konka coffee
KONKA

AMAKURU

UKWEZI

Ingona ya mbere yishwe irashwe muri Nyabarongo, hategerejwe icyemezo cya RDB - AMAFOTO

Ingona ya mbere yishwe irashwe muri Nyabarongo, hategerejwe icyemezo cya RDB - AMAFOTO
24-08-2017 saa 15:40' | By Chief Editor | Yasomwe n'abantu 26826 | Ibitekerezo 19

Mu masaha y’amanywa yo kuri uyu wa Kane tariki 24 Kanama 2017, ingona yishwe irashwe mu mugezi wa Nyabarongo ku gice giherera mu murenge wa Mageragere mu karere ka Nyarugenge, ikaba yishwe nyuma yo gufatwa mu mutego ikagaragaza amakare kuburyo yashoboraga no kugira abantu yica.

Nyuma y’uko mu minsi ishize ingona zariye abantu batatu mu byumweru bitarenze bitatu, Ingabo z’u Rwanda, Polisi y’igihugu n’abandi bafatanyabikorwa bafashe icyemezo cyo gutega zimwe muri izi ngona, iki gikorwa kikaba cyatangiye gutanga umusaruro kuko imwe muri zo yamaze gufatwa ndetse ikaza kuraswa nyuma yo kugaragaza amakare adasanzwe.

Ingona yafashwe ni nini, yari ifite ubukana budasanzwe

SP Emamanuel Hitayezu, Umuvugizi wa Polisi mu mujyi wa Kigali, yatangarije Ikinyamakuru Ukwezi.com ko iyi ngona yafashwe mu mutego hanyuma ikagaragaza amakare cyane kuburyo yashoboraga no kwica abandi bantu, inzego z’umutekano zishaka uburyo ziyica intege ndetse biza kuba ngombwa ko iraswa irapfa.

Nyuma yo kuyica abantu bayikiniyeho, hafi aha bari bafite n’amazi barayuhagira

SP Hitayezu, yabwiye Ikinyamakuru Ukwezi.com ko Polisi icyo ishaka ari uko umutekano w’abantu ucungwa neza, ikaba yiteguye gukora ibishoboka byose kugirango umutekano w’abantu utazahungabanywa n’ingona. Uyu muvugizi wa Polisi yavuze ko hategerejwe RDB nk’ikigo cy’iterambere mu Rwanda, kugirango bagire icyemezo bafata.

Hari n’inzego z’umutekano, aha barebaga amagi menshi ingona zateye mu kibaya cya Nyabarongo


INKURU ZA :
Tanga Igitekerezo
Ibitekerezo 19
Lievre Poli Kuya 25-08-2017

Muzice muzimare zo ga
shire murwa Gasabo,kdi leta itange amazi Ku baturage ?

Mbuzi Kandt Kuya 25-08-2017

Bavandimwe njye birambabaje sinzi impamvu, Kuba ingona yarishe abantu birababaje ndetse cyane, Imiryango yabo irababaje peee. Ariko kuba kubahoza ari ukwica ingona utanazi niba ariyo yabariye ndumva ataricyo gisubizo kirambye kubanyarwanda babuze ababo cg n’abandi baturiye umugezi wa Nyabarongo. Aha rero bagombaga kwicara bakareba igituma ingona zirya abantu, ese zibasanga murugo? Cg baba baje gushaka amazi n’imibereho? Ko abantu bambuka Nyabarongo mu bwato hari uwo yariye imukuye mu bwato? Irya abaje kuvoma nabandi baba bahiga amafi cg nibindi just bashaka ubuzima. Aha rero abaturage nibahabwe amazi, aho ziri hazitirwe, kandi habeho nibindi bikorwa byo kuzihindira ahandi hadatuwe cyane, nibinaba ngomwa mumazi horororwemo ibindi bikoko zizajya zirya apana abantu, then habeho na plan y’ukuntu zabyazwa umusaruro aho kuzica. Murakoze.

DANIEL TWIRINGIYUMUKIZA Kuya 25-08-2017

TETA URUTWA N’INGONA KOKO,UBWO UMUNTU IMANA YAREMYE IKORESHEJE AMABOKO YAYO MWISHUSHO YAYO,AGACUMURA IKAMUCUNGUZA AMARASO YA YESU, UMRUTISHIJE INGONA,N’UTAYISABA IMBABAZI MURIYIMINSI IZAGUSOBANURIRA UBURYO UMUNTU YAYIVUNNYE,KANDI WIRINDE GUHABWA UBUSOBANURO N’IMANA

Eco Kuya 25-08-2017

Bavandimwe reka duhugurane gato; Wari uziko umubare w’ibiremwa ibyo aribyo byose iyo ari mwinshi bikabije cg muke ahantu runaka, biteza ikibazo? Muribuka mu myaka ishize igihe imibu yabaga myinshi cyane mu majyepfo? Uzi ikibazo cy’inkwavu cg injangwe nyinshi muri Australia? Uzi kera ubwo muri USA bagabanyaga ibirura? Uzi nk’ubu uwamara amasazi yose ku isi uko byagenda? Muri ECOLOGY iyo "Food Chain/ Chaine Alimentaire" ihungabanye biteza ikibazo nka kiriya cy’ingona dufite hariya. Ikibazo dufite nuko hariya ziri ari nyinshi bikabije cyane, kandi ibisanzwe bizitunga bikaba byo bitariyongereye!
Buriya ntiwatangara nyuma y’igihe tubonye ingona munsi y’ikiraro cya Nyabugogo cg Ruriba...

David Kuya 25-08-2017

Hey,kwica ingona sicyo gisubizo kukibazo ndunva ari kuzihohotera ntawe yigeze isanga murugo rwe ngo imwice,nonese indwara ziterwa nogukoresha amazi mabi nazo muraziranye? Cyangwase murazitega?ndunva igisubizo cyiza aruguha abantu amazi meza ntibongere kuvoma amazi mabi kuko uretse ningona nabana bazajya bagwa muriyo migezi, baza rwara ibirwara kubera amazi mabi please ababishinzwe mugerageze mushake igisubizo kirambye.nahubundi uzasanga igihugu cyongeye gutanga za miriyoni bagiye kuzigura hanze nkuko byagenze mukagera intare zaracitse kubera kuzitega.REMA yarikwiye guhaguruka ikaregera ibidukikije kandi ikagafatanya na Mininfra kubona igisubizo cyiki kibazo ntihagire uharenganira haba #ingona cyngwa abaturage.Murakoze

Herman Kuya 25-08-2017

Ababishinzwe barebe uburyo abaturage bagira umutekano nizo ngona nazo ziwugire ariko kandi ntampamvu yuko zimara abantu.

Herman Kuya 25-08-2017

Ababishinzwe barebe uburyo abaturage bagira umutekano nizo ngona nazo ziwugire ariko kandi ntampamvu yuko zimara abantu.

Thierry Kuya 24-08-2017

Ahaaa! Ntimwamenya aho bayishyize ngo tuyirebe raa!

Quoted Kuya 24-08-2017

January 24, 2015 (The N-T)
Vicent de Paul Kabalisa, the deputy director general for integrated water resources management at Rwanda Natural Resources Authority (RNRA), said they are working on a deal with a Chinese firm to help them clear the Nyabarongo water to mitigate the attacks.
He said crocodiles contribute toward the country’s revenue, adding that they plan to work with Rwanda Development Board (RDB) to see how this can be achieved.
“We are also planning to negotiate with RDB to see how to make our reptiles profitable,†he said.

John Kuya 24-08-2017

Ayo magi bayimurire mu Kagera nyamuneka ntimuyonone ziriya nyamaswa zirakenewe!

Tumusifu Rabbi Kuya 24-08-2017

karabaye!!! ingona di!abant babe maso kuko haguma ubuzima

Tumusifu Rabbi Kuya 24-08-2017

karabaye!!! ingona di!abant babe maso kuko haguma ubuzima

patrice Kuya 24-08-2017

urw ruhu rwayo ndarugura 100 000frw. 0788219115

NKURUNZIZA Theogene Kuya 24-08-2017

icyemezo leta yafashe ni cyiza ariko n’abaturage nabo bicungire umutekano barinda kohereza abana hafi ya Nyabarongo

Aaady Kuya 24-08-2017

Bakoze ariko RDB , nishake uburyo ya kwimura ingona zo muri nyabarongo izinjyane muri park cg barebe uburyo bazihindira hamwe mugicye kimwe cyamazi yanyabarongo hazitirwe kd birashoboka.
Murakoze

Jesse Kuya 24-08-2017

Iyo urinda abawe nuko ukora mwegeraga amagi yayo

br Kuya 24-08-2017

Baramenye bazitire aho hantu ahubwo RDB ishakire izo ngona ibyanya byazo vuba ubu tuzibyaze umusaruro ,
Njye nuko ntabushobozi nagafashe iyambere nkazizishakira icyanya cyazo leta ntiyihutire kumara izo nyamaswa(ayo mafaranga yacu) bafate ingamba zitabangamira abaturage ndetse nizo ngona zacu, nuko numva mbyifuza kubwanjye.

KIBIBI Kuya 24-08-2017

Hongera kwa Polisi yetu, mmeonyesha kuwa binadamu ana thamani kuliko wale ngwena wanyama wanaoua ndugu zetu Wanyarwanda.
Heko Sana!

teta Kuya 24-08-2017

il ne faut pas kuzica rwose si wo muti. It is sad. Oya rwose. Ni uwabikoze rwose ntabwo aribyo

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...