konka coffee
KONKA

AMAKURU

UKWEZI

Gicumbi: Umukuru w’Umudugudu yiciwe mu kabari akubiswe umuhini mu mutwe

Gicumbi: Umukuru w’Umudugudu yiciwe mu kabari akubiswe umuhini mu mutwe
29-08-2017 saa 11:54' | By Vincent Nsengiyumva | Yasomwe n'abantu 4866 | Ibitekerezo 1

Umugabo witwa Katurebe Gaspard wayoboraga Umududugu mu Kagari ka Bukura mu Murenge wa Kaniga mu Karere ka Gicumbi, yakubiswe igiti mu mutwe n’uwitwa Hagenimana basangiraga inzoga mu kabari maze ahita yitaba Imana.

Ibi byabaye mu ijoro ryo kuri uyu wa Mbere tariki ya 28 Kanama 2017, mu masaha ya saa tatu ubwo aba bagabo bombi bari mu kabari basangira bisanzwe dore ko aka kabari kari ak’uyu muyobozi w’umudugudu, Katurebe Gaspard .

Umuvugizi wa Polisi mu Ntara y’Amajyaruguru, IP Innocent Gasasira yatangarije ikinyamakuru Ukwezi.com iby’iyi nkuru maze anemeza ko uyu muyobozi w’umudugudu yishwe akubiswe igiti mu mutwe ubwo yagiranaga amakimbirane n’uwamwivuganye, yaterwaga n’uko uyu muyobozi yahanaga yihanukiriye abana yari azaniwe bivugwa ko bafashwe biba ubuki.

Yagize ati "Nibyo koko umuyobozi w’Umudugudu witwa Katurebe Gaspard mu kagari ka Rukura murenge wa Kaniga muri Gicumbi wari ufite akabari k’ikigage yari muri aka kabari ke, hanyuma abanyerondo bazana abana 2 bari bibye ubuki, noneho kwa kundi umubyeyi acyaha abana atangiye kubakubita, umugabo wanyweraga muri ako kabari witwa Hagenimana atangira kubwira nabi uyu mukuru w’umudugudu maze baratongana, hanyuma uyu mugabo ajya hanze azana umwase awukubita uyu mukuru w’umudugudu mu mutwe ahita apfa."

IP Innocent Gasasira yakomeje avuga ko uwo mukuru w’umudugudu akimara gushiramo umwuka bahise bamujyana ku bitaro bya Byumba kugirango umurambo usuzumwe maze abaganga bazemeze ibijyanye n’urupfu rwe maze bizafashe ubushinjacyaha.

Uyu Hagenimana ukekwaho gukubita uyu muyobozi bikamuviramo urupfu, yahise atabwa muri yombi ajyanwa gufungirwa kuri sitasiyo ya Polisi ya Kaniga mu gihe iperereza rigikorwa ngo hamenyekane niba nta kindi kihishe inyuma yabyo,

Biteganyijwe ko uyu Hagenimana nahamwa n’icyaha azahanishwa igifungo cya burundu nk’uko biteganywa n’ingingo ya 140 yo mu gitabo cy’amategeko ahana y’u Rwanda.


INKURU ZA :
Tanga Igitekerezo
Ibitekerezo 1
MUKANDAYISENGA Francoise Kuya 29-08-2017

Yebabawe birababaje rwose. Uwo mugabo yahohoteye umukuru w’umudugudu rwose kuko guhana abana nibyiza kuko bituma basubira ku murongo. Uwo mugabo nahamwa n’icyaha akurikiranwe n’ubutabera kuko yahemutse rwose. Uwo mukuru w’umudugudu Imana imwakire kandi umuryango we wihangane.

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...