konka coffee
KONKA

AMAKURU

UKWEZI

Imodoka ya gisirikare yahitanye abantu 5, iba iya 4 mu mezi 3 ikozwe n’imodoka ya RDF

Imodoka ya gisirikare yahitanye abantu 5, iba iya 4 mu mezi 3 ikozwe n’imodoka ya RDF
18-09-2016 saa 19:16' | By Chief Editor | Yasomwe n'abantu 12263 | Ibitekerezo 5

Iyi foto igaragaza imodoka ya gisirikare yaherukaga gukora impanuka igahitana umuntu

Kuri uyu wa Gatandatu tariki 17 Nzeri 2016, imodoka y’igisirikare cy’u Rwanda yakoze impanuka yahitanye abantu batanu abandi barakomereka, iyi ikaba ibaye impanuka ya kane mu mezi asaga atatu ashize, ikozwe n’imodoka za gisirikare igahitana ubuzima bw’abantu.

Amakuru ikinyamakuru Ukwezi.com cyatangarijwe n’umuvugizi w’ishami rya Polisi rishinzwe umutekano mu muhanda, CIP Emmanuel Kabanda, ashimangira ko kuri uyu wa Gatandatu tariki 17 Nzeri 2016, imodoka ya gisirikare yakoreye impanuka mu karere ka Ruhango igahitana ubuzima bw’abantu batanu abandi bagakomereka.

CIP Kabanda ati: "Tariki 17/9/2016 Saa munani n’imonota 20 z’amanywa, mu karere Ruhango mu murenge wa Byimana mu kagari ka Muhororo mu mudugudu wa Rukoro, habereye impanuka y’imodoka ya Toyota Hilux RDF 167 P yavaga i Nyanza yerekeza Kigali, imodoka irenga umuhanda igonga abantu 8 bane muri bo bahita bapfa, abakomeretse bageze ku bitaro hapfa undi umwe. Abakomeretse bakiri kwa muganga ni 3. Iperereza ryatangiye ngo hamenyekane icyateye impanuka."

Iyi mpanuka ije isanga izindi eshatu ziherutse kuba mu mezi macye ashize zikozwe n’imodoka zifite ibirangi by’igisirikare cy’u Rwanda, kandi izi mpanuka zose zihitana abantu.

Mu ijoro rya tariki 1 Kamena 2016, imodoka y’ivatiri ya gisirikare yakoreye impanuka mu karere ka Rulindo, ihitana abagore babiri bari baturutse muri Malawi, bakaba barerekezaga mu kigo cya gisirikare cya Nyakinama aho bari bagiye gusura abagabo babo barimo kuhakorera amahugurwa.

Ku mugoroba wo kuwa Gatanu tariki 15 Nyakanga 2016, nabwo mu karere ka Rulindo habereye impanuka y’imodoka y’ikamyo ifite ibirango by’igisirikare cy’u Rwanda, yagonze abana batatu b’abanyeshuri, babiri bagapfa undi umwe agakomereka.

Mu masaha ya mu gitondo cyo kuwa Gatatu tariki 27 Nyakanga 2016, mu mujyi wa Kigali mu gace kazwi nko mu Kanogo nabwo habereye impanuka y’ikamyo ifite ibirango by’igisirikare cy’u Rwanda yagonze umuntu agahita apfa.

Iyi kamyo itwara amazi ifite ibirango RDF 192 P yavaga Rwandex yerekeza ku Kimisagara, yagiye kwinjira muri Rond Poind yo mu Kanogo irenga umuhanda igonga umunyamaguru witwa Niyonkuru Yves w’imyaka 29 ahita apfa.


Tanga Igitekerezo
Ibitekerezo 5
Bisimana Kuya 20-09-2016

Ko mbona baba bitonze mu muhanda ra? Ni impanuka gusa nk’izisanzwe

-xxxx- Kuya 20-09-2016

Who gave them driving lisence

ramba Kuya 19-09-2016

bwakeye, impanuka zose nikimwe kandi nabasirikare nabo nabantu nkabandi bose. Naho ubundi barageregeza izo zose zirirwa ziba inshuro ziba nizingahe??

ramba Kuya 19-09-2016

bwakeye, impanuka zose nikimwe kandi nabasirikare nabo nabantu nkabandi bose. Naho ubundi barageregeza izo zose zirirwa ziba inshuro ziba nizingahe??

IQ 160 Kuya 18-09-2016

ils se croient tout permis abasoda babigishe gutwara bubahiriza amategeko y’umuhanda kuko bazamara abantu baba bigize ba chuck norris mu mihanda ...

IGURIRE
Reba Ibindi Byinshi
FPR Kagame 2
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
IBIRORI
Ibitekerezo
IZINDI NKURU WASOMA