konka coffee
KONKA

AMAKURU

UKWEZI

Igisirikare cy’u Rwanda cyasobanuye iby’iraswa n’iterwa ry’amagerenade ryabereye i Rusizi

Igisirikare cy’u Rwanda cyasobanuye iby’iraswa n’iterwa ry’amagerenade ryabereye i Rusizi
21-06-2017 saa 07:46' | By Chief Editor | Yasomwe n'abantu 17473 | Ibitekerezo 4

Mu masaha ya saa mbiri z’umugoroba wo kuri uyu wa Kabiri tariki 20 Kamena 2017, abantu bataramenyekana barashe banatera amagerenade ku baturage bari ku isanteri iri mu mudugudu wa Gihigano mu kagari ka Ryankana ho mu murenge wa Bugarama mu karere ka Rusizi, igisirikare cy’u Rwanda kikaba cyasobanuye ko mu bantu benshi barashwe, umwe yahasize ubuzima naho abandi umunani bakaba barimo gukurikiranwa n’abaganga nyuma yo gukomeretswa n’amasasu ndetse na gerenade.

Lt Col René Ngendahimana, umuvugizi w’igisirikare cy’ingabo z’u Rwanda, yatangarije ikinyamakuru Ukwezi.com ko mu masaha ya saa mbiri z’umugoroba, abantu bataramenyekana bateye gerenade ebyiri ku baturage bo mu gace kavuzwe haruguru ndetse bakanabarasa amasasu, umugore umwe w’imyaka 52 akaba yahise apfa mu gihe abandi bagera ku munani bakomeretse bakaba bakurikiranwa n’abaganga.

Lt Col René Ngendahimana avuga ko iperereza ryatangiye ngo hamenyekane ababa bihishe inyuma y’ubu bugizi bwa nabi. Aha byabereye, ni hafi y’ahaherutse kurasirwa abandi bantu batatu, babiri bagahita bapfa umwe agakomereka. Icyo gihe hari mu masaha y’urukerera rwo ku Cyumweru tariki 12 Werurwe 2017, ubwo abantu bitwaje intwaro binjiraga mu karere ka Rusizi bakagera mu murenge wa Bugarama mu kagari ka Ryankana mu mudugudu wa Kabuga, bakica abantu babiri babarashe hanyuma bagakomeretsa umuntu umwe.

Icyo gihe, Lt Col René Ngendahimana, umuvugizi w’igisirikare cy’ingabo z’u Rwanda, yavuze ko abo bantu bari bitwaje intwaro bahise bambuka bakajya mu gihugu cy’u Burundi, cyane ko n’ubusanzwe aho byabereye ari hafi y’umupaka w’u Rwanda n’u Burundi, nko mu kilometero kimwe gusa.

Ubu ariko, yatangarije ikinyamakuru Ukwezi.com ko atahita yemeza niba abateye izo gerenade bakanarasa abaturage n’ubundi baturutse i Burundi, ariko kuko ari hafi y’umukapa akavuga ko atanahamya ko atari ho baturutse, iperereza rikaba ari ryo rizagaragaza ukuri.


INKURU ZA :
Tanga Igitekerezo
Ibitekerezo 4
Niyibiruta Venuste Kuya 23-06-2017

Umva abo ntibagomba kudukoma mu nkokora.

SIBORUREMA Kuya 22-06-2017

NUBWO BIBAJE UNVA UTINDEGUSUBIZA

Turebeneza Kuya 21-06-2017

Arikorerero ikikibabaza kuko kabiri murugo rwumugabo nagasuzuguro.

Melance Kuya 21-06-2017

BIRABABAJE CANE! ARIKO ABO NABARUNDI

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
BAHO
INKURU ZIKUNZWE
Ibitekerezo
Loading...
IZINDI NKURU WASOMA
Loading...