konka coffee
KONKA

AMAKURU

UKWEZI

Kayonza: Habonetse umurambo w’umusore bikekwa ko yishwe n’inzoga n’urumogi

Kayonza: Habonetse umurambo w’umusore bikekwa ko yishwe n’inzoga n’urumogi
20-05-2017 saa 12:40' | By Akayezu Jean de Dieu | Yasomwe n'abantu 5475 | Ibitekerezo

Mu masaha ya saa kumi n’ebyiri za mugitondo cyo kuri uyu wa Gatandatu tariki 20 Gicurasi 2017, umurambo w’umusore wasanzwe ahantu bikekwa ko yishwe n’inzoga hamwe n’ibisigazwa by’urumogi byatwitswe mu rwego rwo kwangiza ibiyobyabwenge.

Nsengiyumva Eric w’imyaka 29 wari mwene Habimana Michel na Mukanyonga Henriette, batuye mu Mudugudu wa Gihirima mu Kagari ka Mburabuturo, Umurenge wa Mukarange mu karere ka Kayonza, yasanzwe yapfiriye mu muyoboro w’amazi uherereye mu mudugudu wa Kayonza Centre, Akagari ka Kayonza, Umurenge wa Mukarange bikekwa ko yaba yazize ibiyobyabwenge birimo inzoga zo mu mashashi n’umwotsi w’itabi ryatwitswe kuri uyu wa Gatanu tariki ya 19 Gicurasi 2017 na Polisi yigihugu ifatanije nubuyobozi bwakarere ka Kayonza.

Nsengiyumva Eric ubusanzwe mu kazi ke ka buri munsi yakoraga ubukarani ngufu akorera muri uyu mujyi wa Kayonza, akaba yatahaga rimwe na rimwe ubundi bivugwa ko yararaga muri uyu mujyi. Umurambo we wasanzwe hafi y’aho Polisi y’igihugu ikorera mu karere ka Kayonza yatwikiye ibiyobyabwenge kuri uyu wa gatanu.

Bamwe mu baturiye ahasanzwe uyu murambo baganiriye n’ikinyamakuru Ukwezi.com badutangarije ko nabo bamubonye mu masaha ya nimugoroba aryamye hafi aho, gusa abandi bavuga ko bari bakomeje kumubona hafi aho agenda ashakisha udushashi tw’inzoga zitagiye zishya neza mu gihe bazitwikaga.

Umwe muri aba baturage yagize ati"Njyewe ejo twari kumwe hanyuma Polisi iduhereza ibibiriti byo gukongeza umuriro mu biyobyabwenge byari birunze aha birimo inzoga zo mu mashashi, urumogi n’ibindi ariko twamaze kubitwika we aza kongera kugaruka, urumva ukuntu umwotsi wabaga urimo gucumba, we rero yagiye afata byabindi bitahiye neza akabivanamo akabinywa birimo nk’urumogi n’inzoga zo mu mashashi"

Umunyamabanga Nshingwabikorwa wUmurenge wa Mukarange, Murekezi Claude, yabwiye ikinyamakuru Ukwezi.com ko kugeza ubu nabo batahamya niba koko uyu Nsengiyumva yazize urupfu rw’ibiyobyabwenge, uburwayi cyangwa ubundi bugizi bwa nabi ariko akanagaragaza ko ari ikibazo gikomeye kuko muri ibi byumweru bitatu muri uyu mujyi wa Kayonza hitabye Imana abantu batatu kandi mu buryo budasobanutse ari naho yahereye asaba abaturage gufatanya n’ubuyobozi bwite bwa Leta ndetse n’inzego z’umutekano mu kwicungira umutekano.

Kugeza ubu inzego z’umutekano zifatanyije n’ubuyobozi bwUmurenge wa Mukarange zajyanye umurambo w’uyu nyakwigendera ku bitaro bya Gahini kugirango harebwe icyaba cyateye urupfu rwe.


INKURU ZA :
Tanga Igitekerezo
Ibitekerezo
IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
BAHO
INKURU ZIKUNZWE
Ibitekerezo
Loading...
IZINDI NKURU WASOMA
Loading...