konka coffee
KONKA

AMAKURU

UKWEZI

Mu Rwanda, ngo ibiyobyabwenge biri ku isonga mu kongeera indwara zo mu mutwe

 Mu Rwanda, ngo ibiyobyabwenge biri ku isonga mu kongeera  indwara zo mu mutwe
15-06-2017 saa 15:26' | By Vincent Nsengiyumva | Yasomwe n'abantu 1233 | Ibitekerezo

Ikigo cy’igihugu gishinzwe ubuzima RBC, kivuga ko gukoresha ibiyobyabwenge biri mu bitiza umurindi indwara zo mu mutwe zirimo no kwiheba gukabije[depression].

Ibi byagarutsweho kuri uyu wa Kane tariki ya 15 Kamena ubwo hizihizwaga umunsi mpuzamahanga wo kuzirikana uburwayi bwo mu mutwe, inzoberere zitandukanye mu buvuzi bw’izi ndwara zikaba zagaragaje ko ibiyobyabwenge biri ku isonga mu gutiza umurindi ubu burwayi bumaze gufata indi ntera mu Rwanda.

Dr. Yvonne Kayiteshonga ushinzwe indwara zo mu mutwe mu kigo cy’igihugu gishinzwe ubuzima (RBC), avuga ko umubare munini w’abarywaye indwara yo kwiheba bikabije [depression] ari abayitewe no kuba bafata ku biyobyabwenge.

Yagize ati […] Ikoreshwa ry’ibiyobyabwenge ni imwe mu mpamvu zikomeye zitera uburwayi bwo mu mutwe cyane cyane kwiheba bikabije.”

Yakomeje avuga ko 1/2 cy’Abanyarwanda bafite hagati y’imyaka 14 na 35 bigeze gukoresha ibiyobyabwenge nibura 1 mu buzima bwabo, ariko ngo ababikoresha mu buzima bwabo bwa buri munsi bagera ku 10%.

Dr Kayitashonga avuga ko uretse gukoresha ibiyobyabwenge, ngo hari n’ibindi byinshi bishobora gutera uburwayi bwo kwiheba bikabije harimo nk’ingaruka za Jenocide ndetse n’indwara zidakira umuntu abana nazo igihe kirekire nka SIDA, Canser n’izindi.

Jean Bosco Gasherebuka ukora mu ishami ry’umuryango w’Abibumbye ryita ku buzima (OMS) avuga ko indwara y’agahinda gakabije yibasiye umubare munini w’abantu ku Isi. Muri rusange abantu bagera kuri miliyoni 322 barwaye iyi ndwara, mu gihe muri Afurika abayirwaye ari miliyoni 30.

Gasherebuka avuga ko iyi ndwara yo kwiheba bikabije igenda yiyongera ku isi bitewe n’uko n’ibibazo bigenda biba byinshi.

Jean Bosco Gasherebuka ukora mu ishami ry’umuryango w’Abibumbye ryita ku buzima


INKURU ZA :
Tanga Igitekerezo
Ibitekerezo
IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...