konka coffee
KONKA

AMAKURU

UKWEZI

Abapolisi bashya 965 barangije amasomo abemerera gutangira gukora umwuga

Abapolisi bashya 965 barangije amasomo abemerera gutangira gukora umwuga
2-06-2016 saa 02:53' | By Chief Editor | Yasomwe n'abantu 1219 | Ibitekerezo 1

Kuri uyu wa Gatatu tariki ya 01 Kamena nibwo hasojwe amasomo y’icyiciro cya 12 cy’inyigisho z’ibanze z’umwuga wa gipolisi (Basic Police Course) ku Ishuri rya Polisi riri i Gishari mu karere ka Rwamagana, aharangije abagera kuri 965 barimo ab’igitsinagore 229.

Minisitiri w’Umutekano mu gihugu, Sheik Musa Fazil Harerimana wayoboye uwo muhango niwe washyize abarangije amahugurwa ku ipeti rya “Police Constable.”

Umuhango wari witabiriwe kandi n’Umuyobozi mukuru wa Polisi y’u Rwanda, Inspector General of Police (IGP) Emmanuel K. Gasana, abamwungirije ari bo ushinzwe ibikorwa bya Polisi, DIGP Dan Munyuza n’ushinzwe ubuyobozi n’abakozi, DIGP Juvénal Marizamunda, bamwe mu bafatanyabikorwa ba Polisi n’abandi,..

Minisitiri Musa Fazil yibukije abapolisi bashya kuzarangwa n’indangagaciro z’ubunyangamugayo, gukunda igihugu no guhora baharanira kurinda ibyagezweho. Yabashimiye kuba barahisemo kwinjira mu gipolisi ngo bafatanye n’abandi gucunga umutekano.

Yagize ati: ”Ikaze muri Polisi y’u Rwanda kuko ari urwego rugendera ku ndangagaciro z’igihe kirambye. Uyu munsi turavuga gahunda ya Ndi umunyarwanda mu gihe tukibuka abavandimwe bacu bazize jenoside yakorewe Abatutsi, hari abandi kandi batanze ubuzima bwabo baharanira icyiza, bahagarika Jenoside banabohora igihugu. Aka niko gaciro ka Ndi Umunyarwanda mukwiye guharanira .”

Yongeyeho ati: ”Uyu mwuga mutangiye usaba ubunyangamugayo. Murasabwa guhora mwitwararitse ku mategeko, muhesha isura nziza kandi muharanira kutayitakaza kuko Polisi y’u Rwanda yamaze kwubaka izina haba mu gihugu no hanze yacyo.”

Yarangije avuga ko abanyarwanda bafitiye icyizere inzego zishinzwe umutekano, ko bityo badakwiye gutuma icyo cyizere gitakara, ko ahubwo bagomba guharanira icyatuma cyiyongera.

Commissioner of Police (CP) John Bosco Kabera uyobora ishuri rya Gishari, yavuze ko abarangije amahugurwa bagaragaje disipulini n’ ubushake ariko ko hakiri byinshi bazakomeza kwigira mu kazi bagiye gutangira.

Aya mahugurwa yasojwe, yibanze ahanini ku mikorere y’akazi ka gipolisi, ikoreshwa ry’imbunda, ubufatanye n’abaturage mu kurwanya ibyaha, imikoranire n’ubwuzuzanye n’izindi nzego, kubungabunga amahoro n’ibindi.


INKURU ZA :
Tanga Igitekerezo
Ibitekerezo 1
Rwihandagazq Kuya 3-06-2016

Polsi yacu oyeeee. Twishimiye ko muri polisi yigihugu haje mo amaraso mashya kandi mato kwiyongera kwa aba polisi nukubaka igihugu cyacu nibakomereze aho barangwe n’indangagaciro z’ubunyangamugayo, gukunda igihugu no guhora baharanira kurinda ibyagezweho. Ibyo byose nibabyubakira natwe abaturage tugafatanya nabo igihugu cyacu cyizarurushaho kugira umutekano usesuye.

IGURIRE
Reba Ibindi Byinshi
FPR Kagame 2
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
IBIRORI
Ibitekerezo
IZINDI NKURU WASOMA