konka coffee
KONKA

AMAKURU

UKWEZI

Ikoreshwa ry’imihanda yo mu mujyi wa Kigali ryahinduye isura kuri uyu wa Gatanu

Ikoreshwa ry’imihanda yo mu mujyi wa Kigali ryahinduye isura kuri uyu wa Gatanu
15-07-2016 saa 04:28' | By Chief Editor | Yasomwe n'abantu 4070 | Ibitekerezo 2

Polisi y’u Rwanda n’Umujyi wa Kigali biramenyesha abaturwanda ko umuhanda uturuka i Kanombe ukomeza mu Giporoso-Gisementi-Gishushu-Kimihurura kugera mu Mujyi rwagati uza gukoreshwa cyane kuri uyu wa Gatanu tariki 15 Nyakanga bitewe n’Inama ya Afurika Yunze Ubumwe ya 27 ibera i Kigali.

Ni ku bw’iyo mpamvu abatwara ibinyabiziga bagirwa inama yo gukoresha imihanda ikurikira: Kanombe – Nyandungu - Kigali Parents - Kimironko / Mushumba Mwiza – Rwahama –Kibagabaga – Gacuriro – UTEXRWA - Kinamba ugakomeza werekeza mu Mujyi rwagati , Nyabugogo cyangwa Poids Lourd - Gikondo.

Bashobora nanone gukoresha imihanda Kanombe – Busanza – Kabeza – Niboye –Sonatube – Rwandex – Kanogo - bakerekeza i Nyamirambo, mu Mujyi rwagati cyangwa Kinamba - Kacyiru.
 
Iyi nama itanzwe igamije kugabanya umubare munini w’ibinyabiziga bisanzwe bikoresha umuhanda wavuzwe haruguru.

Abapolisi bazaba bari ku mihanda kugira ngo bayobore abayikoresha. 

Mu rwego rwo kunoza no koroshya urujya n’uruza, abakoresha imihanda barakomeza kumenyeshwa impinduka ku mikoreshereze yayo nk’uko byemejwe n’umuvugizi wa Polisi y’u Rwanda, ACP Celestin Twahirwa, abinyujije ku rubuga rwa Polisi y’igihugu.

Ukeneye kumenya amakuru arambuye yahamagara umurongo wa telefone utishyurwa ari wo 118 akoresheje imirongo yose y’itumanaho ikoreshwa mu Rwanda cyangwa agasura urubuga nkoranyambaga rwa Twitter - RW Traffic Updates (@RWTrafficUpdates).


Tanga Igitekerezo
Ibitekerezo 2
samuel Kuya 18-07-2016

Arikose nabayobozi basigaye bagenda nabi? Kugonga abanyeshuri noneho abasirike nukuntu tuzi ko bitwara neza? Birakaze.

Tony Kuya 15-07-2016

Byari kuba byiza iyo iyi nkuru muyitangaza nkejo hashize,abantu bakarara babizi,benshi gahund zumunsi ukurikiyeho tuba twaziraranye gusa nabwo murakoze

IGURIRE
Reba Ibindi Byinshi
FPR Kagame 2
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
IBIRORI
Ibitekerezo
IZINDI NKURU WASOMA