konka coffee
KONKA

AMAKURU

UKWEZI

Kamonyi: Ahabereye impanuka ebyiri habereye indi yashyize mu kaga ubuzima bw’abantu

Kamonyi: Ahabereye impanuka ebyiri habereye indi yashyize mu kaga ubuzima bw’abantu
26-07-2017 saa 18:07' | By Chief Editor | Yasomwe n'abantu 16050 | Ibitekerezo 4

Aha hantu kuwa Mbere habereye impanuka ebyiri zose zaguyemo abantu

Nyuma y’uko ku mugoroba wo kuwa Mbere tariki 24 Nyakanga 2017, mu kagari ka Gihinga mu murenge wa Gacurabwenge ho mu karere ka Kamonyi habereye impanuka ebyiri zombi zigahitana abantu, indi mpanuka yongeye kubera muri aka gace kuri uyu wa gatatu nayo ihitana umuntu mu gihe undi amerewe nabi cyane.

Impanuka yabaye kuwa mbere ahagana saa kumi n’ebyiri, yari iya Toyota Minibus yari itwaye abantu ibavana mu majyepfo ibajyana i Kigali, iyo mpanuka ikaba yarahitanye abantu babiri abandi benshi barakomereka. Nyuma y’amasaha macye, habereye indi y’ikamyo nayo yaguyemo abantu babiri.

Kuri uyu wa Gatatu yariki 26/07/2017 saa cyenda z’amanywa, hafi aha mu mudugudu wa Nyagasozi mu kagari ka Gihinga mu murenge wa Gacurabwenge ho mu karere ka Kamonyi, habaye indi mpanuka y’ikamyo bo mu bwoko bwa Howo ifite ibirango RAD 429 E yari itwawe n’umushoferi utaramenyekana kuko yahise atoroka. Iyi kamyo yageze muri aka gace, umushoferi wari uyitwaye anyura ku modoka yari imuri imbere asanga haturutseyo igare asubira inyuma agonga Moto TVS ifite ibirango RB 679 B bari mucyerekezo kimwe, umumotari n’uwo yari ahetse bahita bakomereka bikomeye.

Nk’uko amakuru ikinyamakuru Ukwezi.com cyatangarijwe na CIP Emmanuel Kabanda. umuvugizi w’ishami rya Polisi rishinzwe umutekano wo mu muhanda, akomeza abivuga, aba babiri bahise bajyanwa ku kigo nderabuzima cya Kamonyi ariko umugenzi (uwari uhetswe) ahita apfa naho umumotari ajyanwa kuvurirwa ku bitaro bya Remera Rukoma aho yagiye amerewe nabi. Imodoka na Moto kugeza ubu bifungiye kuri sitasiyo ya Polisi ya Runda.

Mu gihe cy’iminsi itatu gusa, aka gace kamaze kuberamo impanuka eshatu kandi zose zaguyemo abantu zinakomerekeramo abandi. Polisi nk’uko bisanzwe, igira inama abatwara ibinyabigiza kwitwararika ngo badakora impanuka cyangwa bakaziteza bagenzi babo.


INKURU ZA :
Tanga Igitekerezo
Ibitekerezo 4
gqg Kuya 30-07-2017

Muravuga iki ko iki gikamyo cyo ku wa mbere cyadusiza mu kaga. Cyahitanye umu mama wari utuwe ari umupfakazi wa genoside. Abane be babiri babahungu ubu basigaye ari impfubyi buri buri. Twamushyinguye mu gahinda kenshi cyane.Ariko abaturage bahariya POLISI ibihanangirize. Bafite ingeso yo gusaka inkomere, bakabiba byose no kugera kubyangombwa. Nkubwo abo muri iyo KAMYO yo ku wa mbere, bageze mu bitaro KACYIRU badashobora kumenya abo aribo kuko nta cyangombwa na KIMWE. Byose bari babyibye. HABAYE AHA NYAGASANI kugirango tubimenye. Nabwo byatinze cyane. Comment yanjye ntimuyinyonge PLS.

lawrence zuba Kuya 27-07-2017

ikintu kitwa gutwara bari kuri telephone muzihanangirize abashoferi ba volcano kuko babigize ihame nakamenyero abagenzi ntajambo tugira. ikindi traffic ahantu hatari agatungo ntibirirwa bajyayo byarakaze

yeww Kuya 26-07-2017

harabamara nimutahafatira ingamba ahubwo

Marie Merci Kuya 26-07-2017

Birababaje ariko biranakabije.Izi moanuka nta n’ubwo zizagabanuka igihe cyose abapolisi bo ku muhanda bazaba bagihagarara ahantu hamwe bagahagarika imodoka ibizaniye bitewe n’icyo bayishakaho.Birakwiye ko abapolisi bagenda bahinduranya aho bahagara byibura buri saha bakaba bimutse.Naho ubundi abashoferi barabakenetse.Bijya binsetsa iyo mbonye na bya bimodoka byiza bica amarenga bibaza aho polife ihagaze.Abashoferi batinyaga ikintu kimwe gusa.Iyi moto ya, police yahinduranyaga ibyerekezo kandi yihuta.Naho utu tumodoka abashoferi wagirango bagira RADAR imenya aho tugeze.
Ikindi abaplosi bacu, bahindutse aba fonctionnaire .Muzabazindure saa kumi n’ebyiri bajye mu muhanda Kigali Muhanga.Bazumirwa.

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
BAHO
INKURU ZIKUNZWE
Ibitekerezo
Loading...
IZINDI NKURU WASOMA
Loading...