konka coffee
KONKA

AMAKURU

UKWEZI

Abasirikare b’u Rwanda baminuje mu Bubiligi bahita banazamurwa mu mapeti - Amafoto

Abasirikare b’u Rwanda baminuje mu Bubiligi bahita banazamurwa mu mapeti - Amafoto
2-09-2016 saa 10:19' | By Chief Editor | Yasomwe n'abantu 10641 | Ibitekerezo

Kuri uyu wa Kane tariki 1 Nzeri 2016, abasirikare batatu mu Ngabo z’u Rwanda barangije amasomo yabo mu kigo cya gisirikare cy’ubwami bw’Ububiligi, bahabwa impamyabumenyi y’icyiciro cya gatatu cya Kaminuza ndetse bahita banahabwa ipeti ribinjiza mu cyiciro cy’abofisiye.

Abo basirikare ni Kayitaba Christian, Steve Ingabe Karekezi na Christian Kamanzi, barangije mu kigo cyo mu Bubiligi kizwi nka "École Royale Militaire Belge". Ambasade y’u Rwanda mu Bubiligi, ivuga ko bahise bahabwa impamyabumenyi y’icyiciro cya gatatu cya Kaminuza (Masters) ndetse bagahita bahabwa n’ipeti rya Sous-Lieutenant.

Harangije abo mu bihugu bitandukanye ariko harimo n’abanyarwanda

Aba basirikare batatu b’u Rwanda, barangije amasomo yabo bari kumwe n’abandi benshi bakomoka mu bihugu bitandukanye ku isi birimo n’U Bubiligi nyirizina, izi zikaba ari imbaraga nshya igisirikare cy’u Rwanda cyungutse mu bijyanye n’ubumenyi mu bya gisirikare.

École Royale Militaire Belge yashinzwe mu mwaka w’1834, iyi ikaba ari inshuro ya 166 abanyeshuri b’abasirikare baharangije nyuma yo guhabwa amasomo atandukanye mu bijyanye n’ubumenyi bwa gisirikare.

Batahanye impamyabumenyi y’icyiciro cya gatatu cya Kaminuza hamwe n’ipeti rya Sous-Lieutenant.

Ambasaderi w’u Rwanda mu Bubiligi, Olivier Nduhungirehe ni umwe mu babashimiye ko babyitwayemo neza

Inshuti n’abavandimwe bishimanye n’aba basirikare b’u Rwanda ku bw’iyi ntambwe bateye


INKURU ZA :
Tanga Igitekerezo
Ibitekerezo
IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...