konka coffee
KONKA

AMAKURU

UKWEZI

Abasore n’inkumi bifuza kuba abofisiye mu gisirikare cy’ingabo z’u Rwanda bahawe rugari

Abasore n’inkumi bifuza kuba abofisiye mu gisirikare cy’ingabo z’u Rwanda bahawe rugari
4-05-2017 saa 10:16' | By Chief Editor | Yasomwe n'abantu 5743 | Ibitekerezo 6

Ubuyobozi bw’Ingabo z’u Rwanda bwahaye rugari abanyarwanda bose bujuje ibisabwa bifuza kwinjira mu ngabo z’u Rwanda, aho bamwe bashobora kuba abofisiye nyuma y’umwaka umwe naho abandi bakabigeraho nyuma y’imyaka itatu. Ababyifuza bakaba bagomba kwiyandikishiriza mu turere twabo.

Nk’uko byashyizwe ahagaragara mu itangazo ryashyizweho umukono na Dr Brig Gen Rurangwa, Umuyobozi mukuru muri Minisiteri y’Ingabo ushinzwe abakozi, abemerewe kwiyandikisha ni abasore n’inkumi bujuje ibi bikurikira:

  • Kuba ari umunyarwanda
  • Kuba afite ubushake
  • Kuba ubuzima buzira umuze
  • Kuba atarigeze afungwa
  • Kuba afite impamyabushobozi iriho umukono wa noteri
  • Gutsinda ibizamini bizatangwa
  • Kuba ari inyangamugayo
  • Kuba ari ingaragu

Uwifuza kuba umwofisiye mu ngabo z’u Rwanda nyuma y’umwaka umwe, asabwa kuba afite impamyabushobozi y’icyiciro cya kabiri cya Kaminuza (A0) kandi atarengeje imyaka 25 y’amavuko, cyangwa akaba afite imyaka 28 mu gihe yaba afite impamyabushobozi y’icyiciro cya kabiri cya Kaminuza (A0) mu buganga cyangwa ikoranabuhanga.

Naho uwifuza kuba umwofisiye mu ngabo z’u Rwanda nyuma y’imyaka itatu we asabwa kuba afite impamyabushobozi y’amashuri yisumbuye (A2) kandi mu bizamini bisoza amashuri yisumbuye akaba yaragize amanota 24 kuzamura ku bashaka kuziga ubuganga n’ikoranabuhanga, cyangwa akaba yaragize amanota 18 kuzamura ku bashaka kuziga imibare n’ubumenyi mu bya gisirikare. Agomba kuba yaragize amanota 40 mu masomo y’ubumenyi ngiro kandi atarengeje imyaka 21 y’amavuko.

Abiyandikisha basabwa kwitwaza Indangamuntu, ibyemezo byerekana ko barangije amashuri yavuzwe haruguru ndetse n’icyemezo cy’ubudakemwa mu mico no mu myifatire gitangwa n’ubuyobozi bw’umurenge. Kwiyandikisha bizatangira tariki 10 Gicurasi 2017 birangire tariki 25 Gicurasi 2017, hanyuma abiyandikishije bazamenyeshwe gahunda yo gukora ibizamini by’ijonjora.


INKURU ZA :
Tanga Igitekerezo
Ibitekerezo 6
uwimana dominique Kuya 16-05-2017

imyaka nimike kandi turabisha difite patriotism yigihugu nukuri batubabarire amashuri twarayarangije ariko mudufashe

tuyishime samuel Kuya 12-05-2017

ubwo nyine imyaka igiye gutuma dupfa turi abasiviri ibimbifata nkokubuzwa ibyukonda gukorera igihugu nibyakagendeye kumyaka

alli ahmad niyomukiza balzac Kuya 5-05-2017

nonese baziyandikishiriza hehe mutumare amatsiko

Hakizimana janvier Kuya 4-05-2017

abantu bize bashaka kuba ba officers bato imyaka mwafatiyeho nimikeya cyane kabisa mwongereho

Kwihangana Presant Kuya 4-05-2017

Nkabo Diplôme zitarasohoka babigenza gute?

Jules Maneno Kuya 4-05-2017

Mbega ko barimo limites cyane. Njyewe wize HEG mbaye uwa nde?

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...