konka coffee
KONKA

AMAKURU

UKWEZI

Gatsata: Impanuka yishe umuntu inateza umubyigano, umushoferi yambikwa amapingu

Gatsata: Impanuka yishe umuntu inateza umubyigano, umushoferi yambikwa amapingu
2-08-2016 saa 16:08' | By Chief Editor | Yasomwe n'abantu 5564 | Ibitekerezo 1

Ikamyo yagonze umunyonzi ahita apfa, inateza umubyigano w’imodoka wamaze amasaha menshi kubera gufunga umuhanda, naho uwari uyitwaye we yahise yambikwa amapingu. Iyi mpanuka yabereye ku kiraro cy’ahazwi nko kwa Mirimo, kiva muri Nyabugogo cyambuka mu Gatsata.

Ubwo Ikinyamakuru Ukwezi.com cyageraga ahabereye iyi mpanuka, cyasanze hari umubyigano ukabije w’imodoka zavaga muri Nyabugogo zerekeza mu Gatsata kimwe n’izavaga mu Gatsata zijya muri Nyabugogo, uyu muvundo ukaba wanamaze amasaha menshi.

Nk’uko byemejwe n’umuvugizi w’ishami rya Polisi y’u Rwanda rishinzwe umutekano wo mu muhanda, CIP Emmanuel Kabanda, mu kiganiro yagiranye n’ikinyamakuru Ukwezi.com, iyi mpanuka yabaye saa munani n’iminota 40 ariko byarinze bigera mu masaha ya saa kumi n’ebyiri hakiri umuvundo w’imodoka, gutambuka byabaye ingorabahizi.

Umubyigano w’imodoka wamaze amasaha menshi

CIP Kabanda yavuze ko ari ikamyo ya Mercedes Benz ifite ibirango (plaque) RAA 369 F yari itwawe na Ntawiheba Jean Pierre, yagonze umunyonzi witwa SAFARI agahita apfa. Avuga ko iperereza ryatangiye ngo hamenyekane icyateye impanuka, ndetse ubwo umunyamakuru yageraga ahabereye impanuka yabonye Ntawiheba yambitswe amapingu.


INKURU ZA :
Tanga Igitekerezo
Ibitekerezo 1
Hervus Kuya 3-08-2016

major wa burera mumubwire ko imiyoboro itabarwa muli km carre ni km gusa cg m lineaire

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...