konka coffee
KONKA

AMAKURU

UKWEZI

Abishe wa mubyeyi Iribagiza Christine bafashwe, umwe ati ’nifuzaga kwica abantu 1000’

Abishe wa mubyeyi Iribagiza Christine bafashwe, umwe ati ’nifuzaga kwica abantu 1000’
29-04-2017 saa 16:35' | By Vincent Nsengiyumva | Yasomwe n'abantu 81263 | Ibitekerezo 64

Kuri uyu wa Gatandatu tariki 29 Mata 2017, Polisi y’u Rwanda yerekanye abantu bishe umubyeyi witwa Iribagiza Christine wari utuye mu murenge wa Niboyi hafi y’ahitwa kuri Duhamic Adri mu karere ka Kicukiro mu mujyi wa Kigali, bakica n’umuzamu witwa Mazimpaka Fabrice wari ucunze umutekano i Kagugu, bagahita biba n’ibikoresho yari acungiye umutekano.

Iribagiza Christine w’imyaka 58 y’amavuko yishwe tariki 13 Mata 2017 ndetse icyo gihe umuzamu we witwa Fidel nawe bamusize bazi ko bamwishe dore ko n’ababikoze babyivugira, naho Mazimpaka Fabrice we akicwa tariki 24 Mata. Aba bombi bishwe n’itsinda ry’abagizi ba nabi bayobowe na Majyambere Bertin na Hatungineza Hassan.

Nk’uko babyiyemereye mu buhamya bwabo batangiye kuri Polisi imbere y’abanyamakuru, Majyambere Bertin yari amaze iminsi mike afunguwe aho yari amaze imyaka 10 muri gereza azira icyaha cyo kwica murumuna we, nyuma yo gufungurwa akaba ngo yarasanze ibintu byose byarahindutse n’imitungo ye yarariwe, hanyuma yiyemeza ko azajya yica umuntu wese bagiranye ikibazo. Icyakoze Iribagiza Christine na Mazimpaka Fabrice bo avuga ko babishe bashaka kubambura amafaranga n’indi mitungo.

Uyu Majyambere Bertin yatangaga ubuhamya bw’amabi yakoze ashize amanga, kuko atatinye kuvuga ko yatawe muri yombi yari afite gahunda yo kwica abantu byibuze 1000, ndetse arenzaho ati: "No kuri uyu munsi hari uwo nari narapanze ko nagombaga kwica"

Hanyuma uyu Hatungineza Hassan, nawe yari yarafungiwe ubujura ndetse aho muri gereza ninaho yamenyaniye na Majyambere Bertin maze batangira gupanga iyo migambi mibisha yo kujya biba abantu bakabambura ubuzima. Iyo mipangu batangiye kuyipangira muri gereza ubwo bendaga gufungurwa.


Majyambere Bertin uvuga ko abantu 3 yishe badahagije ko ahubwo yagombaga kwica 1000

Aba bagabo babiri bari kumwe n’itsinda ry’abandi bakurikiranyweho ubufatanyacyaha muri ubu bugizi bwa nabi, barimo umugore wa Hassan witwa Mushimiyimana Grace ndetse n’umumotari umwe watwaye Bertin ubwo yavaga gukora aya mahano.

Mu Kiganiro yahaye abanyamakuru mu magambo ateye ubwoba Majyambere yavuze ko yishe murumunawe ubwo barimo basangira inzoga maze ngo baza guserera uyu murumuna we amubwira nabi, nibwo yahise afata umugambi wo kumwica aza no kubikora muri uwo mugoroba.

Uyu Birtin wiyemerera ko yishe na nyakwigendera Christine, avuga ko yari agiye kwiba imodoka yari iri mu rugo kwa nyakwigendera akanavuga ko yabanje kumvikana n’umuzamu Fidele kugira ngo bafatikanye .

Yakomeje avuga ko ageze imbere mu gipangu bananiwe kumvikana na Fidele ku byo bari bemeranyijwe nawe ngo ahita ashaka kumwica. Ati ” Nabonye atangiye gushaka guteza induru mpita mujyana mu gikari ndamwica ariko ntiyapfa.”

Yahise yinjira mu nzu asanga Iribagiza amwaka amadorali ibihumbi makumyabiri na bitanu n’urufunguzo rw’imodoka, Iribagiza arabimwima maze ahita amwica amunigishije ishuka nk’uko yabyivugiye.

Majyambere Bertin yafunguwe tariki 9 Mata ubwo yari asoje igihano yari yarakatiwe nyuma yo kwica murumuna we, nyuma y’iminsi 4 gusa nibwo yahise yica Iribagiza Christine wo ku Kicukiro mu murenge wa Niboyi, ibintu bigaragaza ko umugambi wose yawucuriye muri gereza.

ACP Badege avuga ko abo bagabo bitwazaga abagore kugira ngo aho bagiye kwinjira badakeka ko ari abagizi ba nabi kuko abagore badakunda gucyekwaho ibikorwa nk’ibi.

Aha bigaragazwa n’uko ubwo bajyaga kwica nyakwigemdera Iribagiza bitwaje umugore wa Hassan witwa Mushimiyimana Grace nawe uri mu maboko ya Polisi akaba aniyemerera ko bajyanye ubwo bajyaga kwica Iribagiza, ariko akaba atari azi ibikorwa bagiyemo.

Urupfu rwa nyakwigendera Iribagiza Christine rwavuzweho byinshi bigaragaza ko rwaba rufitanye isano n’ingengabitekerezo ya Jenocide, ariko umuvugizi wa Polisi y’u Rwanda ACP Badege yavuze ko ntawahita yemeza ko urupfu rwe hari aho ruhuriye n’ingengabitekerezo ya Jenocide.

Umuvugizi wa Polisi y’u Rwanda ACP Theos Badege, yanavuze ko aba bantu bakurikiranyweho ibyaha bitatu birimo icy’ubwicanyi , kurema imitwe y’ubugizi bwa nabi ndetse anemeza ko nibahamwa n’ibi byaha bazahabwa igihano cya burundu y’umwihariko nk’uko itegeko rihana ibyaha ribiteganya.

Polisi y’u Rwanda kandi yaboneyeho gushimira abaturage bagira uruhare mugutanga amakuru mugihe habayeho ibyaha anabasaba gukomeza kuba maso no gukomeza kugira uruhare mu kwicungira umutekano.

JPEG - 270.1 kb

Majyambere Bertin wambaye umupira w’umuhondo na mugenzi we Hatangineza Hassan wambaye imyenda y’umweru

JPEG - 139.8 kb

Izi ni Televiziyo za Flat bari bibye ubwo bamaraga kwica uwari umuzamu witwa Mazimpaka Fabrice

JPEG - 161.2 kb

Umuvugizi wa Polisi y’u Rwanda, ACP Theos Badege asobanurira abanyamakuru ifatwa ry’aba bagizi ba nabi


INKURU ZA :
Tanga Igitekerezo
Ibitekerezo 64
Jean Pierre Kuya 5-05-2017

La chaise electrique yafasha gukemura bene ibyo bibazo cyangwa extremely dangerous virus

Jean Pierre Kuya 5-05-2017

La chaise electrique yafasha gukemura bene ibyo bibazo cyangwa extremely dangerous virus

knc Kuya 4-05-2017

Mbega is we !ariko aba banyamategeko bo ntibabona ko bateza abantu gukora ibyaha birenze!ubwo se Niba igihano cy’urupfu cyivuyeho,bagatangira gukatira umuntu wishe undi binamuhama imyaka 10 ubwo turavahe tukajyahe? ubwo se ibindi byaha by’ihohoterwa bizahanishwa ikihe gihano ra!!!!???????

ju Kuya 2-05-2017

nkaba iyo baza kwiba i Karongi ngo abasirikare babampanire igihano cy’urupfu nubwo kitakibaho.twe nkaba babarasa.uriba ihene wazana ivogonyo ukava ku isi none ngo aba baracyariho?genda Rwanda!!!!

tete Kuya 2-05-2017

Mana irebera u Rwanda dutabare pe! mbega abagabo bateye ubwoba. birababaje kuba abantu nkaba bidegembya.

isimbi Kuya 1-05-2017

Ikimbabaza nuko mubakoza muri gereza mugahita mubarekura kdi bagakomeza bakica abantu,rwose birakabije ni mufate ingamba

Elyse Kuya 1-05-2017

Turashimira polisi yu rwanda yo.ikomeje kuduha umutekano usesuye aba bashenzi bica bakaniba bakatirwe urubakwiye MANA komeza igihugu cyacu

Elyse Kuya 1-05-2017

Turashimira polisi yu rwanda yo.ikomeje kuduha umutekano usesuye aba bashenzi bica bakaniba bakatirwe urubakwiye MANA komeza igihugu cyacu

bebe Kuya 1-05-2017

Nshimye inzegozumutekano zakuyeyeho urujijo kubatekerezaga ibindi

bebe Kuya 1-05-2017

Mbegabagome weeee nuko igihano cyurufpu cyavuyeho nicyo bakwiye guhabwa baribafite gahunda ndende yogutsemba

a l x s Kuya 30-04-2017

mwiriwe nasabaga ubuyobozi kobwazaza bukadukiza ibirara hano muri Sahara niboye nanjye uwo witwa hatanga yancukuriyeho inzu amatereviziyo barajyana none nimushake ukuntu mwabidukiza

vava Kuya 30-04-2017

nihatari abantu babaye inyamaswa ndabona kubashyira gereza nukurema indi mitwe yabicanyi nibagerayo cyeretse nimubashyira ahantu habo bonyine

Ruhago Kuya 30-04-2017

INTERAHAMWE KUGEZUBU ZIRACYAHAKANA KO ZISHE IMYAKA. 23 IRASHIZE ! ARIKO UYU MWICANYI KUMUNOTA WAMBERE ARIVUGA IBIGWI BYUKO AFITE GAHUNDA YO KWICA 1000. NDABONA UYUMWICANYI ARWAYE MUMUTWE CG AFITE IKINDI YIZEYE KUKO NIBWO BWAMBERE UMUNTU YEMERA YUKO YICABANTU KANDI AKABYEMERANA UBWIRASI BWISHI ! MUMUREBE NTABWOBA NAMBA ! ??

alfa Kuya 30-04-2017

Iyo ngegera ngo yashakaga kwica 1000? Nta gafuni kaba hafi ngo avanwe mu bantu? Basomyi mumbabarire kuba mvuze bibi ni agahinda natewe n’iriya mubyeyi.

Tugume Kuya 30-04-2017

Imana ishimwe kubona abo bicanyi bafashwe kuko akenshi byari byitiriwe abafite ingengabitekerezo cg n’abandi nkuko ababyifuza babivuga ariko Imana ishimwe kandi na Polisi ibe maso rwose ijye imenya bene izo nkoramaraso mbere y’ubwicanyi. murakoze

annick Kuya 30-04-2017

abo bicanyi nabo bakwiye kwica kuko ndumva ubugome bafite butashira. Ahubwo bashobora no kujya bica bagenzi babo muri gereza. bityo ndumva bakwiye urupfu kbsa.

Kubwimana (Kayonza) Kuya 30-04-2017

Ariko mwagiye mureba kure kdi mugashishoza: iyi nkuru irimo urujijo. Wasobanura gute ukuntu umuzamu yanze gufungura , Nyuma uyu mugabo akaza kugaruka akamufungurira? Musome neza ibiganiro byabaye hagati y’uyu muzamu n’aba bicanyi, hanyuma mubihuze n’ibyabaye hagati ya Christine n’iyi nkoramaraso: Njye ndabona hari ikibyihishe inyuma. Abavuga ngo nibicwe se! igihe abanyarwanda tutapfuye ni ryari? ubuse ibibazo by’urwanda byararangiye? Sishigikiye abicanyi munyumve neza!!!!

simple Kuya 30-04-2017

murakoze kubwiyi nkuru, polisi ikwiye ibihembo, ariko mudufashe mutubwire uburyo police yavuze yabafashemo. murakoze

kazungu Kuya 30-04-2017

interahamwe nkiyi jye sinayifunga nayikosora mubundi buryo

Elias Kuya 30-04-2017

uwiteka ahabwe icyubahiro kandi police y urwanda turabashimira Ku kazi keza kuzuyu buhanga n ubushishozi

Izerimana Kuya 30-04-2017

Ariko koko police iona gufunga izonyamanswa bihajyije ngewesinemeranyanabo.ibyobyicanyi byo babyishishe babibabaje koko kd bakabyicira muruhame kuburyo nundiwese watekerezaga icyocyaha a kaki reka. Babice

Izerimana Kuya 30-04-2017

Ariko koko police iona gufunga izonyamanswa bihajyije ngewesinemeranyanabo.ibyobyicanyi byo babyishishe babibabaje koko kd bakabyicira muruhame kuburyo nundiwese watekerezaga icyocyaha a kaki reka. Babice

nziyumvira Kuya 30-04-2017

turashima polisi y’ igihugu ikomeje gukora umurimo wayo neza

sage Kuya 29-04-2017

ariko mana weeee ibi ni ibiki koko???Aba bicanyi nabo bakwiye gupfa,kagame uracyagorwa gusa tukuri inyuma kdi n’imana iragushyigikiye ntucike intege

efrem Kuya 29-04-2017

aba bagabo 2 bamaze kuva mubantu nubwo basa nabo ariko ni Inyamaswa zuzuye, ariko se ntibazanduza abandi bagororwa bashoboraga kuzahinduka? birebwe neza.

CQ Kuya 29-04-2017

Uyu mwicanyi hari uwo nkeka ko ariwe nigeze kumva ko yafunzwe azira kwica murumuna we wamukurikiraga amujombaguye inkota ! Ese yaba ari uyu?

Uwaba azi neza aho uyu Majyambere akomoka yambwira neza nahita menya uwo ariwe !! haruwo mbitiranya ahari

Timothy Njoroge Kuya 29-04-2017

Buri muntu wese uvuye muri gereza kubera ubwicanyi, ajye akorerwa ingando mbere yo gusubira mu muryango nyarwanda.

Niyitegeka Mary Kuya 29-04-2017

Peee! Turashimira police ko yakoze akazi gakomeye ko gufata abo bagizi ba nabi,babakanire urubakwiye kuko birarenze cyane!

lg Kuya 29-04-2017

aho kurasa, izo mbwa, baraziha, umwanya nabanyamakuru umuntu yishe umuntu ngo bamufunze, imyaka 10 !! aragarutse yishe abandi bariya bose bafunguwe barishe abantu nibo nubu bica abantu buri munsi uwishe abireka, aruko apfuye ibindi nukumuha, umwanya wokumara, abantu

Eva Kuya 29-04-2017

Harya ubundi icyaha cyo kwica basigaye bagifungira imyaka 10?

umutoni Kuya 29-04-2017

arko se iyimbwa iba murwanda kweli?

Bambe Kuya 29-04-2017

Birababaje. Ariko inkuru muyihuje n’iri ku museke byafasha abasomyi. Aho ku museke bavuze ko yanigishije ishuka mwebwe mukavuga ko yakoresheje umugozi. Ikindi kandi umuzamu bavuze yanizwe nyuma yo kujya kuzana nyirabuja.

umutoni Kuya 29-04-2017

arko se iyimbwa iba murwanda kweli?

Marcel Manzi Twizeyemungu Kuya 29-04-2017

Police yacu turayikunda! Community Policing is the key! Mbashyira mu rwegwo rwa LAPD! Keep up the good job.

Ishyano ryagwiriye u Rwanda Kuya 29-04-2017

Byose biterwa n’uko havanyweho igihano cy’urupfu

Ishyano ryagwiriye u Rwanda Kuya 29-04-2017

Byose biterwa n’uko havanyweho igihano cy’urupfu

Niyo Kuya 29-04-2017

Ndashimira cyane Police y’u Rwanda kubunyamwuga bagaragaje bafata ababagizi banabi, bakatirwe urubakwiriye ndumva abantu nkaba badakwiye kuba muri sosiete kabisa

twahirwa lucky Kuya 29-04-2017

Ndashimira byimazeyo Police y’u rwanda!Kumurava, n’umwihariko wayo mu gutahura abanyabyaha byihuse. izo nkoramahano zibeshye ku Gihugu ntabwo urwanda ari igihugu wakwizera gusorezamo imigambi mibisha nkiyo.
RIP abishwe nizo nkoramahano bose mwabaye ibitambo bya benshi.

twahirwa lucky Kuya 29-04-2017

Ndashimira byimazeyo Police y’u rwanda!Kumurava, n’umwihariko wayo mu gutahura abanyabyaha byihuse. izo nkoramahano zibeshye ku Gihugu ntabwo urwanda ari igihugu wakwizera gusorezamo imigambi mibisha nkiyo.
RIP abishwe nizo nkoramahano bose mwabaye ibitambo bya benshi.

Faustin Nshimiye Kuya 29-04-2017

Abantu Nkabo Leta Ijye Itubabarira Ishake Uko Yabangenza Kuko Iyo Bari Muri Gereza Banduza Nabari Kuzagororoka Kuko Bene Abo Ntibaba Bateze Kuzagororoka

alexis Kuya 29-04-2017

ubuse ibi barabibikamo iki barangije amashyano akava munzira, ariko umuntu yibe 1000 akatirwe imyaka 10 n’uwishe undi bamukatire 10 koko?

nyirazuba Kuya 29-04-2017

umuntu wishes undi ntabwo aba akwiye kugarurwa muri society nyarwanda

nyirazuba Kuya 29-04-2017

umuntu wishes undi ntabwo aba akwiye kugarurwa muri society nyarwanda

yvette Kuya 29-04-2017

ibi birakabije pe uyu muntu akatirwe burundu kugirango atakomeza kudusubiza inyuma mw’ iterambere. kandi nshimiye police y’u Rwanda uburyo ikomeje gukora neza. murakoze

jean de la paix Kuya 29-04-2017

mana kko imitima yabtu iracyameze gutya c ubwo kko iherezo ryisi twaryita iki kki abantu nkaba bakiriho kko Naha yesu nase tu ntabwo numvaga ko harabantu batagifite ubumuntu

Queen Kuya 29-04-2017

Bravo kuri RNP. Havuzwe amagambo menshi k’urupfu rwa Christine, ubu noneho on sait ce qui s’est vraiment passé.

agnes Kuya 29-04-2017

ndumiwe koko! gereza nayo yigisha byinshi bibi. bamwe aho kubagorora bayigiramo ubundi bigome bukabije. ubanza ahari uwajya atandukanya abadahuje ibyaha ntibafungirwe hamwe

Queen Kuya 29-04-2017

Bravo kuri RNP. Hari havuzwe amagambo menshi k’urupfu

kaju Kuya 29-04-2017

Mubafungire mu mwobo ni abagome babi

Jeanne Kuya 29-04-2017

Chapeau police y’uRwanda

bakunda steven Kuya 29-04-2017

mubakanire urubakwi ye ubwo bafashwe batarica umubare bihayekugyeraho irakabaho police y urwanda

ast Kuya 29-04-2017

Ariko njye ntago niyumvisha ukuntu umuntu yica bakamukatira imyaka icumi. Yaba baramukatiye burundu aba bantu ntibaba baravukijwe ubuzima. Cyakora ubutabera bubakanire urubakwiye

Nzabarera theoneste Kuya 29-04-2017

Poric oye abobagizi banabi mudufashe mubashikirize ikiko imanzazabo zizabere kuritere imbe yabaturage murakoze

rwango Kuya 29-04-2017

wowe wiyise AK...ubiboneyehe ko atari interahamwe?? ko hari abantu mwasabitwse namatiku!!

Izabarera theoneste Kuya 29-04-2017

Poric yurwanda baravo abobagizi bamani muzabazane kuritere igihe cyokubacirimanza

Ariko ariko Kuya 29-04-2017

Ariko mu Rwanda ntimukatubeshye none se uwishe umuntu ahanishwa gufungwa imyaka 10?
mwagiye musigaho.
Imana niyo izi byose.

gd Kuya 29-04-2017

Nuko nyine ntagihano kyurupfu kikiri mumategeko y’Urwanda uyu muntu ufite imigambi imeze gutya yagombaga kwicwa.

Ak Kuya 29-04-2017

Yoo birababaje ,umubyeyi yazize ingegera kaziriya,gusa ndabona atari interahamwe nkuko byari byavuzwe mere

YES Kuya 29-04-2017

birababaje

Mutoni Kuya 29-04-2017

Ariko rero ibi birakabije,kumva umuntu nkuyu wica umvandimwe we ngo yakatiwe imyaka 10?!itegeko rihana ubwicanyi bukozwe nkana rikwiye kuvugururwa ntacyo rimaze kuko abantu barapfa umunsi kumunsi kuko ababica baziko ntacyo bazaba.sasa nabo bajye bapfa nubundi umuntu nkuwo ntakamaro amariye igihugu nuwo gupfa.

1 | 2
IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
BAHO
INKURU ZIKUNZWE
Ibitekerezo
Loading...
IZINDI NKURU WASOMA
Loading...