konka coffee
KONKA

AMAKURU

UKWEZI

Kamonyi: Umugabo yiyahuye ahita apfa, bikekwa ko yabitewe n’uburwayi bwari bwaramuzahaje

Kamonyi: Umugabo yiyahuye ahita apfa, bikekwa ko yabitewe n’uburwayi bwari bwaramuzahaje
21-06-2017 saa 09:02' | By Akayezu Jean de Dieu | Yasomwe n'abantu 9268 | Ibitekerezo 3

Umugabo witwaga Rusanganwa Leon wari utuye mu kagari ka Ruyenzi, Umurenge wa Runda ho mu karere ka Kamonyi, yasanzwe mu nzu iwe yapfuye mu gitondo cyo kuri uyu wa Kabiri tariki 20 Kamena 2017, bivugwa ko yari yiyahuye akoresheje igitenge nk’uko bamwe mu baturanyi be n’abo babanaga bamugezeho bwa mbere babitangaje. Gusa n’ubwo hataramenyekana icyatumye uyu mugabo yiyahura, birakekwa ko yaba yiyahuye ku bw’uburwayi bwa Diyabeti yari amaranye igihe kirekire.

Aya makuru y’uru rupfu rw’uyu mugabo wari uri mu kigero cy’imyaka 53 y’amavuko yamenyekanye ubwo umwe mu bana be yasohokaga mu rugo avuza induru ari nabwo abaturanyi bahise bahurura baza kureba ikibaye, bagasanga uyu mugabo yimanitse ahabikwa imyenda (Garde Lobes) aho bamusanze yimanitse akoresheje igitenge yari yazinze neza akagihambira aho hejuru ku kabati kabikwagamo imyenda. Uyu mugabo yiyahuye nyuma y’uko umugore we yari amaze kujya ku kazi, abaturanyi bakaba bahamije ko nta kindi kibazo bazi uyu mugabo yari afitanye n’umugore we ngo bibe ari byo ntandaro yo kwiyahura kwa Rusanganwa Leon.

Aya makuru kandi yemejwe n’Umuvugizi wa Polisi y’u Rwanda mu Ntara y’Amajyepfo IP Kayigi Emmanuel wabwiye ikinyamakuru Ukwezi.com ko Polisi ikimara kumenya amakuru y’uru rupfu bihutiye kujyana umurambo kwa muganga mu bitaro bya Kacyiru, kuri ubu hakaba hagikorwa Iperereza ngo hamenyekane koko icyateye uru rupfu rwa Rusanganwa.

IP Kayigi yagize ati “Ibyo byabaye mugitondo umugore w’uyu mugabo amaze kujya ku kazi, nibwo nyakwigendera yasohotse hanze avugana n’umukobwa we uri mu kigero cy’imyaka 28 hanyuma bamaze kuvugana asubira mu nzu ariko bimaze kugera nka saa tatu za mu gitondo nibwo umukobwa we yabonye ise atigeze asohoka, ni uko nawe ajya kureba impamvu hanyuma ageze ku cyumba uyu papa we yararagamo asanga urugi rurafunze niko gukomanga habura uwitaba ahitamo guhuruza abaturanyi baraza basanga yamaze gupfa amanitse mu ijosi harimo igitenge bikekwa ko aribwo buryo yifashishije yiyahura”

Umuvugizi wa Polisi mu Ntara y’Amajyepfo kandi yaboneyeho kumenyesha abanyarwanda ko hariho gahunda nyinshi Leta igenda ishyiriraho abaturage zirimo ubwisungane mu kwivuza aho yavuze ko nta mpamvu n’imwe yagakwiye gutuma umuntu yiyaka ubuzima mu gihe afite ikibazo cy’uburwayi bwamuzahaje cyangwa ikindi kibazo icyo aricyo cyose.

JPEG - 159 kb

IP Emmanuel Kayigi wari umuvugizi wa Polisi w’Intara y’Uburasirazuba, ubu ni uw’iy’Amajyepfo


INKURU ZA :
Tanga Igitekerezo
Ibitekerezo 3
nditurimana brice Kuya 26-06-2017

imana imwakire mubayo kuko niwe wayishyiriye.

mugenzi celestin Kuya 26-06-2017

yesu nashimwe uwo mugabo utaz lmana ikiza koko diabetes ariko ndabaza yimanitse muri garide robe birakunda hoya sinabyemera mujye mutwereka ayomafoto turebe koko kwarukuri murakoze

NSHIMIYIMANA Jacques Kuya 22-06-2017

uyumugabo wiyahuye ntabye ryose pe ahubwo
bajye biga kubaho neza ntabyo gutecyereza kw’iyica

IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...