konka coffee
KONKA

AMAKURU

UKWEZI

Kamonyi: Umusore wishe nyina yafashwe avuga ko yabuzwaga amahoro n’umubyeyi we

Kamonyi: Umusore wishe nyina yafashwe avuga ko yabuzwaga amahoro n’umubyeyi we
26-06-2017 saa 10:05' | By Chief Editor | Yasomwe n'abantu 25724 | Ibitekerezo 21

Kuri iki Cyumweru tariki 25 Kamena 2017, mu masaha y’umugoroba, umusore w’imyaka 29 y’amavuko yakubise nyina w’imyaka 57 kugeza amumazemo umwuka ahita atoroka ariko nyuma yo guhigishwa uruhindu na Polisi y’u Rwanda ifatanyije n’abaturage, yafatiwe mu gishanga avuga ko yishe umubyeyi we biturutse ku kuntu yamubuzaga amahoro.

Aya mahano yabereye mu mudugudu wa Ntasi, mu kagari ka Nteko ho mu murenge wa Mugina mu karere ka Kamonyi mu Ntara y’Amajyepfo, aho Tuyishimire Alexis bakunda kwita Kagiraneza, mu masaha ya saa kumi n’ebyiri n’igice z’umugoroba wo kuri iki Cyumweru yihereranye nyina witwa Mukagatare Daphrose, aramukubita kugeza apfyuye.

Nk’uko umuvugizi wa Polisi y’u Rwanda mu Ntara y’Amajyepfo, IP Kayigi Emmanuel, yabitangarije ikinyamakuru Ukwezi.com, iby’ubu bwicanyi byamenyekanye ari uko uwo musore ahuriye mu nzira n’uwitwa Bapfakwita Emmanuel, amubwira ko ari ubwa mbere arwanye na nyina ariko ko abishoboye yahamagara ubuyobozi bugatabara nyine kuko asize amukubise cyane, dore ko yivugiraga ngo "Asize agakoze"

Uyu niwe Tuyishimire Alexis bakunda kwita Kagiraneza, akurikiranyweho kwica nyina

IP Kayigi ariko yemeje iby’amakuru y’uko uyu musore wahise atoroka yaje gutabwa muri yombi ahagana saa kumi n’ebyiri z’umugoroba wo kuri uyu wa Mbere tariki 26 Kamena 2017, akaba yafashwe ku bufatanye bwa Polisi n’abaturage, biturutse ku basore b’inshuti ze bamuhamagaye bamubeshya ko bashaka kumutorokesha akabarangira aho ari, anababwira ko yakubise nyina adashaka kumwica.

Yiyemerera ariko ko yishe nyine, gusa ntavuga ikibazo bari bafitanye cyabaye intandaro yo kumukubita kugeza amumazemo umwuka, ariko avuga ko nyina yajyaga amubuza amahoro buri gihe, ntasobanure neza uko yayamubuzaga.


INKURU ZA :
Tanga Igitekerezo
Ibitekerezo 21
Akoyiremeye Salima Kuya 28-06-2017

nukuri biteye agahinda ndabona ubwicanyi bwiyongera sinzi ikibitera pe

NIYIBIZI Charles Kuya 28-06-2017

muzamugeze imbere y’urukiko turebeko uwomugome haritegeko rimurengera murakoze.

iganze Kuya 28-06-2017

Mujye mudutangariza n’inkuru z’abana b’indashyikirwa bahesheje ishema ababyeyi babo n’igihugu. Ubu bwicanyi burakabije mu gihugu hakwiye kurebwa ikibitera buri munsi ngo uwishe umugore, uwishe umugabo, umwana wishe umubyeyi, za viol...ubukoko... birarambiranye kbsa. uMURYANGO NYARWANDA NUTERIMBERE MU NGUNI ZOSE HARIMO N’UBUMUNTU. mINISITERI Y’UMURYANGO IRIHE? IY’URUBYIRUKO SE YO?

Nsengimana Innocent Kuya 27-06-2017

Bamubabarire ntagihano kirenze ubupfubyi

UMUTONI Kuya 27-06-2017

Njyewe sinumva ukuntu umwana atinyuka kubahuka umubyeyi wa mutwise,akamugira kugise,akamubyara,agahangayika amurera yarangiza umwana akamwitura ku mwica n’agahomamunwa. njye ndumva hakenewe inyigisho haba mu mashuri cg ahandi hateraniye urubyiruko ndetse bikanatangirira kubana bato

Niyigirimpuhwe Gad Kuya 27-06-2017

birababaje kandi biteye agahinda aya namahano ateye ubwoba aho umwana yivugana umubyeyi, umugore akivugana umugabowe, umugabo akivugana umufashawe .
N.B: igitekerezo reta nikore ibishoboka ishyireho igihano gihanisha ikindi kwica#kwicwa kuberayuko abakora biriya babikora bigamba ngo bazajya kuryibigori ntago bikwiriye ubwicanyi nkaburiya mugihugu kiri guterimbere kbc murakoze.

Gaspard Kuya 27-06-2017

nahanwe by’intangarugero kuko ayo ni amahano

c Kuya 27-06-2017

Hazagire ukora research atubwire akamaro k’inkuru z’ubwicanyi

Mwizerwa Leandre Kuya 27-06-2017

Uyu musore nahanwe by’intangarugero kwica ni kirazira kandi ikiremwa muntu cyubahwe. Imana nayo iragira iti ntuzice.

Mwizerwa Leandre Kuya 27-06-2017

Uyu musore nahanwe by’intangarugero kwica ni kirazira kandi ikiremwa muntu cyubahwe. Imana nayo iragira iti ntuzice.

mwamikazi eve Kuya 26-06-2017

nawe nibamwice pe

uwimana claudine Kuya 26-06-2017

Ahanwe bikomeye yararengereye Mandi amaraso azayabazwe

uwimana claudine Kuya 26-06-2017

Uyu musore akwiye igihao umubyeyi aravunika amutwite amurera none aramwishe ahanwe by’intangarugero

AIME JANVIER NTABAKIRABOSE Kuya 26-06-2017

Nkurikije urukundo uyu mubyeyi yakunze iki Gicucu cy’umusore kuva kikiri urusoro akagitwita amezi 9 Akakirera kugeza kuri iyi myaka 29 kikaba kimwituye kumwica!!!!!!!!!! Tugize amahirwe agafatwa ndasaba ubutabera ko bwazamuhana by’intangarugero kugirango n’abandi basigaye bari bafite uwomugambi mubisha bakawureka.

alfa Kuya 26-06-2017

Ndaje mu postinge

kayirangwa Illuminée Kuya 26-06-2017

Njye narabivuze kenshi ko aba banyarwanda bamennye amaraso bazakururira abana babo imivumo ndetse n’abuzukuru babo, bakajya iteka bashakira igisubizo mukumena amaraso. Njyewe ndisabira Paulis, gukumira hakiri kare aho yumvise umwuka muke. naho ubundi aba banyarwanda bari bumarane.

turatsinze celestin Kuya 26-06-2017

nahanwe kbs naho ibyokubura araboneka cyerense nimba yiyahuye nafatwe ?

Mbatuyimana Joseph Kuya 26-06-2017

Birababaje biteye agahinda! Kwigisha ni uguhozaho kandi amategeko agakazwa, Kuko muri iyi minsi kwicana biri kugaragara cyane! Gusa ubugenzuzi ku mibanire mu miryango bwari bukwiye kwitabwaho

Mbatuyimana Joseph Kuya 26-06-2017

Birababaje biteye agahinda! Kwigisha ni uguhozaho kandi amategeko agakazwa, Kuko muri iyi minsi kwicana biri kugaragara cyane! Gusa ubugenzuzi ku mibanire mu miryango bwari bukwiye kwitabwaho

ERIC NTAKIRUTIMANA Kuya 26-06-2017

Ikigoryi gusa gitinyuka kwica umubyeyi wacyo wakureze ugakura ukamwitura kumugirira nabi!!!!mbega amahano asigaye abera kwisi!!!

Sigano esron Kuya 26-06-2017

Uyumusore rwose nashakishwe nawe ahanywe namategeko police iraba idufashije.

IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...