konka coffee
KONKA

AMAKURU

UKWEZI

Kamonyi: Umusaza bikekwa ko yiyahuye amaze gutera icyuma umugore we yasize urujijo

Kamonyi: Umusaza bikekwa ko yiyahuye amaze gutera icyuma umugore we yasize urujijo
15-08-2017 saa 09:51' | By Chief Editor | Yasomwe n'abantu 8527 | Ibitekerezo 1

Mu masaha y’ijoro ryo kuri uyu wa Mbere tariki 14 Kanama 2017, umusaza w’imyaka 74 y’amavuko yasanzwe iwe mu rugo yapfuye, abaturage bakomeza kuvuga ko yaba yiyahuye nyuma yo gutera icyuma umugore we ariko bikomeje guteza urujijo kuko binakekwa ko ashobora kuba yishwe n’abo mu rugo rwe barimo umugore we n’abana babo, ndetse ubu bose bakaba bari mu maboko y’inzego z’umutekano.

Ibi byabereye mu mudugudu wa Kabasanza wo mu kagari ka Gihara mu murenge wa Runda mu karere ka Kamonyi ko mu Majyepfo y’u Rwanda, ahagana saa mbiri n’igice z’umugoroba nk’uko byemejwe na IP Emmanuel Kayigi, umuvugizi wa Polisi y’u Rwanda muri iyi Ntara y’Amajyepfo.

IP Kayigi Emmanuel yatangarije ikinyamakuru Ukwezi.com ko umusaza w’imyaka 74 y’amavuko witwa Majoro, yasanzwe mu nzu yapfuye nyuma yo gutera icyuma umugore we Niyitanga Esperance w’imyaka 58 y’amavuko, bari basanzwe n’ubundi bafitanye amakimbirane mu rugo rwabo. Umurambo wari uziritse umugozi mu ijosi, bigakekwa ko uyu musaza yaba yiyahuye nyuma yo kugerageza kwica umugore akoresheje icyuma ariko akamukomeretsa ntapfe, ariko nanone bigakekwa ko yaba yishwe n’umugore we afatanyije n’abana babo, bamuziza ko yashatse kwivugana uwo mugore ndetse n’andi makimbirane bari bafitanye mu rugo.

JPEG - 159 kb

IP Emmanuel Kayigi, umuvugizi wa Polisi y’u Rwanda mu Ntara y’Amajyepfo.

Kugeza ubu ababanaga n’uyu musaza bose batawe muri yombi, abo bakaba barimo uwo mugore we Niyitanga Esperance w’imyaka 58, abahungu babo barimo Niyonshuti Claude w’imyaka 28 na Habimana Ildephonse w’imyaka 19 ndetse n’umukobwa wabo witwa Mukasangwa Emmerta w’imyaka 21 y’amavuko, aba bose bakaba bacumbikiwe kuri sitasiyo ya Polisi ya Runda mu gihe iperereza rikomeje, naho umurambo w’uwo musaza wajyanywe ku bitaro bya Rukoma kugirango ukorerwe isuzuma.

Kugeza ubu urupfu rw’uyu musaza rwasize urujijo kuko bamwe mu baturanyi bavuga ko yishwe abo mu muryango we bagashaka uko bagaragaza ko yiyahuye, mu gihe hari n’abakeka ko yabonye amaze gukomeretsa umugore we agahita yimanika mu mugozi akiyahura.


INKURU ZA :
Tanga Igitekerezo
Ibitekerezo 1
Niyo Nkulu Kuya 15-08-2017

Uwomusole Ntamutima Afite

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...