konka coffee
KONKA

AMAKURU

UKWEZI

Gatsibo: Abasirikare barashe umuturage arapfa abandi barenga 40 bakwira imishwaro

Gatsibo: Abasirikare barashe umuturage arapfa abandi barenga 40 bakwira imishwaro
14-08-2017 saa 19:27' | By Chief Editor | Yasomwe n'abantu 18748 | Ibitekerezo 3

Mu masaha y’ijoro rishyira kuri uyu wa Mbere tariki 14 Kanama 2017, i Gabiro mu karere ka Gatsibo mu Burasirazuba bw’u Rwanda, mu busitani bw’ikigo cya gisirikare, humvikanye urusaku rw’amasasu. Ni abasirikare b’ingabo z’u Rwanda bari barashe umuturage arapfa, mugenzi we atabwa muri yombi mu gihe abandi bakwiriye imishwaro bakiruka bo barenga 40.

Gasana Richard, umuyobozi w’akarere ka Gatsibo, yatangarije ikinyamakuru Ukwezi.com ko hari abaturage barenga 40 bagiye kwiba amabuye y’agaciro mu busitani bw’ikigo cya gisirikare i Gabiro, bakaza gufatwa n’abasirikare bari ku burinzi bwa ninjoro, abenshi muri bo bumvise abasirikare bariruka mu gihe babiri basigaye mu kirombe.

Uyu muyobozi yakomeje adutangariza ko muri abo babiri, bombi bari bafite imihoro, umwe yashatse kurwanya umusirikare ashaka kumutema, abandi basirikare bagahita bamurasa agapfa. Mugenzi we abasirikare babashije kumufata bamwambura umuhoro, ubu akaba afunzwe mu gihe iperereza rikomeje.

Uyu muyobozi w’akarere avuga ko bahora bakangurira abaturage kwirinda gukora ubucukuzi bunyuranyije n’amategeko, by’umwuhariko bakaba banabakangurira kenshi kwirinda kujya mu busitani bw’ikigo cya gisirikare cya Gabiro kuko icyo kigo kiberamo ibikorwa bya gisirikare bitandukanye, kuburyo abajyamo batabiherewe uburenganzira bashobora kuhahurira n’ibibazo.

Umuvugizi w’agateganyo w’Ingabo z’u Rwanda, Brig Gen Safari Ferdinand, nawe yemeje iby’aya makuru mu kiganiro yagiranye n’ikinyamakuru Ukwezi.com. Yadutangarije ko ku gice cy’ikigo cya gisirikare cya Gabiro kiri ahitwa Rwimbogo, bahashyize uburinzi mu rwego rwo kurinda iki kigo ari nako barwanya abangiza ibidukikije bakora ubucukuzi bw’amabuye y’agaciro butemewe n’amategeko.

JPEG - 108.5 kb

Umuvugizi w’Ingabo z’u Rwanda, Brig Gen Safari Ferdinand

Brig Gen Safari yabwiye Ukwezi.com ko ntako batagize bihanangiriza aba baturage ariko bamwe muri bo bakaba batumva, kugeza n’aho batinyuka gushaka kurwanya abasirikare baba barinze ubu butaka bashaka gucukuramo amabuye y’agaciro. Yemeje ko ubu umwe mu bafashwe agifitwe n’inzego za gisirikare, iperereza rikaba rikomeje ngo n’abari kumwe nawe bafatwe bashyikirizwe inzego z’ubutabera babihanirwe.


INKURU ZA :
Tanga Igitekerezo
Ibitekerezo 3
Nshimiyimana Ange Gabriel Kuya 20-09-2017

ndabubaha.

mm Kuya 14-08-2017

Sorry

mm Kuya 14-08-2017

Sorry

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...