konka coffee
KONKA

AMAKURU

UKWEZI

Kamonyi: Impanuka ikomeye yatikiriyemo ubuzima bw’abantu

Kamonyi: Impanuka ikomeye yatikiriyemo ubuzima bw’abantu
19-10-2016 saa 18:48' | By Chief Editor | Yasomwe n'abantu 30931 | Ibitekerezo 24

Mu masaha y’umugoroba wo kuri uyu wa Gatatu tariki 19 Ukwakira 2016, impanuka ikomeye yabereye i Musambira mu karere ka Kamonyi, abantu benshi bakaba bahasize ubuzima abandi batari bacye nabo barakomereka.

Imodoka ya kompanyi ya Horizon Express ifite ibirango RAB 183 U yerekezaga i Kigali ivuye i Nyanza, yagonganye n’ikamyo T957DBT yavaga muri Tanzania, iyi mpanuka ikaba yabereye ahitwa i Musambira mu karere ka Kamonyi.

Amakuru ikinyamakuru Ukwezi.com gikesha abari hafi y’ahabereye iyi mpanuka, ahamya ko babonye abantu benshi bayiguyemo ndetse imodoka ya Coaster ikaba yangiritse cyane, bigaragaza ubukana bw’impanuka. Uretse abari mu modoka, hari n’abanyamaguru bagonzwe n’izo modoka zombi zagonganye.

Mu gitondo cyo kuri uyu wa Kane tariki 20 Ukwakira 2016, Umuvugizi w’ishami rya Polisi y’u Rwanda rishinzwe umutekano wo mu muhanda, CIP Emmanuel Kabanda yabwiye ikinyamakuru Ukwezi.com ko kugeza ubu abantu 11 ari bo bamaze kuhasiga ubuzima mu gihe abandi bagera kuri 18 bakomeretse. Hari abari mu modoka hakabamo n’abanyamaguru bari hafi aho.

Abapfuye n’abakomeretse bagejejwe mu bitaro bya Kabgayi, mu gihe iperereza rikomeje ngo hamenyekane mu by’ukuri icyaba cyateye iyi mpanuka. Imodoka itwara abagenzi yari irimo abantu bagera kuri 27, aba bose abatapfuye bakaba bakomeretse.


Tanga Igitekerezo
Ibitekerezo 24
Fils Kuya 21-10-2016

Mukomeze Kugira Ukwihangana

niyigena adelinne Kuya 21-10-2016

nikwisi imera MUGABEKAZI muvandimwe watwawe niyimpanuka Imana ikwakire

Niyonsenga nazania Kuya 20-10-2016

Ababuze ababo mukomeze kwihangana.
Abo bavandimwe imana ibakire mubayo.

Niyonsenga nazania Kuya 20-10-2016

Ababuze ababo mukomeze kwihangana.
Abo bavandimwe imana ibakire mubayo.

Innocent Tuyisenge Kuya 20-10-2016

Ababuze ababo bakomeze kwihangana kandi n’abo bahakomerekeye Imana ibavirishe urukundo rwayo.

Innocent Tuyisenge Kuya 20-10-2016

Ababuze ababo bakomeze kwihangana kandi n’abo bahakomerekeye Imana ibavirishe urukundo rwayo.

batamuriza Brigitte Kuya 20-10-2016

Imana ibakire mubayo

Kizito Kuya 20-10-2016

Twifatanije mu kababaro n’imiryango yabuze abayo n’abakomerekeye muri iyo mpanuka. By’umwihariko twifatanije na Teacher Peter wigishaga ku Ruyenzi mu kigo cya Mornong Stars. Imana ibakire mu ngoro ye kandi ibahembere ibyiza byose bakoze bakiri mu buzima bwo kuri iyi si.

aissa Kuya 20-10-2016

Imana ibakire mubayo abamaze gutabaruka kd abakomeretse ibakize

Rica Kuya 20-10-2016

ibikamyo biva Tzd impanuka biteza harokoka imbarwa bivuzeko bigenda nabi cyane.

mika Kuya 20-10-2016

mwaramutse mwese,nihanganishije ababuriye ababo muri iyi mpanuka ngo Imana yakire abavandimwe babo detse nabakomeretse barware bakirra,rwose horizon namwe ndabihanganishije mukomere,muduha service nziza ntihakagire igituma muhungabana,mukomere

AKIMANA Kuya 20-10-2016

Aha hantu Musambira hahora habera impanuka zihitana ubuzima bwa benshi!
Hafatwe izindi ngamba uyu muhanda wimurwe cg ushyirwemo dos d’annes.
Leta yacu nihafatire izindi ngamba kuko hahora impanuka zikaze

eugene Kuya 20-10-2016

mbegibyago weeee. ababantu, imana ibakire mubayo. abakomeretse nabo, mana yurwanda bakize kuko urabishoboye. kd imiryango yabuze ababo. twifatanyije nabo

Hakizimana Benjamin Kuya 20-10-2016

Birababaje cyane impanuka zimeze gutya kandi police zihora mu muhanda.Abagiye bo barwimariye mbabajwe n’abasigaye ari ibisenzegeri n’imirgango ya ba nyakwigendera nta kundi ariko

nishimwe valentine Kuya 20-10-2016

Ababuze ababo mwihangane gusa nkizomodoka zibazaraye zigenda zijye zitwarwa naba chofer barenzumwe kujyirango bajye basimburane umwe atware undi aryamye baruhurane bizagabanya impanuka!

mugishamuseveni Kuya 20-10-2016

ARIKO IKIBAZO CYIMPANUKA POLICE NIGIHAGURUKIRE NIKIBAZO GITERWA NUMUVUDUKO .KUKI POLICE UDASUBIZA MOTO MUMUHANDA KWARIZO ABATWARIMODOKA BATINYA ?NAHONIBATARIBYO NTABWIMPANUKA ZIZABURA KUBA

Lucky Kuya 20-10-2016

Mwihangane rwose Imana yakire abatashye ariko iri perereza rya police rirantama kuko akenshi nta Myanzuro

Jeune Kuya 20-10-2016

Imana ikomeze abasigaye abagiye ibakire mu bayo

Donatien Bucyanayandi Kuya 19-10-2016

Imana ibahe kuruhukira mu mahoro
Kdi ababuze ababo bakomeze kugira kwihangana.

Dudu Kuya 19-10-2016

Yooo!!!! Imana ibakire mu bayo

kalinda paul Kuya 19-10-2016

Birababaje ariko kwisi nicumbi
Ntakintu,byaba byiza rero muriyiminsi
Ishyira kurangiza umwaka ko police
Yakongera umutekano wo mumuhanda
Murakoze

alleluia Kuya 19-10-2016

Imana yakire abahasize ubuzima kdi ihumurize abasigaye...

alain sem Kuya 19-10-2016

dukomeje kwihangabisha ababuriye ababo muri iyi mpanuka, Imana ibakomeze

alain sem Kuya 19-10-2016

dukomeje kwihangabisha ababuriye ababo muri iyi mpanuka, Imana ibakomeze

IGURIRE
Reba Ibindi Byinshi
FPR Kagame 2
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
IBIRORI
Ibitekerezo
IZINDI NKURU WASOMA