konka coffee
KONKA

AMAKURU

UKWEZI

Abashinwa bahondaguye umunyarwanda wabakoreraga bakamugira intere bafunzwe

Abashinwa bahondaguye umunyarwanda wabakoreraga bakamugira intere bafunzwe
5-09-2016 saa 14:09' | By Chief Editor | Yasomwe n'abantu 5172 | Ibitekerezo 4

Abashinwa babiri batawe muri yombi nyuma y’uko bari bakubise umukozi wabo bakamukomeretsa bakamugira intere, ubu bakaba barimo gukurikiranwaho icyo cyaha cy’urugomo bakoreye umunyarwanda wabakoreraga.

Kuwa Gatandatu tariki 3 Nzeri 2016, nibwo Abashinwa bakora umuhanda mu karere ka Gicumbi bakubise umukozi wabo hafi kumunogonora, ajyanwa kwa muganga avirirana.

Aba bashinwa bakorera umushinga witwa CHICO (China Henan International Cooperation Group) urimo gukora umuhanda Base - Byumba, uwo bakubise akaba ari umwe mu bahoze ari abakozi babo baherutse kwirukanwa ariko ntibahabwe amafaranga bari barakoreye.

Uwakubiswe yajyanywe kwa muganga yabaye intere

Bamwe mu bakozi ba CHICO bari babwiye ikinyamakuru Ukwezi.com ko hari abakozi bakoraga akazi k’ubushoferi, baherutse kwirukanwa n’aba bashinwa babashinja kwiba amavuta y’imodoka batwaraga, abo bakozi bakaba baragiye ku biro by’abo bashinwa babakoreshaga, babasaba ko babahemba amafaranga yabo bari barakoreye ariko abandi bababera ibamba, kugeza ubwo umwe muri bo wavugaga ko atahava batamwishyuhe bamukubise bakamuhindura intere.

Bamukomerekeje, ajyanwa kwa muganga avirirana

Amakuru yizewe agera ku kinyamakuru Ukwezi.com, ni uko kugeza ubu abashinwa babiri bafungiwe kuri sitasiyo ya Polisi ya Byumba bakurikiranyweho icyaha cyo gukubita no gukomeretsa. Nibahamwa n’icyaha, bazahanishwa ingingo y’148 mu gitabo cy’amategeko ahana mu Rwanda, iteganya igifungo kuva ku mezi atandatu kugeza mu myaka ibiri ku muntu wahamwe no gukubita no gukomeretsa.

Abakorera uyu mushinga w’Abashinwa bavuga ko uburyo bafatwa basanga bibangamira cyane uburenganzira bwabo, dore ko uretse kubakubita bajya banabakorera ibindi birimo kubatuka, kubambura no kubirukana babarenganya.


Tanga Igitekerezo
Ibitekerezo 4
Denis Kuya 6-09-2016

Inkoni, ziraza kutwica kabisa!!!!! Ubushomeri Inkoni ubu se turahungirahe

Denis Kuya 5-09-2016

Inkoni, ziraza kutwica kabisa!!!!! Ubushomeri Inkoni ubu se turahungirahe

NTAKIRUTIMANA Eugene Kuya 5-09-2016

Nibahanywe kuko tugenderakumategeko ibyokwitwaza ngurumuzungu ntacyobivuze kukobajebadusanga nabakozi babanyarwanda ntampamvuyurugomo kubanyarwanda

simple Kuya 5-09-2016

Ibyo bikuri c ko mutabifotoye ngo mubyanike kuri iri zuba koko!?? Abashinwa barakabya mubijyanye no kwihanira abakozi p

IGURIRE
Reba Ibindi Byinshi
FPR Kagame 2
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
IBIRORI
Ibitekerezo
IZINDI NKURU WASOMA