konka coffee
KONKA

AMAKURU

UKWEZI

Gicumbi: Umugabo yishwe akaswe ijosi banamukuramo amara

Gicumbi: Umugabo yishwe akaswe ijosi banamukuramo amara
12-07-2017 saa 14:46' | By Chief Editor | Yasomwe n'abantu 6602 | Ibitekerezo 4

Mu masaha y’urukerera rwo kuri uyu wa Gatatu tariki 12 Nyakanga 2017, umugabo witwa Musengamana Faustin yishwe akaswe ijosi n’abagizi ba nabi ndetse abaturage bavuga ko basanze yanakaswe mu nda agakurwamo amara n’izindi nyama zo mu nda, Polisi yo ikavuga ko kugeza ubu abantu batanu batawe muri yombi bakurikiranyweho kumwivugana.

Ibi byabereye mu murenge wa Kageyo mu karere ka Gicumbi mu Majyaruguru y’u Rwanda, abaturage bo muri aka gace baganiriye n’ikinyamakuru Ukwezi.com bakaba badutangarije ko yishwe nabi n’umurambo we ugashinyagurirwa.

ACP Theos Badege, umuvugizi wa Polisi y’u Rwanda, nawe mu kiganiro yagiranye n’ikinyamakuru Ukwezi.com yahamije iby’amakuru y’ubwo bwicanyi, anavuga ko kugeza ubu abantu batanu batawe muri yombi bakaba bafungiwe kuri sitasiyo ya Polisi ya Byumba, bakurikiranyweho uruhare muri ubwo bwicanyi.

Kugeza ubu umurambo wa nyakwigendera wajyanywe mu bitaro bya Byumba biherereye muri aka karere ka Gicumbi, mu gihe iperereza rigikomeje ngo hamenyekane andi makuru ajyanye n’ubu bwicanyi.


Tanga Igitekerezo
Ibitekerezo 4
Perpetue Kuya 18-07-2017

Turifuzako ubutabera bukore akazi kabwo neza
Abakoze ibyo bazanwe ahabereye icyaha kugirango
Nabatekereza nkabo bigire isomo bibasigira
Umuryango wanyakwijyendera ukomeze kwihangana

MUKANDAYISENGA Françoise Kuya 13-07-2017

Iyi nkuru irababaje pe! Aho umuntu yicwa nk’inyamaswa koko? Police nikurikirane abo bagizi ba nabi bahanwe byintangarugero.

rutikanga Kuya 13-07-2017

Turasaba ko ubutabera buzubahirizwa izo nkoramaraso zikaryozwa ibyo zakoze. ntidushidikanya ko polisi itazabura kugaragaza ukuru kuko ari akazi kayo kaburimunsi. Tunifurije umuryango wa nyakwigendera gukomeza kwihangana.

gruec Kuya 12-07-2017

Mu Rwanda naho hageze system yo kwica abantu, bagatwara les organes, mbabwire aha rero imperuka ya buri wese iregereje kuko nibintu birenze kure na drogue. Mana tabara u Rwanda

IGURIRE
Reba Ibindi Byinshi
FPR Kagame 2
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
IBIRORI
Ibitekerezo
IZINDI NKURU WASOMA