konka coffee
KONKA

AMAKURU

UKWEZI

Imwe mu nyamaswa ziherutse kuzanwa mu Rwanda yishe umuzungu watozaga abazicunga

Imwe mu nyamaswa ziherutse kuzanwa mu Rwanda yishe umuzungu watozaga abazicunga
7-06-2017 saa 22:59' | By Chief Editor | Yasomwe n'abantu 16166 | Ibitekerezo 3

Mu ntangiriro z’ukwezi gushize kwa Gicurasi, nibwo Inkura z’Umukara (Rhinos) zagejejwe muri Pariki y’Igihugu y’Akagera nyuma y’uko zahaherukaga mu myaka isaga 10 ishize, gusa inkuru ibabaje ni uko imwe muri izi nyamaswa yishe umuzungu watozaga abarinda inyamaswa zo muri iyi Pariki.

Abaturage baturiye Pariki y’Akagera, babwiye ikinyamakuru Ukwezi.com ko uyu muzungu ari mu ikipe yazanye n’izi nkura z’umukara mu kwezi gushize, agatangira gutoza abandi kugirango bazasigare bazi uko bazicunga muri iyi pariki.

Mu masaha y’amanywa yo kuri uyu wa Gatatu, nibwo inkura y’umukara yateye ihembe uwo muzungu ahita apfa, amakuru yizewe agera ku kinyamakuru Ukwezi.com akaba ashimangira ko umurambo wahise ujyanwa mu bitaro byitiriwe umwami Faisal ku Kacyiru mu mujyi wa Kigali, mu gihe hagitegerejwe ko uwo murambo uzoherezwa mu gihugu cya nyakwigendera.

Muri uku kwezi gushize kwa Gicurasi, nibwo u Rwanda rwinjije inkura z’umukara 20 rwakuye muri Afurika y’Epfo zihita zishyirwa muri pariki y’Akagera nyuma y’uko hari hashize imyaka 10 izi nyamaswa zitabarizwa ku butaka bw’u Rwanda, dore ko izibarirwa muri 50 zabaga muri iyi pariki mu myaka y’1970 ba rushimusi bakaza kuzimara, iyanyuma ikaba iheruka kuhagaragara muri 2007.

Ubusanzwe inkura ni inyamaswa irisha ibyatsi kimwe n’imbogo, ariko ikaba inyamaswa y’inkazi ishobora kwica umuntu cyangwa izindi nyamaswa ikoresheje amahembe yayo. Ibijyanye n’amazina y’uwishwe, igihugu akomokamo n’andi makuru turakomeza kubikurikirana.


INKURU ZA :
Tanga Igitekerezo
Ibitekerezo 3
Joanna Kuya 8-06-2017

Chris, imana ikwakire
Yar,umugabo mwiza ununda abantu ni nyamaswa.

alfa Kuya 8-06-2017

Risque du metier!

Mugarura Jackson Kuya 8-06-2017

Tumwifurije iruhuko ryiza uwo muzungu Imana ifashe umuryango we

IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...