konka coffee
KONKA

AMAKURU

UKWEZI

Urujijo: Uruganda rwa Kinazi rwasohoye ibicuruzwa mbere y’uko bikorwa?

Urujijo: Uruganda rwa Kinazi rwasohoye ibicuruzwa mbere y’uko bikorwa?
17-04-2017 saa 13:39' | By Chief Editor | Yasomwe n'abantu 12206 | Ibitekerezo 16

Uruganda rutunganya Ifu y’imyumbati rwa Kinazi mu karere ka Ruhango mu Ntara y’Amajyepfo, ruherutse gushyira ku isoko ifu ngo icuruzwe ariko amatariki y’igihe yakorewe agaragaza ko yashyizwe ku isoko mbere y’uko ikorwa, kuko amatariki yakorewe kugeza n’ubu ataragera mu gihe abayiguze mbere bo bamaze no kuyirya.

Guhera mu mpera z’icyumweru gishize, ku mbuga nkoranyambaga hakomeje gukwirakwizwa ifoto igaragaza ifu y’imyumbati yatunganyijwe n’uruganda rwa Kinazi, igaragaza ko yakozwe tariki 26 z’ukwezi kwa Gatanu (Gicurasi) 2017 ikaba izarangiza ubuziranenge bwayo ku itariki nk’iyo mu mwaka utaha wa 2018. Ibi ariko byateje abantu urujijo, kuko aya matariki y’igihe ifu yatunganyirijwe atari yagera, bakibaza uburyo ifu yaba yarashyizwe ku isoko mbere y’uko ikorwa.

Iyi fu bigaragara ko yakozwe muri Gicurasi 2017 kandi icyo gihe kitaragera

Hari bamwe mu baturage bagiye bagaragaza ko ibi byagira ingaruka ku buzima bwabo, kuko niba ifu ifite umwaka umwe wo kuba ifite ubuziranenge kandi ikaba yaragiye hanze mbere y’itariki igaragazwa ko ari bwo yatunganyijwe, igihe cyazagera ikarangiza igihe ikiri ku isoko bityo uwayirya abona ko itararangiza igihe ikamugiraho ingaruka.

Mu gushaka kumenya byinshi kuri iyi fu, Ikinyamakuru Ukwezi.com cyaganiriye n’Umuyobozi mukuru w’Uruganda rutunganya Ifu y’imyumbati rwa Kinazi, Nsanzabaganwa Emile, abazwa impamvu iyi fu isohoka hariho amatariki atari ukuri agaragaza igihe yakorewe, mu gusubiza agaragaza ko arwaye yumva atahita agira icyo abivugaho.

JPEG - 59.2 kb

Umuyobozi mukuru w’Uruganda rutunganya Ifu y’imyumbati rwa Kinazi, Nsanzabaganwa Emile

Umunyamakuru mugenzi wacu waganiriye na Nsanzabaganwa Emile ku yindi nshuro ariko we yamwemereye iby’aya makosa yakozwe n’ubwo yavuze ko nta ngaruka abona byagira. Yagize ati: "Harimo ikosa. Yakozwe mu kwezi kwa 3 si mu kwezi kwa 5, turabizi ni imashini yagize ikibazo, mu bintu by’inganda udukosa nk’utwo tubaho, hari n’ubwo usanga bashyizeho ko izarangira ku itariki yarangiye cyera, icyo gihe uhita uyikura ku isoko."

Icyakoze Nsanzabaganwa Emile yavuze ko ubu umusaruro w’imyumbati wabaye mucye cyane kuburyo nta fu ishobora kumara igihe ibitse mu bubiko itegereje abaguzi, ahubwo ngo abayikenera babaye benshi ugereranyije n’umusaruro kuburyo bayibura, bityo ngo nta yarangije igihe yagurishwa.

JPEG - 108.9 kb

Iyi fu itunganywa n’uruganda rwa Kinazi ruri mu karere ka Ruhango


INKURU ZA :
Tanga Igitekerezo
Ibitekerezo 16
Maman Nick Kuya 21-04-2017

mureke kugira ibintu birebire, ukuntu dukunda kinazi niyo yaba yarangiye manza twayirya..ndibariza ahubwo uwo muyoboz impamvu yahenze muriyiminsi no kuri internet twayigurag kuri 1700 none byageze 2300 muzatubarize impamvu.

NKURIKIYINKA Jean CLAUDE Kuya 19-04-2017

Mwikwibaza byinshi ku mikorere kuko nta mugenzuzi uru ruganda rufite kuko mu kwezi gushize abakozi hafi ya bose barabirukanye nta n’imperekeza habe no kubishyura ibirarane.None se ubwo byagenzurwa nande?

nkuriyingoma evariste Kuya 18-04-2017

urworuganda ruryerugenzu ibyorusohoye niba aribyo koko

Ramba Kuya 18-04-2017

ahahaha nzaba ndeba ese ubundi uwo muyobozi ra, Uwo mutype ngo ni directeur yavuye mugisirikare arimu petit uwitwa gaforoma wakoraga muri Ocir the aba amugize umuyobozi kugira babone uko banyereza ibya Leta. Baba bahaze. babanze barebe CV yiwe neza hama ibindi babone kubinononsora. cyokoze azi kwideburiya.

Andre Kuya 18-04-2017

Nkunze umuntu wanditse iyi nkuru, arashishoza cyane! Naho abavuga ko nta kibazo byateza bo ntibabivuge, kuko ibi bishobora kuba bihishe byinshi cyane. Wasanga wenda hari amatoni batemerewe kurenza bityo imashini yahagera igashyiraho itariki ikurikije toni yasohoye mu mezi ahize. Wasanga se barayivanye mu mifuka yendaga kurangira, cg ari amayeri yo kujijisha audit. Abayobozi na board babikurikirane. bwo tugomba gukemanga n’uburyo bavanamo acide cyanhydrique...cyane ko ishobora kwangiza ubuzima by’abayirya.

Eric Kuya 18-04-2017

Mwikorwa ryiriya fu nta kindi kintu nakimwe kivangwamo kuburyo cyagira ingaruka kubuzima,ariko kuko abantu bataba bafite amakuru angana ku kintu runaka ni byiza kuyasangira,nta biro 40 biri kwisoko hatagiranugirango nizatone,ariko nuwagira impugenge afite ipaki iwe yayijyana aho yayiguze akabayaguranirwa

Eric Kuya 18-04-2017

Mwikorwa ryiriya fu nta kindi kintu nakimwe kivangwamo kuburyo cyagira ingaruka kubuzima,ariko kuko abantu bataba bafite amakuru angana ku kintu runaka ni byiza kuyasangira,nta biro 40 biri kwisoko hatagiranugirango nizatone,ariko nuwagira impugenge afite ipaki iwe yayijyana aho yayiguze akabayaguranirwa

Eric Kuya 18-04-2017

Mwaramutse,ingaruka byagira kubuzima ntazo,ifu ubundi ifu imara imyaka itatu ibintse neza itaratakaza uburyohe bwayo,umwaka umwe ushyirwaho nuko uko wayifata kwose ntakibazo iba ifite,ariko urebye neza amatariki arasa amezi arasa,uhita ubonao kwibeshya. Ikiza ni uko abaguzi bakurikirana ibicuruzwa bahaha uko biba bimeze ariko mwashira impungenge ntakibazo yabatera,haba nubwo wayikoresha muri 2019

Mutembe Kuya 18-04-2017

Iki ntabwo ari ikibazo cyoroshye nk’uko uyu muyobozi abitekereza. Ikindi amakosa arayashyira ku mashini, ni imyumvire n’imvugo itangaje!!! Aha wakwibaza uti iyo mashini irikoresha? ese ibyo iguhaye ubifata uko? Aha rero ngasanga harimo ikibazo cy’imikorere y’uruganda: Hakenewe abakozi bazizobereye , cyangwa se abahari bagahabwa amahugurwa.

Kamali Kuya 18-04-2017

Nkuko uyu muyobozi wa Kinazi yabisobanuye niba ikosa ari iryimashini byaba ari ibisanzwe kuko imashini ni imashini nyine. Ahubwo nanjye mbibonye kuri envelope yifu naguze kucyumweru kdi twamaze kuyirya deja. Ahubwo RSB yadufasha ikadupimira ko ntakibazo ifite cg Kinazi ikayikura ku isoko wamugani ntawamenya no gutekinika byaba birimo da.

Emmanuel Kuya 18-04-2017

Ikibazo si icy’ifu, ahubwo ni icy’imikorere! Amapaki angana kuriya ntawe uba yayagenzuye? Akageza aho ajya ku isoko ntawe urabona iri kosa? Ubwo se ari ikindi kibazo kirebana n’ubwiza bw’igicuruzwa? Ngirango ibi iby’abashinzwe marketing

zula Kuya 18-04-2017

yewe siho honyine njye mperuste kubona umugati uriho ko uzasohoka le 08 kdi turi le 07 ibi bintu babihagurukire pe

Natacha Kuya 17-04-2017

Ntimugakunde byacitse. Iri kosa se ntirisanzwe. Simbona ari za cachet zigira amatariki bakoresheje. Ni ibusanzwe rero. Umukozi watunganije cashet niwe washyizeho" 5" mu mwanya wa "3". Ibi bibaho. Naho kwibaza ko Kinazi yamara n’amezi 6 mu iduka, ibyo ntibishoboka. Jye ndabizi kuko ariko ndya. Yatinze amara amezi3

Titi Kuya 17-04-2017

Nyakubahwa muyobozi w’uruganda rwose sigaho ayo ni amakosa akomeye cyane yanatuma product yawe iva ku isoko. Harya ni uko nta competition? Hari n’imigati
jya mbona bacuruza iba yararangije igihe. Shelf life y’ibiribwa n’ibinyobwa ni ikintu cyo kwitabwaho cyane. RURA, RSB nabandi bireba muncingano zabo badufasha bakaturinda amakosa nkayo. Iyo amakosa agaragaye, arakosorwa, harimo no kuvana igicuruzwa ku isoko, ukakigarura.

Titi Kuya 17-04-2017

Nyakubahwa muyobozi w’uruganda rwose sigaho ayo ni amakosa akomeye cyane yanatuma product yawe iva ku isoko. Harya ni uko nta competition? Hari n’imigati
jya mbona bacuruza iba yararangije igihe. Shelf life y’ibiribwa n’ibinyobwa ni ikintu cyo kwitabwaho cyane. RURA, RSB nabandi bireba muncingano zabo badufasha bakaturinda amakosa nkayo. Iyo amakosa agaragaye, arakosorwa, harimo no kuvana igicuruzwa ku isoko, ukakigarura.

Ola Kuya 17-04-2017

Aya ni amakosa akomeye cyane cyane iyo agaragara ku biribwa n’ibinyobwa kuko ibyo avuga ko nta myumbati bafite yatuma bagira stock twe abakiliya ntabwo tubizi tureba amakuru uruganda ruba rwaduhaye, ndasanga rero RSB yafata icyemezo iyo fu yose igakurwa ku isoko kuko nta wamenya yanakwicira isoko igihugu ku bayiguraga bayitwara hanze, murakoze.

IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...