konka coffee
KONKA

AMAKURU

UKWEZI

Hasobanuwe iby’uwishwe n’inkura muri Pariki y’Akagera n’ubumenyi yari afite (Amafoto)

Hasobanuwe iby’uwishwe n’inkura muri Pariki y’Akagera n’ubumenyi yari afite (Amafoto)
8-06-2017 saa 14:58' | By Chief Editor | Yasomwe n'abantu 20251 | Ibitekerezo 6

Kuri uyu wa Gatatu tariki 7 Kamena 2017, nibwo hamenyekanye inkuru y’urupfu rw’umuzungu wishwe n’imwe mu nyamaswa ziherutse kuzanwa mu Rwanda zizwi nk’Inkura z’umukara (Black rhinoceros). Ubuyobozi bw’ikigo gishinzwe gucunga pariki y’Akagera, bwasobanuye iby’urupfu rwe, uwo yari we n’ubumenyi budasanzwe yari afite mu byo kubana n’izi nyamaswa.

Nk’uko byemejwe na Peter Fearnhead uyobora ikigo African Parks gishinzwe gucunga no kugenzura Pariki y’Akagera gifatanyije n’Ikigo cy’igihugu cy’Iterambere RDB ari nacyo gifite ibijyanye n’ubukerarugendo mu nshingano zacyo, uyu muzungu wishwe n’inkura yitwaga Krisztián Gyöngyi, inyamaswa yamwishe ikaba yaramwivuganye mu masaha ya mu gitondo cyo kuri uyu wa Gatatu ikoresheje ihembe yamuteye mu nda agahita ashiramo umwuka.

Peter Fearnhead avuga ko uyu muzungu yishwe n’inkura ubwo yari arimo kuzigenzura muri iyi Pariki y’Akagera. Avuga ko yari inzobere mu mibereho n’imiterere y’izi nyamaswa, akaba yari yazanywe mu Rwanda ngo atoze abandi bakoze ba Pariki y’Akagera uburyo bwo kugenzura no kurinda izi nyamaswa.

JPEG - 194.6 kb
JPEG - 410.4 kb

Uyu ni we wishwe n’inkura muri Pariki y’Akagera

Uyu muyobozi akomeza avuga ko Krisztián Gyöngyi yari inzobere mu miterere n’imibanire y’abantu n’izi nyamaswa z’inkura, akaba yarakoze imyaka irenga itanu muri Pariki y’igihugu cya Malawi yitwa Liwonde n’iyitwa Majete Wildlife Reserve aho yari ashinzwe gucunga, kurinda no kugenzura izi nyamaswa. Yize icyiciro cya gatatu cya Kaminuza ku bijyanye n’imiterere n’imibanire y’izi nyamaswa, ndetse kuva muri 2012 yari arimo gukora ubushakashatsi yenda kubona impamyabumenyi y’ikirenga PhD n’ubundi ku bijyanye no kubungabunga izi nyamaswa.

JPEG - 1.5 Mb
JPEG - 126.8 kb
JPEG - 116.8 kb
JPEG - 123.6 kb
JPEG - 134.4 kb

Uyu muzungu yari inzobere mu bijyanye n’imibereho y’izi nyamaswa ariko ku bw’impanuka imwe yamuhitanye. Aha yitaga ku zo muri Malawi

Krisztián Gyöngyi yakomokaga mu gihugu cy’u Busuwisi, akaba yasize umugore umwe n’umwana wabo muto w’umukobwa. Ubuyobozi bw’ikigo gicunga Pariki y’Akagera, bugaragaza ko urupfu rwe ari igihombo gikomeye ku bijyanye no kubungabunga izi nyamaswa zamwivuganye.

Muri uku kwezi gushize kwa Gicurasi, nibwo u Rwanda rwinjije inkura z’umukara 20 rwakuye muri Afurika y’Epfo zihita zishyirwa muri pariki y’Akagera nyuma y’uko hari hashize imyaka 10 izi nyamaswa zitabarizwa ku butaka bw’u Rwanda, dore ko izibarirwa muri 50 zabaga muri iyi pariki mu myaka y’1970 ba rushimusi bakaza kuzimara, iyanyuma ikaba iheruka kuhagaragara muri 2007.

Ubusanzwe inkura ni inyamaswa irisha ibyatsi kimwe n’imbogo, ariko ikaba inyamaswa y’inkazi ishobora kwica umuntu cyangwa izindi nyamaswa ikoresheje amahembe yayo.


INKURU ZA :
Tanga Igitekerezo
Ibitekerezo 6
Umutesi safina Kuya 26-07-2017

Izo nkura rwose muzirengere kuko zitagifite uzitaho

Ntarambirwa Kuya 16-06-2017

Twihanganishije umuryango w’uyu muzungu,kandi natwe ababishinzwe bakore vuba haboneke undi wita kuri ziriya nkura ntizihahungabanire.

Damascene Kuya 14-06-2017

Yoo! Tubabajwe n’urupfu Rwanda rw’uwo muzungu. Imana imwakire

nshimiyimana Noel Kuya 13-06-2017

RIP kuri uyu

Niyonzima valens Kuya 8-06-2017

uwomuzungu imana imwakiremubayo gusa duhuyenigihombo gikomeye cyane

-xxxx- Kuya 8-06-2017

Imana imwakire mu bayo kandi aruhukire mu mahoro

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...