konka coffee
KONKA

AMAKURU

UKWEZI

Kayonza: Umugabo yishe urw’agashinyaguro umugore we bapfa ubusambanyi n’ikiryabarezi

Kayonza: Umugabo yishe urw’agashinyaguro umugore we bapfa ubusambanyi n’ikiryabarezi
22-06-2017 saa 15:26' | By Vincent Nsengiyumva | Yasomwe n'abantu 20334 | Ibitekerezo 10

Kuri uyu wa Gatatu tariki 21 Kamena 2017, Umugabo witwa Kabayiza Sylivere wo mu Mudugudu wa Nyarwasama I, Akagari ka Mukoyoyo, Umurenge wa Rwinkwavu mu karere ka Kayonza yishe umugore we witwa Mukapilote Germaine amutemaguje umuhoro kugeza apfuye, akaba yamwishe urw’agashinyaguro kuko yagiye abaga ibice bye by’umubiri kimwe ku kindi. Intandaro y’urupfu ry’uyu mugore ngo ni ugushinjanya gucana inyuma no gusesagura umutungo washiriraga mu mikino y’amahirwe izwi nk’ikiryabarezi.

Amakuru ikinyamakuru Ukwezi.com gikesha abaturanyi b’uyu muryango, yemeza ko uwo mugabo ngo yakinaga ikiryabarezi cyane hanyuma umugore amubajije impamvu ibintu byose agiye kubimara abigurisha, umugabo nawe washinjaga umugore we kumuca inyuma, ahita apanga kumwica, aho yamukase ibere, amuca umutwe, amutema ukuboko amubaga n’inda.

Polisi y’u Rwanda nayo yemeje iby’aya makuru, ivuga ko uyu mugabo Kabayiza n’umugore we Germaine mu myaka 2 bari bamaranye bakunze kugirana amakimbirane aho umugore yashinjaga umugabo gusesagura umutungo w’urugo naho umugabo agashinja umugore we kumuca inyuma.

Umuvugizi wa Polisi mu Ntara y’Uburasirazuba, IP Jean Bosco Dusabe, yahamirije ikinyamakuru Ukwezi.com ko uyu mugabo yishe umugore we amutemaguje umuhoro kugeza ashizemo umwuka.

Yagize ati “Nibyo koko umugabo witwa Kabayiza Sylivere yishe umugore we amutemaguje umuhoro kugeza apfuye. Bari bamaranye imyaka 2 ariko muri icyo gihe cyose ntabwo bari bameranye neza kuko umugore yashinjaga umugabo gusesagura umutungo w’urugo naho umugabo nawe akamushinja kumuca inyuma.”

IP Dusabe yakomeje avuga ko Kabayiza Sylivere yatawe muri yombi ubu akaba afungiye kuri Sitasiyo ya Polisi ya Rwinkwavu mu gihe iperereza rikomeje. Kabayiza Sylivere aramutse ahamwe n’iki cyaha ashobora gufungwa burundu nk’uko biteganywa n’amategeko ahana ibyaha mu Rwanda.


INKURU ZA :
Tanga Igitekerezo
Ibitekerezo 10
uwingabire Kuya 29-06-2017

nyagasani utabare abantu bawe wiremeye ubakunze kuko ibihe bibi biratwugarije.

amen

Eugenie Kuya 29-06-2017

Birabajwe Nukuri Biteye Agahinda Kubona Umunt Yica Undi Amubaga Nk’ Itungo?? Ubwumvikane Hagati Mubantu Buranzeburabuze?

Patrick Kuya 29-06-2017

birababaje nkurikije abantu maze gusoma bishwe ngumugabo yishe umugore umugabo yishe uwasambanyaga umugorewe nabandi nabandi nukuri kwica byabaye ikintu cyoroshye pe!!birababaje! !unva mushyireho igihano kigaragara cyumuntu wishe undi gutyo tekereza gutemagura umuntu umuhoro kugeza apfuye ugakata ibere ugaca umutwe! !izonyamaswa ntimugate numwanya muzifunga ngobabagemurire barye rwose mubahe igihano nuzacyunva afite igitekerezo cyokwica azabireke pe birakabije

lg Kuya 24-06-2017

leta yacu ko ishishoza yafunze biliya, birya, barezi umwe yariyahuye undi aratemaguwe abandi nibyo birirwa mo leta kuki irebera, biriya bintu !

era Kuya 23-06-2017

zab 37:38

denyse Kuya 23-06-2017

yeweee turagowe

Rando Kuya 23-06-2017

Birababaje abagabo bakabije kwihanira ariko byose biva kubuyobozi bwatetesheje abagore cyane kuko umugore ntakiregwa mubuyobozi NGO urubanza rucibwe nubundi birangira umugabo ariweugiye muri gereza

fkaaa Kuya 22-06-2017

ariko ndasaba abanyamakuru bazakore ubushakashatsi kumpfu ziri mu rwanda nkibaza ubu reta irakora iki kuri ikikibazo umutekano urihe ubu abajura baragutega bakakwambura ntaho ubarega reta yasyizemo ingufu

xxx Kuya 22-06-2017

Ego ko mana noneho ndumiwe koko, haracyari interahamwe bigeze aho.
Mbuze icyo mvuga, RWANDA waragowe

Igihe Kuya 22-06-2017

Ibi byose mubona biba mu Rwanda ningaruka za Jenoside, abanyarwanda barahahamutse, ubu hali interahamwe zitigeze zimenyekana. Jye niganaga numuhungu akajya ava mumugi Gisenyi akajya kwica abatutsi mucyaro, iyo za Mudende kuli Université yaba Adventistes. Ubu ali degembya kuko nta makuru yimpamo nahamya kuko nabaga nihishe . Gisenyi kandi halicyo bita Icecekere wekwiteranya ubundi Mwebwe musenge cyane nakataraza muzakabona.

IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...