konka coffee
KONKA

AMAKURU

UKWEZI

Abanyeshuri 280 mu mu kigo cya Ntare birukanywe bazira imyitwarire idahwitse

Abanyeshuri 280 mu mu kigo cya Ntare birukanywe bazira imyitwarire idahwitse
28-03-2017 saa 11:11' | By Chief Editor | Yasomwe n'abantu 7853 | Ibitekerezo 3

Abanyeshuri 280 bo mu kigo cya Ntare kiri mu bikomeye muri Uganda ndetse kizwiho kuba cyarizemo abayobozi bakomeye mu karere barimo Perezida Kagame w’u Rwanda na Perezida Museveni wa Uganda, birukanywe n’ubuyobozi bw’iki kigo nyuma y’uko bagaragayeho imyitwarire ihabanye n’amahame iki kigo gisanzwe kigenderaho.

Abanyeshuri birukanywe ni abo mu mwaka wa gatatu w’amashuri yisumbuye bose uko bagera kuri 280. Umuyobozi w’ikigo cya Ntare witwa Jimmy Turyagenda yabwiye ikinyamakuru Daily Monitor cyo muri Uganda ko aba banyeshuri boherejwe iwabo kuri uyu wa Mbere mu masaha y’igicamunsi, nyuma y’inama yari imaze gukorwa n’abayobozi batandukanye b’iki kigo biga ku myitwarire y’abo banyeshuri.

Aba banyeshuri bazira kuba baramennye ibirahure by’amadirishya y’inzu y’umuyobozi w’ikigo ndetse bakangiza n’iby’inzu bararagamo, ibyo bakaba barabikoze mu ijoro ryo ku Cyumweru tariki 26 Werurwe 2017, ibi bakaba barabikoze bagaragaza uburakari batewe no gukubitwa n’abandi banyeshuri bo ku kigo cyitwa International Window School.

Umuyobozi w’ikigo cya Ntare witwa Jimmy Turyagenda, avuga ko kuwa Kane w’icyumweru gishize, ibigo bitandukanye byari byahuriye ahitwa Kamukuzi mu marushanwa y’umupira w’amaguru, hanyuma ikigo cya Ntare kikaza gutsinda maze abanyeshuri ba International Window School batsinzwe birabababaza barabadukira barabakubita, kuburyo icyo kibazo cyanakozweho iperereza na Polisi ngo abagize uruhare mu bikorwa bibi bahanwe.

Umunsi ukurikiyeho imikino yagombaga kuba yarasubitswe nyuma y’uko akanama gashinzwe umutekano kabonye ko hashobora kongera kwaduka imirwamo, iki cyemezo kikaba kitarashimishije abanyeshuri b’ikigo cya Ntare, cyane cyane abo mu mwaka wa gatatu w’amashuri yisumbuye. Kuri uyu wa Mbere hari hateganyijwe indi nama yagombaga kwiga uburyo imikino y’ayo marushanwa izasubukurwa, maze bamwe mu banyeshuri bari barakaye banga kuyitabira ahubwo bamenagura ibirahure by’inzu umuyobozi w’ikigo abamo ndetse n’iby’inzu abanyeshuri bararamo.

Umuyobozi wa Polisi yo mu karere ka Mbarara, Jaffar Magyezi, yavuze ko Polisi yagiye guhosha imidugararo ku Cyumweru ninjoro, hakaba harimo gukorwa iperereza ngo ababigizemo uruhare bamenyekane. Avuga ko atakwemeza ko ababikoze ari abo mu mwaka wa gatatu gusa, mu gihe ubuyobozi bw’ikigo bwo bwavuze ko bwabaye bwohereje mu rugo abo bwabonaga biganjemo, hakaba harimo gukurikiranwa ngo abagaragayeho iyo myitwarire idahwitse bamenyekane bahanwe.


INKURU ZA :
Tanga Igitekerezo
Ibitekerezo 3
sindikubwabo fidele Kuya 3-04-2017

Abo bagororwa bateje ibibazo mu mugi bakosorwe byintanga rugero ntibyagakwiye. Kdi batozwe nikinyabupfura.

Leonardmatsinze Kuya 31-03-2017

kubahana nibyo ark kandi kubirukana burundu nabyo sibyo kuko kuratisha abantu bangana utsyo nibibazo byahazaza ubwabo n’igihugu.ndumva basana aho bangirije ark bakiga.

Gatesi Kuya 28-03-2017

Ni byiza. Badakubiswe akanyafu hakiri karw bazangiriks

IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...