa."

Hanyuma ingingo ya 27 yo igira iti: "Iyo bibaye ngombwa gusesa amasezerano y’akazi hatanzwe integuza, igihe cy’integuza kigomba kungana n’iminsi cumi n’itanu (15) iyo umukozi yakoze igihe kiri munsi y’umwaka; ukwezi kumwe iyo umukozi yakoze mu gihe cy’umwaka cyangwa kirenze. Mu gihe cy’integuza yatanzwe n’umukoresha, umukozi wifuza gushaka akandi kazi yemerewe gusiba akazi rimwe mu cyumweru k’umunsi yumvikanyeho n’umukoresha we."

Muri Mata 2016 nibwo Guverinoma y’ u Rwanda n’Ikigo Oshen Health Care Rwanda Ltd gishamikiye kuri Oshen Group, basinyanye amasezerano y’igihe kirekire aha ububasha iki kigo bwo gucunga ibitaro byitiriwe Umwami Faisal (KFH) ariko bikaguma ari ibya leta. Tariki 7 Gashyantare uyu mwaka ubwo Minisitiri w’Ubuzima, Dr Diane Gashumba yashyikirizaga ibi bitaro umuyobozi mukuru wa Oshen Health Care Rwanda Ltd, Carlos Malet, nibwo hagaragajwe ko hari impiduka zizaba mu bakozi. Icyo gihe, Umuyobozi wari ucyuye igih w’ibi bitaro, Dr Rwamasirabo Emile, yavuze ko nyuma yo kwegurira ibi bitaro Oshen, amasezerano y’akazi ku bakozi azahinduka bitewe na gahunda z’uyu mushoramari mushya.

Ikinyamakuru Ukwezi.com cyagerageje kuvugana n’ubuyobozi bw’ibi bitaro ariko kugeza ubu ntibiradushobokera kuko abayobozi batitaba telefone zabo zigendanwa.


INKURU ZA :
Tanga Igitekerezo
Ibitekerezo 26
Rwama Kuya 4-04-2017

Yewe abo bakomeze bihangane. Hari ibigo byinshi byirukana abakozi nabi Hari ikigo kitwa SINAPISI RWANDA cyo imikorere yacyo iteye ishavu n’agahinda amanyanga akabije : ubuyozi budafite umurongo , gukorera mu marangamutima y’umuntu umwe fondateur nawe utumva ibyo arimo , kugira amashami adasobanutse nta cyerekezo, guhindagura amazina bya hato na hato. Reka mbahe urugero ku mashuri bafite umwarimu uvuze ko adahembwa asaba uburenganzira bwe arirukanwa bo bakeneye ba humiriza gumye kuyobore gusa. muzabaze iby’abarimu ba Saint Jacob ikorera KImisange mu murenge wa Kigarama n’icyahore ari ESSA-Gikondo . Aha muri ESSA gikondo ubu yitwa Saint Philippe ho abarimu bemeye kuba ingaruzwamuheto nako kinyoma bahebwa zahize,. Yewe mutabare

Soso solange Kuya 3-04-2017

Ahhhhhh murabeshya mukaba bamwe pe ubuse uko mwatubeshye NGO kizito yafunguwe sitwabibonye ark mukomeze kwihana kubeshya Yesu ataza agasanga mubeshya nihehe wakirukana abakozi bangana gutyo ark wasigara ibyikorera yewe murakabije kubeshya bavandi ntabyo twakemera kko biba bitanavuzwe mumakuru nka TVR cg Radio simwe muyamenya mbere pe

kiki Kuya 3-04-2017

oya nibyo,abaganga ba faycal barasuzugura,bakira nabi abarwayi,
uyu mweyo wari ukenewe...

Ahubwo Kuya 2-04-2017

Ahubwo baribaratinze.
Baribarabaye abahashyi. Ntabwo baribakita ku barwayi.
Abamaze kuhapfira kubera imikorere mibi ni benshi.

Ahubwo Kuya 2-04-2017

Ahubwo baribaratinze.
Baribarabaye abahashyi. Ntabwo baribakita ku barwayi.
Abamaze kuhapfira kubera imikorere mibi ni benshi.

jijia Kuya 2-04-2017

mwe muravuga abanyamahanga!!! ntimuzi aho aba shinwa batugeze gukora nta masezerano ,gufatwa nabi, kwirukanwa uko bishakiye ,,,,, mana yange nge nibaza niba aba bazungu icyo batumariye bikanyobera.

manu Kuya 2-04-2017

wowe wanditse ngo abanyamahanga bakomeje kudukoroniza ndabona wibeshya. Ibi bitaro byubatswe kunkuga ya barabu byuzura mull 1991. Byari ibitaro byikitegezo none Leta yabigulishije abanyamahanga babacuruzi. Watinyutse ukabaza leta impamvu yabigulishije abo bashoramali.

madibaroro Kuya 1-04-2017

hhhhhhhhhhhhhhhhhhh wasangaribyo ark c ko uyumusi haba habaye kwirukanywa kwaba kozi beshi tubifate nkaho arumusi wo kubeshya.

Umulisa Kuya 1-04-2017

Nizere ko bahereye kuri za ngirwa baganga. Bazajye kumena amaraso ahandi. Kugira abantu imfubyi gusa.
Ni aba nurses buzuye amatiku. Nizere ko gusa byakozwe mu buryo buri efficient

rugero Kuya 1-04-2017

ahubwo hari n’abavuga ngo abatinze mu kazi ni nk’inziga zikaraga mu rwego rw’ iteshagaciro,uz’ibiriho?ndatinyako urda ruzaba nka s/afrika abaturage bakiruksn’abanyamahanga bazan’ubukoroni bushya

eric Kuya 1-04-2017

sha Imana ibafashe kweri ! arikosha narabibabwiye @ Charles,Clovis pole ! remind nigira legacy and masaka ukuntu mwadusetse they re not christian sha by the way sorry

eric Kuya 1-04-2017

sha Imana ibafashe kweri ! arikosha narabibabwiye @ Charles,Clovis pole ! remind nigira legacy and masaka ukuntu mwadusetse they re not christian sha by the way sorry

Kamina Kuya 1-04-2017

Urwanda ni igihugu kigendera ku mategeko.Niba babona ko hari ibitubahirijwe mu kubasezerera ikibazo nibagishyikirize inzego zibishinzwe,nibyanga gishyikirizwe inkiko. Naho kuba hari umushoramari mushya simbibonamo ikibazo ashobora gufata ingamba zo kuvugurura ibitaro ariko bitavuze ko agomba guhonyora uburenganzira bw’abakozi. Ministeri y’ubuzima hamwe na Mifotra nibabisuzume abakozi barenganurwe

Kamina Kuya 1-04-2017

Urwanda ni igihugu kigendera ku mategeko.Niba babona ko hari ibitubahirijwe mu kubasezerera ikibazo nibagishyikirize inzego zibishinzwe,nibyanga gishyikirizwe inkiko. Naho kuba hari umushoramari mushya simbibonamo ikibazo ashobora gufata ingamba zo kuvugurura ibitaro ariko bitavuze ko agomba guhonyora uburenganzira bw’abakozi. Ministeri y’ubuzima hamwe na Mifotra nibabisuzume abakozi barenganurwe

fkaaa Kuya 1-04-2017

nibaze babe bumva kubushomori burihanze

manifasha Kuya 1-04-2017

None se bivuye mu nzego z’ibanze(imirenge n’utugari)bigeze no mu baganga birakaze pe! Mwebwe muracyavuga imperekeza wenda muzazihabwa ubwo mutari muz’ibanze.

ntabyera Kuya 1-04-2017

mubyukuri nukwihangana pe abanyamahanga ntibazatuma duhaha iwacu bakomeje kudukoroniza rwihishwa kabisa ibi ninkibyabaye kubo mubitaro byamaso bya Dr Agarwal’s Eye hospital iremera umwaka washize nuwawubanjirije ukibaza niba koko turi mugihugu kigendera kumategeko yumurimo gusa bihangane ntakundi ngewe mbona nubwo urwanda rukurura abashoramari babanyamahanga hagakwiye gushyirwaho noguhesha abanyarwanda agaciromurwatubyaye ntibaze kudukandamiza bene aka kageni pe???????????

Dodos Kuya 1-04-2017

Ibi si ibinyabiziga?

Dodos Kuya 1-04-2017

Ibi si ibinyabiziga?

NKUSI Patience Kuya 1-04-2017

MU byukuri kwirukanwa hutihuti uva ku kazi numva bitagakwiye kuko burya abenshi baba batunze imiryango,bafasha na benshi kandi banakeneye kubaho ubwabo,rero numva leta nk’umubyeyi yakagombye kugira icyo ifasha hagakurikizwa amategeko agenga abakozi n’abakoresha ku byerekeranye n’ihagarikwa ry’akazi

dudu Kuya 1-04-2017

Bihangane bazabona akandi kazi ahandi,keretse niba barize gukora muri Faycal gusa!nibatanakabona kandi bazideburuye babeho nk’abandi bose ubuse abadafite akazi ntibabaho!

Ruto Kuya 1-04-2017

Abakozi basigaye birukanywa bakansetsa ngo nta nteguza babonye ? Nawe igihe uzaba umuyobozi ntayo uzaha abo wirukanye ?

emmy Kuya 1-04-2017

Hari amategeko abarengera babikurikirane

fatuj Kuya 1-04-2017

nangwa namwe mwari muriyeho,ahubwo kko mufite igishoro nimushake uko mwakwihangira imirimo

uwayo Kuya 1-04-2017

Ngiyo ingaruka yo kugurisha ibitaro byacu ikibabaje nuko babigurishije ku dufaranga duke muhore murebe NGO barishyiriramo abanyamahanga bene wabo cyane ko igihugu cyabo ntacyo kidakize cyane

Giti Kuya 1-04-2017

njye sinapfa kubyemera kubera ko uyu munsi ari uwo kubeshya , muzayandike neza ejo nibwo nzabyemera murakoze cyane hhhhhhhhhhhhhhhhhhhh

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...