konka coffee
KONKA

AMAKURU

UKWEZI

Gisenyi: Gitifu arashinjwa kwiga imodoka ninjoro mu ngo z’abaturage akanagonga

Gisenyi: Gitifu arashinjwa kwiga imodoka ninjoro mu ngo z’abaturage  akanagonga
3-07-2017 saa 11:00' | By Mukwaya Olivier | Yasomwe n'abantu 10401 | Ibitekerezo 11

Umunyamabanga Nshingwabikorwa w’umurenge wa Gisenyi, Uwimana Vedaste, aratungwa agatoki n’abaturage bamushinja kwigira imodoka mu ngo z’abaturage mu masaha ya ninjoro, bikaba ari nabyo byavuyemo kugonga igipangu cy’umuturage.

Mu ijoro ryo kuwa 1 Nyakanga 2017 ahagara mu masaha ya saa mbiri z’ijoro nibwo gitifu w’umurenge wa Gisenyi mu karere ka Rubavu yari atwaye imodoka nto, mu kagari ka Nengo, imodoka iramunanira imusubirana inyuma igonga igipangu cy’umuturage kirahirima.

Abaturage bari bahari ubwo impanuka yamaraga kuba n’ubwoba bwinshi bagaragaje ko bahangayikishijwe n’iki kibazo cyane ko nabo yari abahitanye ndetse bemeza ko gitifu yari arimo yiga imodoka ndetse ngo nta ruhushya rwo gutwara ikinyabiziga agira, bityo bakavuga ko n’ubwo ibyabaye ari impanuka, gitifu yabaye nyirabayazana kandi mu gihe yakomeza kwigira imodoka ahatabigenewe cyangwa agakomeza gutwara imodoka atayizi, ashobora kuzangiza byinshi akaba yanahitana ubuzima bw’abantu.

Nizeyimana Tadeyo ni umuturage wabonye iyi mpanuka iba, we avuga ko imodoka yamuzimanye igasubira inyuma yabona agiye kugonga umumotari agahita ayiganisha ku gipangu cy’umuturage. Aragira ati”Yageze hariya hazamuka iramuzimana isubira inyuma iri kwirukanka, ni uko arayikata adashaka kugonga abamotari ayerekeza ku rupangu rw’umuturage”

Bahimba Jean Pierre, nyiri igipangu cyagonzwe yagize ati:”Yangongeye igipangu agomba kucyubakisha kuko sinjye wahomba, akimara kubikora nahamagawe n’abandi baturage sinari hafi ariko nashatse uko muhamagara twumvikana ko agomba kucyubaka.”

Uwimana Vedaste, gitifu w’umurenge wa Gisenyi, yemeza ko iyi mpanuka yabaye gusa akavuga ko ari ibisanzwe kuba umuntu yagonga. Aragira ati:”Njye imodoka yananiwe isubira inyuma sinzi ikibazo yagize ubu iri mu igaraje bari kuyikora, ibyo abaturage banshinja byo kwiga imodoka mu masaha y’ijoro ntabwo aribyo nari ngiye kuri sitasiyo ya essence, ibindi bavuga ni amagambo y’abaturage.”

Uwimana Vedaste ni umwe mu banyamabanga Nshingwabikorwa baherutse gushyirwaho nyuma y’impinduka zabaye ubwo abanyamabanga nshingwabikorwa b’imirenge itandukanye beguraga ku bushake bwabo mu karere ka Rubavu.


INKURU ZA :
Tanga Igitekerezo
Ibitekerezo 11
Uwacoco Kuya 22-07-2017

Ese kuki mushigikira amafuti? Nonese agiye kwigira aho bigishiriza byaba bibi? Nonese kuba atagonze umuntu nibyo bivuze ko ayizi? Mujye mushira mugaciro muri bakuru

kamabera Kuya 13-07-2017

Ayo ni amashyari bamufitiye ,azabasanire birangirire.aho,yaba atayizi akamenya gukwepa kugonga umuntu!!!!!!!!!

Bagaragaza Eric Kuya 5-07-2017

Gewe mbona ari ibisanzwe impanuka ntiteguzwa mwese muvuga Ibyo ntawe umenya imodoka atayize

Bagaragaza Eric Kuya 5-07-2017

Gewe mbona ari ibisanzwe impanuka ntiteguzwa mwese muvuga Ibyo ntawe umenya imodoka atayize

Bagaragaza Eric Kuya 5-07-2017

Gewe mbona ari ibisanzwe impanuka ntiteguzwa mwese muvuga Ibyo ntawe umenya imodoka atayize

Reagan Kuya 4-07-2017

Mujye mumbabarira ubwose, nutariwe byamubaho, nukuvugako abakora impanuka Bose baba biga bayiga c? niba atakomeretse Imana ishimwe naho ibyangiritse bizasanwa.

c Kuya 4-07-2017

Ibintu ni bibiri:
1. Kuba Gitifu yarakwepye uwo mu motari, arayizi, jye muhaye amanota.
2. Abanyarwanda baragoye ku buryo na we uri Umuyobozi, byaba byiza wize imodoka nijoro cg ukajya kuyigira ahandi batakuzi.

Salomon Kuya 4-07-2017

Gitif ararengana ntawe umenya gutwara atize iryo ntabwo arikosa rihanirwa gusa asane ahangiritse abirirwa batera abangavu inda komutabashyira kumbuga wasanga nawe mumweguje kandi abayoboye neza

Junior steven Kuya 3-07-2017

Nukuri uyumusore afungwepe yakoze ibitaribyo nagato murakoze

Junior steven Kuya 3-07-2017

Nukuri uyumusore afungwepe yakoze ibitaribyo nagato murakoze

alfa Kuya 3-07-2017

Ariko ko numva mwibasiye gitifu si umuyobozi wanyu? Kiriya gipangu se buriya cyajyaho 200000 Fr. Ikosa jye nta ryo mbona. Kwiga imodoka se ni nde utayiga? Utarayimenya se ntiyamukorana ibyo ishaka? Cg na we murashaka kumweguza. Hari abakora ibirenze ibyo kandi mutanandika. Byari kuba bibi wenda iyo agonga umuntu naho ibindi murimo ni amagambo.

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...