konka coffee
KONKA

AMAKURU

UKWEZI

Gatsibo: Umugabo afunzwe azira kwica umugore we bapfa gushinjanya ubusambanyi

Gatsibo: Umugabo afunzwe azira kwica umugore we bapfa gushinjanya ubusambanyi
14-06-2017 saa 10:57' | By Vincent Nsengiyumva | Yasomwe n'abantu 3325 | Ibitekerezo 3

Umugabo witwa Buregeya Jean de Dieu wo mu Murenge wa Ngarama mu Karere ka Gatsibo yishe umugore we mu ijoro ryo ku wa mbere tariki ya 12 Kamena 2017 , umurambo awusiga iruhande rw’urugo rwabo yigira munzu araryama. Uyu mugabo ashinjwa kwica umugore we witwa Kangeyo Solange nyuma yo kugirana amakimbirane yatewe no gushinjanya gucana inyuma.

IP Jean Bosco Dusabe wasigariye umuvugizi wa Polisi mu Ntara y’Uburasirazuba uri mu kiruhuko, yatangarije Ukwezi.com ko uyu mugabo yishe umugore we amukubise ikibando hanyuma umurambo we awusiga hanze yigira munzu araryama.

Yagize ati “Ni byo koko byarabaye tariki ya 12, byamenyekanye mu gitondo cyo kuri uyu wa Kabiri tariki 13 Kamena. umurambo twawusanze impande y’urugo rwabo.”

IP Bosco yakomeje avuga ko batangiye gukimbirana ubwo bari mu kabari saa tatu z’ijoro, ubwo bashinjanyaga gucana inyuma abari muri ako kabari bakabakiza hanyuma baza gutaha maze umugabo aza kwica umugore we bageze hafi y’urugo rwabo.

IP Bosco Dusabe ati “Muri uwo mugoroba bari batonganiye mu kabari nka saa tatu z’ijoro barabakiza, ababakijije batekereje ko birangiye, hanyuma barataha bageze hafi y’urugo rwabo bongera gutongana, umugabo afata ikibando amukubita ku musaya, umugore agwa ahongaho, umugabo ahita yigira kuryama.”

Yakomeje avuga ko uyu mugabo yahise atabwa muri yombi akaba afungiye kuri Sitasiyo ya Polisi ya Ngarama mu gihe iperereza rigikomeje. Buregeya Jean de Dieu na nyakwigendera Kangeyo Solange bari bafitanye abana babiri, umuto akaba yari afite imyaka 2.


INKURU ZA :
Tanga Igitekerezo
Ibitekerezo 3
Tuyisenge Obi Michael Kuya 19-06-2017

Ahaa!Ndabona Gatsibo barateye intambwe mu bwicanyi!Isi iri ku musozo,imbabazi z’Imana ziri kuva ku bantu!Ni yo mpamvu y’ibi byose mu bona,cyane cyane byiganje iGatsibo!

sage Kuya 15-06-2017

niba aribyo mana senya isi ureme indi

Ishimwe Denyse Kuya 15-06-2017

Iman Ifashe Abobana Basigaye Gusa Ubugome Busigaye Buriho Burakabijepe

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...