konka coffee
KONKA

AMAKURU

UKWEZI

Abasirikare bashinjwa kwica umuntu i Gikondo barasabwa indishyi z’arenga Miliyoni 80

Abasirikare bashinjwa kwica umuntu i Gikondo barasabwa indishyi z’arenga Miliyoni 80
8-09-2017 saa 11:51' | By Vincent Nsengiyumva | Yasomwe n'abantu 5568 | Ibitekerezo 4

Mu gitondo cyo kuri uyu wa Gatanu, Urukiko rwa Gisirikare rwakomeje kuburanisha mu mizi urubanza rw’abasirikare 2 baregwa kwica umuturage w’i Gikondo bamurasiye mu kabari. Abagize umuryango w’uwishwe bahawe umwanya maze basaba indishyi y’amafaranga asaga Miliyoni 80.

Aba basirikare bombi Pte Claude Ishimwe na Pte Jean Pierre Nshimiyumukiza bakurikiranyweho kwica umuturage witwa Ntivuguruzwa Aime Yvan bamurashe, ubwo bari ku burinzi kuwa 10 Gicurasi 2017 mu masaha ya nijoro ubwo bari ku burinzi i Gikondo ahazwi nka SGM.

Mu masaha ya saa tatu z’igitondo nibwo urubanza rw’aba basirikare rwakomeje mu mizi aho baburanishirizwa mu cyumba mberabyombi cy’ishuri ribanza riri Rwampala i Gikondo SGM, mu ruhame rw’abaturage baba baje kurukurikirana.

Mu iburanisha riheruka Urukiko rwa Gisirikare rwari rwategetse ko Pte Claude Ishimwe na Pte Jean Pierre Nshimiyumukiza bafungwa by’agateganyo iminsi 30 mu gihe iperereza rikomeje ku byaha bitanu baregwa bishingiye ku kwica umuturage bamurashe.

Mu byaha bitanu aba basirikare baregwa harimo Ubufatanyacyaha mu bwicanyi, ubwambuzi bukoresheje kiboko, ubugande, kurasa nta tegeko no konona ikintu cy’undi ku bw’inabi.

Ubwo abagize umuryango wa Nyakwigendera Ntivuguruzwa Aime Yvan bahabwaga umwanya ngo bavuge icyifuzo cyabo ku bijyanye n’indishyi, Umugore wa nyakwigendera, umubyeyi we ndetse n’abavandimwe be 7 bavuze ko bagomba guhabwa amafaranga y’indishyi y’akababaro, ayakoreshejwe mu gushyingura, ay’ibikoresho byangijwe mu kabari ubwo aba basirikare bakoraga aya mahano, amafaranga y’ikurikirana rubanza n’ay’umwunganizi yose hamwe akaba asaga Miliyoni 80.

Aba bagize umuryango wa nyakwigendera Ntivuguruzwa Aime Yvan bavuga ko indishyi basaba bazayihabwa na Leta y’u Rwanda ngo kuko abakoze icyaha cyo kwica bari mu kazi ka Leta.

Uhagarariye leta y’ u Rwanda muri uru rubanza ntiyemeranya n’ibyo umuryango wa nyakwigendera uvuga by’uko Leta yazabishyurira indishyi ngo kuko atariyo yabohereje gukora biriya byaha byose baregwa ikindi kandi ngo amakosa yakozwe ntabwo ari mu nyungu z’umukoresha w’abaregwa,MINADEF.

Mu iburanisha ry’ifunga n’ifungura Pte Ishimwe Claude yemera ibyaha byose yashinjwe, avuga ko yarashe nyakwigendera bitewe n’uko yari abonye atuye hasi mugenzi we ndetse ashaka no kumwambura imbunda.

Nyuma yo kumva impande zombie Ubushinjacyaha bwasabiye aba basirikare bombi gufungwa burundu no gutanga ihazabu ya miliyoni imwe y’amafaranga y’u Rwanda, naho ibijyanye n’indishyi ku muryango wa nyakwigendera ngo bizasuzumwa n’urukiko .


INKURU ZA :
Tanga Igitekerezo
Ibitekerezo 4
Ahimana Kuya 17-09-2017

Ariko Urukiko rwagisirikare rwagombaga kubisuzuma harigihehavuka imvururu bajyakuzihosha bakabarwanya banyweibiyobyabwenge kandi batagiye hakagi uhagwa nabwo bakurikiranwa

Mugemana Kuya 10-09-2017

AKARENGANE.COM!!!!!
wowe uvuga ko ari akarengane kuburyo warasa umuntu amasasu arenga (6) atandatu ngo uri kwikiza umwanzi noneho mu mutwe!!! kuki batarashe ku kuguru x

akarengane .com Kuya 8-09-2017

nyamara aba basore ndumva bakoroherezwa igihano,niba bari bari kuburinzi wenda bakemuye ikibazo uko kitagomabaga gukemurwa ariko se niba barishe umuntu ndakeka batari babigambiriye kuko batavanye intwaro muri arsenal ngo bahite bagenda batase uriya mugabo,ni uko ari private ko major ejobundi yamwishe bigaragara bamukatiye ingahe?harimo akarengane ku mikirize y urubanza rw aba basore!ubunganira abyigeho neza.kandi iyo basubira muri barack nta mbunda batwaye nabwo bari guhanwa.RDF court try to be fair.#Major Aimable uko mwaruciye ariko mugenza nabo basore bari bari mukazi ka MINADEFF

zogo Kuya 8-09-2017

ubutabera bukore ntahagire umuntu numwe wumva ko ari hejuru yamategeko

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...