konka coffee
KONKA

AMAKURU

UKWEZI

Gakenke :Umwarimu akurikiranyweho gukubita umunyeshuri bikamuviramo gupfa

Gakenke :Umwarimu akurikiranyweho gukubita umunyeshuri bikamuviramo gupfa
15-06-2017 saa 06:45' | By Akayezu Jean de Dieu | Yasomwe n'abantu 5045 | Ibitekerezo 7

Inzego z’umutekano mu Ntara y’Amajyaruguru zikurikiranye umwarimu witwa Norbert ucyekwaho kugira uruhare mu rupfu rw’umunyeshuri yigishaga ku rwunge rw’amashuri rwa Muzo ruherereye mu murenge wa Muzo ho mu karere ka Gakenke

Uyu mwana w’umukobwa wapfuye yitwaga Umutoniwase Josiane, akaba yari afite imyaka 16 y’amavuko. Yari umunyeshuri ku ishuri ryisumbuye ry’urwunge rw’amashuri rwa Muzo riherereye mu murenge wa Muzo ho mu Karere ka Gakenke.

Bamwe mu banyeshuri n’abakozi b’iki kigo, bavuga ko uwo mwana yakubiswe n’umwarimu inkoni akagera ubwo apfa ariko ku rundi ruhande bamwe bagakeka ko uyu mwana w’umukobwa yari asanganywe uburwayi ari nabwo bushobora kuba bwateje uru rupfu rwe.

Uyu mwana witabye Imana ku mugoroba wo ku wa Gatatu tariki 7 Kamena 2017, bamwe mu banyeshuri baganiriye na RBA bavuze ko n’ubwo uyu mwarimu witwa Norbert asanzwe mu bihano abahanisha harimo kubakubita inshyi nyinshi, ngo nyakwigendera we ntibigeze bahamya ko ariwe wamukubise kugeza ubwo apfa.

Uhagarariye abarimu muri iki kigo witwa Karera Jean Baptiste, yavuze ko batakwemeza koko niba uyu mwana yarazize urupfu rw’inkoni yakubiswe n’uyu mwarimu nk’uko bamwe babivuga dore ko n’uyu mwana yari asanzwe afite ubundi burwayi burimo n’inkurikizi zo kuba yarigeze kugongwa n’imodoka.

Karera Jean Baptiste ati:"Abaturage bose bavugaga ko ari umwarimu witwa Norbert wamukubise ariko twe ntabwo twabihamya cyane ko uyu mwana yari asanzwe afite ubundi burwayi ndetse n’abanyeshuri biganaga na nyakwigendera kugeza ubu ntacyo babivuzeho kuko batemera koko ko uyu mwarimu yamukubise”

Ubuyobozi bw’umurenge wa Muzo nabwo bukimara kumva aya makuru y’urupfu rw’uyu munyeshuri bwihutiye kujya kwihanganisha umuryango wa nyakwigendera. Kuri ubu uyu mwarimu witwa Norbert ukekwaho urupfu rw’uyu mwana w’umukobwa, ari mu maboko ya Polisi aho arimo gukorwaho iperereza ndetse nk’uko ubuyobozi bwabivuze ngo hazisungwa n’ibizamini byavuye kwa muganga bigaragaza icyahitanye uwo mwana.


INKURU ZA :
Tanga Igitekerezo
Ibitekerezo 7
Emmy Kuya 19-06-2017

Hari Ahantu Abarimu Na Comite Y’ikigo Bagikoresha Inkoni Ariko Bajye Bamenya Ko Nihagira Ikivuka Nyuma Yo Gukubitwa Bazajya Babiryozwa.Ababyeyi B’uwo Mwana Bashatse Bavuga Ko Umwana Yishwe No Gukubitwa.Muzirikane Ko Umwana Wiga Guhagarara Iyo Ahagaze Hakagira Uwumukanga Ahita Yitura Hasi.Bishatse Kuvuga Ko Nubwo Yarwaye Uburwayi Bwe Bushobora Kuba Bwakanzwe N’inkoni Zakubitaga Ku Mubiriwe.Nk’abayobozi B’ikigo Cy’urwunge Rw’amashuri Rwa Nyagatare Bagikubita Umuntu Noneho Anaryamye,hagize Ikivuka Batangira Guhimba Himba Indwara Umunyeshuri Yararwaye.Rwose Icyo Tubisabira Nuko Mwajya Mubatubwirira Bagahindura Bakamenya Ko N’inka Zitagikubitwa.Murakoze!Am A Student Of Gs Nyagatare In S6 LKK.

Ntibyoroshye!!! Kuya 15-06-2017

Mureke hakorwe iperereza jye ndi muri secondaire umwana twiganaga twicaranye yanaze ijosi turebye biratuyobera prof ahita atugeraho ati arapfuye ntawe umukoze.Gusa Imana yakire nyakwigendera mu bayo.

lg Kuya 15-06-2017

mbere yo kuvuga mujye mwitonda mureke guca imanza umwalimu su musazi ngo akubite umwana kugeza apfa agashyi a gati mwarimu, yakoresha ntaho gahuriye nuko nuwamubyaye amuhana mureke iperereza rirebe ndetse ntibibagirwe no kureba ibyiyo, mpanuka yagize umwana arapfa, ngo mwarimu nomubavuze, nta wavuze ko abahanisha igiti, ngo nagashyi, amagambo yarenze abantu umwana yarasanzwe arwaye, abamurera, barabivuga huye umwana yitabye, ngo umubikira * ababyeyi bati yakuranye ikibazo abaca imanza ntimurusha ababyeyi kumenya nogukunda, abana babo mwarimu ararengana"

Biramahire Didace Kuya 15-06-2017

Nibabikurikirane barebe gitera w’urwo rupfu uwo mwarimu hari igihe yaba arengana. Gusa namwe barimu mujye mukoresha igihano cyo Ku mubiri. Counselling can be better!

Joyeuse Kuya 15-06-2017

Uwo se ni umwalimu ko ari inkoramahano. No kubwa Habyara ntabwo abanyeshuri ba Ecole secondaire bakubitwaga none uwo ngo aracyagira ate? Muri iki gihe kweli? N’ubwo yaba yarasanganywe uburwayi warangiza ukamuhahamuza inkoni agapfa none se uba utamuhuhuye? bagufunge wakoze nabi hoshiii

KANYARWANDA Kuya 15-06-2017

Ariko uyu ntabwo ari umwarimu niba ari nawe ntabwo yigeze akora itorero kuko nta ndangagaciro afite muriwe

Jack Kuya 15-06-2017

RIP Imwana imwakire mubayo n’uwo mwarimu w’inkoramahano akurikiranwe

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...