konka coffee
KONKA

AMAKURU

UKWEZI

Ingona yariye undi muntu kuri Nyabarongo, abaturage barasabwa kuba maso

Ingona yariye undi muntu kuri Nyabarongo, abaturage barasabwa kuba maso
18-08-2017 saa 09:35' | By Chief Editor | Yasomwe n'abantu 9332 | Ibitekerezo 10

Mu masaha ya saa kumi n’ebyiri mugitondo cyo kuri uyu wa Gatanu tariki 18 Kanama 2017, umuturage wo mu murenge wa Rugarika mu karere ka Kamonyi witwa Habamenshi Oreste, yariwe n’ingona ubwo yari agiye gushaka amazi mu ruzi rwa Nyabarongo, ubuyobozi bukaba bukomeje gusaba abaturage kuba maso.

Pierre Celestin Nsengiyumva, umunyamabanga Nshingwabikorwa w’Umurenge wa Rugarika, yatangarije ikinyamakuru Ukwezi.com ko uyu muturage witwaga Habamenyi Oreste yari atuye mu mudugudu wa Ruramba mu kagari ka Masaka, akaba yari umugabo wubatse ufite umugore n’abana batandatu.

Uyu muyobozi avuga ko abaturage bo muri uyu mudugudu no mu bice bindi bigize akagari ibi byabereyemi, bari barahawe amazi ku muyoboro uri hafi aho ndetse abaturage bakaba bari barakoresheje amafaranga y’ubudehe bakawagura, ariko moteri yohereza ayo mazi ikaba yarapfuye, babimenyesha akarere ka Kamonyi kabemerera ko bazabashakira uko iyo moteri isanwa cyangwa hakagurwa indi, ariko mu gihe bitarakorwa abaturage bakaba barakoreshejwe inama ubuyobozi bubasaba ko bakwemera bakajya kuvoma kure aho kujya muri Nyabarongo aho bashobora kuribwa n’ingona. N’ubu asaba abaturage ko baba maso, bakitwararika kujya muri Nyabarongo kuko bashobora kuhaburira ubuzima.

Ikibazo cy’ingona zirya abantu muri Nyabarongo gikomeje gutera inkeke, kuko mu gihe gito abantu batatu bahitanywe nazo. Tariki 12 Kanama 2017, nabwo umuturage wo mu murenge wa Mageragere mu karere ka Nyarugenge mu mujyi wa Kigali yishwe ariwe n’ingona ubwo yari agiye kuvoma mu gishanga cya Nyabarongo, uwo akaba ari umugabo witwa TUGIRIMANA Jean Pierre.

Tariki 23 Nyakanga 2017, nabwo umubyeyi witwaga Nyirampakaniye Sperata w’imyaka 54 wari utuye mu Murenge wa Mageragere mu Karere ka Nyarugenge, nawe yishwe n’ingona ari mu masaha ya mu gitondo, ubwo nawe yari agiye gushaka amazi muri iki gishanga cy’uruzi rwa Nyabarongo.

Aha muri Nyarugenge ho, n’ubwo ubuyobozi bukomeza kwegereza aba baturage amazi meza, hari bamwe mu baturage bataragerwaho n’amazi banga kujya ahamaze kugera amavomero bagahitamo kujya kuri Nyabarongo baba babona ari hafi yabo, bakirengagiza ko bashobora kuhahurira n’ibyago byo kuribwa n’ingona. Ubuyobizi ariko buvuga ko bufite gahunda yo kugeza amazi ku baturage bose baturiye Nyabarongo kuburyo buri wese azajya avoma hafi kandi akavoma amazi meza atangombye kujya kuri Nyabarongo.


INKURU ZA :
Tanga Igitekerezo
Ibitekerezo 10
ernestine Kuya 24-08-2017

Abanyarwanda twahawe agaciro kdi nikoko turagakwiye none kubatica izo ngona zambura UBUZIMA bwa Bantu.

Lallito Kuya 23-08-2017

Muraho banyarwanda nkunda! Mu by’ukuri ibi bintu birakabije. Ariko ubu muzi ko abaturage bose baturiye Nyabarongo abenshi batagira amazi? habe n’akagezi gatemba. Bavoma biriya biziba none umva ko ingona ari zo zigiye kubakiza agahinda ko kubaho nabi gutyo. Ese nibarize? ziriya ngona zahozeho ko ntajyaga numva abantu bariwe nazo? cg nizo bazanye vuba mu rwego rw’ubukerarugendo? Cg ni imwe yaryohewe n’inyama y’umuntu? Ubu se ni izihe ngamba abayobozi barimo gufat ari iza vuba n’izakemura ikibazo cy’amazi?
Ese nta n’uwaba afashe umwanzuro wo kwica izo mvunamuheto zihekura abantu? Ese ubwo ubundi hari abize uburyo bwo kuzimenyereza abantu dufite mu Rwanda ko njya mbona hanze mu bihugu bindi babigerageza?
Mushoboye mwansubiza.

Tangi Kuya 21-08-2017

Uziko abanyarwanda babaye ibiryo byingona pee ndumiwe noneho ngo haruwo yariye iramwimarira.ibaze kuburinyiruwo muntu ingona yariye ikamurangiza ntunashyingure. Birababaje pe ibibyo biritwiki? Mubyukuri bayobozi mubifite munshingano zanyu mufashe ababaturage babone abazi hafiyabo mubwo cyabaricyokiziba cyanyabarongo kibegere batariwe ningona.uburyo nayomazi bazira asa c? Manawee! Birababaje sinarinziko murwanda harabagikoresha ibiziba nkaboriya nuburyo numvango iterambere!!! Iyaba nizongona zarizibaretse nurupfu rwayo mazi siruto rwonuko ruzagahorogahoro.ese wamugani izongona zimaziki? Zirya abantu 3 mukwezi kumwe umuturage wishingona ngwarakatirwa? Kukizo zidafatirwa ibyemezo? Ahubwo ngozirongerwa murinyabarongo da ngaho c nibahashyire uburinzi zekumara abaturage cg babivuge niba abaturage aribyo biryobyazo bazigeneye!.

Mabyaranega Kuya 21-08-2017

Biratangaje kuba ingona zirya abantu ntibayice ntana madevize yinjiza .

gasombe mamesa Kuya 19-08-2017

ariko iyo wishe ingona kobagukatira igifungo iyo iriye umuntu abasigaye bahabwa impoza marira yangahe erega inyamanswa zisigaye ziruta abana burwanda koko ?

atangana Kuya 18-08-2017

Nibareke abaturiye inzuzi n’ibiyaga bazihige bazirye bagurishe impulse zazo.Ingona iraribwa . zabaye nyinshi uwazigabanya . Cg se nibageze amazi meza Ku baturage.

jea n damour Kuya 18-08-2017

Muduhe amakuru mashya

jea n damour Kuya 18-08-2017

Muduhe amakuru mashya

samy Kuya 18-08-2017

ariko ko ntajya numva aba tourist bajya kuzireba ngo zinjize amafrs, bazishe bakazimara aho kugirango zimare abantu.

alfa Kuya 18-08-2017

Nyamara bayobozi b’inzego z’ibanze mutabare abaturage. Ndabona ingona amafi yabaye make mu ruzi. Mwigishe abaturage kandi mubahe Ibikorwa remezo. Banyamakuru mudufashe ibyo bintu bimenyekane hose kandi abayobozi babe involved

IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...