konka coffee
KONKA

AMAKURU

UKWEZI

Burera: Umusore yishwe ateraguwe ibyuma, harakekwa abo basangiraga inzoga

Burera: Umusore yishwe ateraguwe ibyuma, harakekwa abo basangiraga inzoga
21-08-2017 saa 09:12' | By Akayezu Jean de Dieu | Yasomwe n'abantu 4308 | Ibitekerezo 1

Umusore witwa Biramahire Augustin w’imyaka 22 wo mu kagali ka Rurembo, Umurenge wa Rugarama akarere ka Burera yishwe ateraguwe ibyuma bikaba bikekwa ko yishwe na bagenzi be bari biriwe basangira inzoga.

Umurambo wa Biramahire Augustin watoraguwe mu rukerera rwo kuri iki Cyumweru tariki 20 Kanama 2017, nyuma y’uko yari yiriwe asangira inzoga n’abasore bagenzi be kuwa Gatandatu tariki 19 Kanama, barimo uwitwa Dukundaneusanzwe afite akazi muri Uganda .

Abaturanyi ba nyakwigendera Biramahire Augustin batangarije Ukwezi.com ko yari yiriwe asangira inzoga ku kabari n’abasore batatu, aho byageze mu masaha y’umugoroba batangira gushwana ariko abari aho barabakiza nyuma baza gutahana bose, akaba aribyo bashingiraho bakeka ko aba basore bagize uruhare mu rupfu rwe.

IP Innocent Gasasira, Umuvugizi wa Polisi mu Ntara y’Amajyaruguru nawe yahamirije Ikinyamakuru Ukwezi.com ko uwo musore yishwe ateraguwe ibyuma kandi ko kugeza ubu hari abasore batatu uruhare mu rupfu rwe bakaba bamaze gufatwa n’inzego za Polisi ku bufatanye n’abaturage kugira ngo hakorwe iperereza.

kugeza ubu bakaba bafungiye kuri Sitasiyo ya Polisi ya Gahunga.

Yagize ati "Nibyo koko uwo musore yarishwe kandi bamwe mu bakekwaho kumwica barafashwe kugeza ubu nabo ubwabo barashinjanya ugasanga umwe avuga ati ni uyu mugezi wanjye wamwishe undi nawe ati sinjye ni wowe, bivuze ko iperereza rigikomeje kuko aba bakekwa bari mu maboko y’ubushinjacyaha."

IP Gasasira yakomeje avuga ko aba basore uko ari 3 bafungiye kuri Sitasiyo ya Polisi ya Gahunga mu gihe iperereza rigikomeje anaboneraho gusaba abaturage ko badakwiye na rimwe kwica bagenzi babo ndetse anabasaba kwirinda ubusinzi buterwa no kunywa inzoga zitemewe zirimo Kanyanga, Suzi n’izindi kuko arizo ntandaro y’urugomo akenshi rutera n’ubwicanyi bwa hato na hato.


IP Innocent Gasasira, Umuvugizi wa Polisi y’Igihugu mu Ntara y’Amajyaruguru


INKURU ZA :
Tanga Igitekerezo
Ibitekerezo 1
T J PAUL Kuya 30-08-2017

Abobaswa,batabareka.Babasibe.Nabandi Babonereho.
Umuryango Wanyakwigyendera,ugire Kwihangana.
Ariko,nkasaba Urubyiruko,kwirinda,ibiyobyabwenge.Ndamukyije,abaturagye Bumurenge Wa kivuye.

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...