konka coffee
KONKA

AMAKURU

UKWEZI

Darfur: Ingabo z’u Rwanda zamuritse igipangu zubakiye ikigo cy’amashuri

Darfur: Ingabo z’u Rwanda zamuritse igipangu zubakiye ikigo cy’amashuri
27-06-2016 saa 20:52' | By Chief Editor | Yasomwe n'abantu 2788 | Ibitekerezo 3

Abasirikare mu ngabo z’u Rwanda bo muri batayo ya 47 iri mu butumwa bw’amahoro mu Ngabo z’Umuryango w’Abibumbye i Darfur muri Sudani (UNAMID), bamurikiye abaturage batuye mu gace kitwa Umkadada gaherereye muri Darifur y’Amajyaruguru, igipangu gishya bubakiye ikigo cy’amashuri abanza y’abakobwa cyitwa Noor Salaam.

Nk’uko tubikesha urubuga rwa Minisiteri y’ingabo mu Rwanda, iki kigo gifite abanyeshuri bagera kuri 463, kikaba giherereye mu birometero 185 mu Burasirazuba bw’Umujyi wa Elfasher, umurwa mukuru wa Darfur.

Umushinga wo kubaka uru ruzitiro watwaye amadorari y’amanyamerika agera ku bihumbi 23, mu rwego rwo gushyigikira imyigire y’abana b’abakobwa. Iki gikorwa kikaba cyarakozwe n’ingabo z’u Rwanda za Batayo ya 47 babitewemo inkunga na UNAMID. 

Abana b’abakobwa biga ku Ishuri rya Noor Salaam

Umugaba Mukuru w’Ingabo za UNAMID, Lt Gen FM Kamanzi, mu ijambo yagejeje ku bari aho, yashimiye ingabo z’u Rwanda ubwitange n’umurava bibaranga mu kazi, anashimira kandi uburyo abaturage bafatanya n’ingabo mu bikorwa bibagenewe.

Yagize ati: “Iki gikorwa ni ikimenyetso kigaragaza ubufatanye hagati y’ingabo z’u Rwanda, UNAMID hamwe n’abaturage batuye aka gace ka Umkadada. Turashimira ubuyobozi n’abaturage ba Umkadada batugaragarije ubufatanye muri iki gikorwa cyo guteza imbere uburezi”.

Minisitiri w’Uburezi mu Ntara ya Darfur Mr. Yusuf Isaak Adam, wari umushyitsi mukuru, mu ijambo rye yashimiye cyane ingabo z’u Rwanda za Batayo ya 47 hamwe na UNAMID uburyo batekereje bakanashyira mu bikorwa uyu mushinga, bikaba bigaragaza ubufatanye bwiza hagati ya UNAMID n’abaturage batuye aka gace.

Abaturage bari bitabiriye iki gikorwa

Mu bandi banyacyubahiro bari bitabiriye uwo muhango, harimo abayobozi bakuru baturutse muri Guverinoma ya Sudani, abayobozi bakuru hamwe n’abasirikare ba UNAMID, hamwe n’abaturage.


INKURU ZA :
Tanga Igitekerezo
Ibitekerezo 3
safari Kuya 1-07-2016

congz kungabo zacu

HERO Kuya 29-06-2016

BRAVO RWANBATT 47!!

vincent Kuya 28-06-2016

amashyi menshi kuri RDF ingabo zacu umutamenwa

IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...