konka coffee
KONKA

AMAKURU

UKWEZI

Abarundi bari bitwikiriye ijoro barasiwe ku butaka bw’u Rwanda barapfa

Abarundi bari bitwikiriye ijoro barasiwe ku butaka bw’u Rwanda barapfa
31-08-2016 saa 14:25' | By Chief Editor | Yasomwe n'abantu 11696 | Ibitekerezo 1

Nyuma y’uko igihugu cy’u Burundi gitangaje ko nta bicuruzwa cyane cyane ibiribwa bizongera kwambura biva i Burundi biza mu Rwanda, hari abarundi bagerageje kubirengaho bitwikira igicuku maze barasirwa ku butaka bw’u Rwanda nk’uko Polisi y’u Burundi ibyemeza.

Pierre Nkurikiye, umuvugizi w’igipolisi cy’u Burundi, abinyujije ku rubuga rwa Twitter yatangaje ko abagabo babiri b’abarundi bakomoka ahitwa Rugombo mu Burundi, barasiwe hafi y’umupaka w’ibihugu byombi ariko ku butaka bw’u Rwanda ahitwa i Ruhwa, nyuma yo kwambuka bitwikiriye igicuku bazanye ibicuruzwa mu Rwanda.

Pierre Nkurikiye avuga ko abarashwe ari NIYONKURU Fidèle w’imyaka 25 na NYABENDA Jérémie w’imyaka 23 bari abacuruzi b’imboga ziganjemo intoryi, bakaba barashwe ku isaha ya saa cyenda n’iminota 40 zo mu rukerera aho bari bambukanye izo mboga bazizanye mu Rwanda, byumvikana ko bavuye iwabo butaracya kuko iki gihugu cyashyizeho amabwiriza abikumira.

Uyu muvugizi w’igipolisi cy’u Burundi avuga ko aba barashwe n’abasirikare b’u Rwanda bacunga umutekano kuri uwo mupaka, gusa ubwo Ikinyamakuru Ukwezi.com cyageragezaga kuvugana n’umuvugizi w’Igisirikare cy’u Rwanda, Lt Col René Ngendahimana, twasanze ari mu nama ntiyabasha kudusobanurira iby’icyo gikorwa.

Kuwa Gatandatu tariki 30 Nyakanga 2016 muri komine Rugombo mu ntara ya Cibitoke, nibwo icyegera cya kabiri cya Perezida w’u Burundi, Joseph Butore, yatangaje ku mugaragaro ko nta gicuruzwa kizongera kuva mu gihugu cye kinjira mu Rwanda, impamvu y’icyo cyemezo ikaba ifitanye isano n’ibyo u Burundi bushinja u Rwanda byo gufasha no gushyigikira abahungabanya umutekano mu Burundi.

Joseph Butore yabwiye abashinzwe umutekano ko uzibeshya akarenga kuri icyo cyemezo azahura n’ingorane zikomeye, kuko asanga nta mpamvu yo gukomeza kohereza ibucuruzwa birimo ibiribwa mu gihugu kirwanya u Burundi. Ibi ariko byateye igihombo abaturage b’u Burundi bazaga gucuruza bimwe mu biribwa byabo mu Rwanda, bikaba ari nayo mpamvu bamwe bagerageza gutema ijoro ngo bambuke ntawe ubareba.


INKURU ZA :
Tanga Igitekerezo
Ibitekerezo 1
habimana Kuya 1-09-2016

yooo birababaje abahinzi bintoryi koko, ariko nabwo ntawerenganya ingabo zurwanda kuko hari migicuku kandi abo barundi harimo abagome baherutse kwambuka barasa umunyarwanda nabwo mwijoro, ubwo abo bapfuye nibitambo njye nakwita bya politike mbi yubutundi yababujije gucuruza imyaka yabo kumanywa bakitwikira ijoro baza murwanda gucuruza

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...