konka coffee
KONKA

AMAKURU

UKWEZI

Ba basirikare biciye umuntu i Gikondo bamurashe bakatiwe gufungwa burundu

Ba  basirikare biciye umuntu i Gikondo bamurashe bakatiwe gufungwa burundu
6-10-2017 saa 12:17' | By Vincent Nsengiyumva | Yasomwe n'abantu 3570 | Ibitekerezo 1

Urukiko rwa Gisirikare rwakatiye PTE Nshimyumukiza Jean Pierre na PTE Ishimwe Claude gufungwa burundu nyuma yo guhamwa n’icyaha bari bakurikiranyweho cyo kwica Ntivuguruzwa Aime Yvan bamurashe ubwo bari ku burinzi i Gikondo.

Aba basirikare uko ari 2 bishe uyu mturage bamurasiye i Gikondo ahazwi nka SGM mi ijoro ryo kuwa 9 Gicurasi 2017 ubwo bari ku burinzi.

Mu rubanza aba basirikare bombi baregwaga ibyaha bitanu harimo Ubufatanyacyaha mu bwicanyi, ubwambuzi bukoresheje kiboko, ubugande, kurasa nta tegeko no konona ikintu cy’undi ku bw’inabi ariko bo bakabihakana.

Urukiko rwabwiye imiryango ya nyakwigendera ko indishyi bari basabye Leta z’asaga miliyoni 80 ko batazayahabwa kuko batatumwe na Leta kwica umuntu ahubwo rwanzura ko bazahabwa indishyi ingana na miliyoni 18 gusa.

Urukiko kandi rwasobanuye ko izi ndishyi zemerewe abo mu muryango wa Nyakwigendera zizatangwa n’abaregwa bombi bafatanyije. Rwanasobanuye ko indishyi zitangwa hakurikijwe ubushobozi bw’abaregwa.

Mu iburanisha riheruka abo mu muryango wa Nyakwigendera bari bagaragaje ko bifuza ko bazahabwa indishyi z’amafaranga asaga miliyioni 80 bakayahabwa na MINADEF kuko icyaha cyakozwe n’abakozi bayo, ibintu byatewe utwatsi na Leta kuko ngo abakoze icyaha batari batumwe kugikora.


INKURU ZA :
Tanga Igitekerezo
Ibitekerezo 1
Kiki Kuya 6-10-2017

umusilikare ukozikosa rikomeyenko guhohoterumuturage yakagombyeguhanwa incuro 2cg3 par rapport yumusivile kandagakatirwa ninkiko ebyiri (urukiko rusanzwe nurundi rwigisilikare nakwita special nkumuryango abarizwamo wamureze ukamutoza ukamuha nibikoresho azakoresha mukazi). Nkuko umunyeshuli akosa kwishuli mwarimu akamuhana yageranomurugo naho ababyeyi bakamukubita nkumuryango akomokamo yakojejisoni ninakobyalibikwiye kugenda kumusilikare wakozamarorerwa nkaya. Kuko abasebejingabo zacu dukunda agasebya nigihugu muruhandompuzamahanga, abahungabanyije umuturage ashinzwekurinda nokurengera bityo wamuturage agatakazicyizere yarafitiye igisilikare nkurwego rukomeyecyane rwigihugu. Nkukonubundi iyumusilikare yakozeneza abishimirwa agahembwa umushaharawe, akanongerwamapete nicyubahiro muli société, akanambikwimidali, (ubwurumvako ahembwe gatatu par rapport yumusivile), niyompamvu niyoyatatiye igihango agakoramahano nkaya yakagombye kubihanirwa double cg triple akaberanabandi urugero kuko akorakazi gafitumwihariko udasanzwe woguhagararira igihugu nokulindabaturage bagombakumwiyumvamo. Agomba nokubisabirimbabazi muruhame. Nababajwecyane nigihanocyoroshye kuliya cyahawewamu major wishumwana igikondo bakamukatirimyaka 10GUSA, uliyawe yagombaga noguhanwabikomeye birenzigihano cyaburundu kuko yishumwana umuziranenge umujyambere amizero yigihugu numuryangowe, ikandi hejuruyokuba umusilikare yari n’†UMUGANGA†ashinzwe kubungabunga nogutanga ubuzima kubanyarwanda nokukiremwamuntu. Ruriyarubanza rwarambabaje liliya naryita “ipfobyabuzima†n’iteshagaciro kikiremwamuntu. Yakagombye noguhanwabikomeye kurusha ababa privates kukwabarusha iranka imyaka expérience nubwenge kukonubundi mubisanzwe umwana mukuru niwuhanwacyane kurusha barumunabe.
Inzegonkuru zagisilikare zizabyigeho kuko iyowishize mumwanya wabomumuryango wiciwe bibabibabajecyane bababashaririwe mumutima. Kandibikozwe gucyo byakongera discipline mungabozacu doreko zizewe kwisihose kugirango ibibidakomeza kwangizisura yazo kanditugomba gusigasira iyosuranziza nicyizere ingabozacu nigihugu mulirusange dusanganwe. 

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
BAHO
INKURU ZIKUNZWE
Ibitekerezo
Loading...
IZINDI NKURU WASOMA
Loading...