konka coffee
KONKA

AMAKURU

UKWEZI

Abapolisi 90 barimo ba ofisiye birukanywe, 18 barasezererwa naho 2294 bazamurwa mu ntera

Abapolisi 90 barimo ba ofisiye birukanywe, 18 barasezererwa naho 2294 bazamurwa mu ntera
1-07-2017 saa 09:35' | By Chief Editor | Yasomwe n'abantu 9702 | Ibitekerezo 5

Abapolisi b’u Rwanda bagera kuri 90 barimo abo ku rwego rwa ofisiye, birukanywe kubera amakosa akomeye bakoze ahanishwa kwirukanwa burundu, mu gihe abagera kuri 18 basezerewe muri Polisi y’u Rwanda kubera impamvu z’uburwayi naho abandi bagera kuri 2294 bo bazamuwe mu Ntera.

Inama y’Abaminisitiri Idasanzwe yateraniye muri Village Urugwiro kuri uyu wa Gatanu tariki 30 Kamena 2017, iyobowe na Nyakubahwa Perezida wa Repubulika, Paul KAGAME, yemeje amateka atandukanye arimo iryirukana abapolisi bakoze amakosa mu kazi, irisezerera bamwe n’irizamura mu ntera abandi bapolisi barenga 2000.

Iyi nama y’Abaminisitiri, yemeje Iteka rya Perezida ryirukana burundu ba Ofisiye ba Polisi 17 kubera ibyaha n’amakosa binyuranye byabahamye, amategeko ahanisha kwirukanwa burundu. Yemeje kandi Iteka rya Minisitiri ryirukana burundu ba Su –Ofisiye ba Polisi na Police Constables (abapolisi bato bo ku rwego rw’ibanze mu mapeti) bagera kuri 73.

Iyi nama y’Abaminisitiri kandi yemeje Iteka rya Minisitiri risezerera ba Su-Ofisiye 18 ba Polisi kubera impamvu z’uburwayi bunyuranye, yemeza Iteka rya Minisitiri rizamura mu ntera ba Su-Ofisiye ba Polisi n’Abapolisi bato 2107 hamwe n’Iteka rya Minisitiri rizamura mu ipeti by’umwihariko (Speci al Promotion) ba Su-Ofisiye ba Polisi n’Abapolisi bato 187.

Ku bijyanye no kwirukana abapolisi, Leta y’u Rwanda ikomeje kugaragaza ko itajya ijenjekera na gato abapolisi bakuru cyangwa abato bakora akazi kabo mu buryo bunyuranyije n’amategeko, kandi ihana yihanukiriye abakora amakosa muri aka kazi. Inama y’Abaminisitiri idasanzwe yateranye tariki 3 Gashyantare 2017, nayo yemeje Iteka rya Perezida ryirukana burundu ba Ofisiye ba Polisi y’u Rwanda 66 ndetse n’Iteka rya Minisitiri ryirukana burundu ba Su-Ofisiye na ba Police Constables 132 muri Polisi y’u Rwanda, kubera amakosa y’imyitwarire mu kazi.

JPEG - 358.2 kb

Polisi y’u Rwanda iha agaciro gakomeye ubunyamwuga n’ikinyabupfura bigomba kuranga abapolisi. Aba ni abapolisi bato baherutse kwinjira muri Polisi y’igihugu


INKURU ZA :
Tanga Igitekerezo
Ibitekerezo 5
atomy Kuya 3-07-2017

ikibazo samakosa bakora kuko niveau d’etude yabo irabibemerera ugasanga umuntu wamusize mubikuyu ejo ukamubona muri police National du Rwanda. uwo mupolice tatanga uruhe rugero rwiza. ikinyabupfura yagikurahe koko mugerageze gukora umurimo wumwuga kdi mukoreshe ababifitiye ubushobozi kuko aho mugeze niheza kdi turabashima cyane

Muvunyi Alphonse Kuya 2-07-2017

Nibyo amakosa iyo abayeho abayakoze bagomba guhanwa

yohn Kuya 2-07-2017

Hiiii, ese koko nigute ikosa rikozwe 1baherako birukana, ugasanga hari abakora amakosa burigihe bakaba abere, rwose mbere yokwirukana muzajye mubanza mushishoze naho ntibyoroshye. Hari ibyaha bikomeye bitababarirwa (Ruswa, ubujura,...), arikose inzoga ko ntahanditse kwirukana umupolise, kugaragaza isura mbi ya police kontaho biri ugasanga birukanye nikibazo pe.

Ndagijimana Kuya 2-07-2017

nibyo abo banyamakosa nimubasezerere ariko mutirengagije yuko police y’urwanda harimo abihishemo batararangije amashuri yisumbuye ndumva nabo mwabasezerera bakabanza kujya kwiga bakarangiza

trust Kuya 1-07-2017

Muraho neza cyane, nibyo koko kwirukana bibaho kubera amakosa aremeye abayakozwe, ese ikosa ribaye 1 nigute bahita birukana kdi hakabaye kwihanangirizwa gusa harimo akarengane pe, nuko umuntu abura aho abariza murakoze.

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...