konka coffee
KONKA

AMAKURU

UKWEZI

Kayonza: Umusaza yishe umuturanyi we amuziza gutindana telefone

Kayonza: Umusaza yishe umuturanyi we amuziza gutindana telefone
27-04-2017 saa 18:09' | By Akayezu Jean de Dieu | Yasomwe n'abantu 11355 | Ibitekerezo 2

Polisi y’igihugu ikorera mu Ntara y’Uburasirazuba irashakisha umusaza witwa Rutabaringoga Jean Pierre ukurikirwanyweho kwica mugenzi we witwaga Rutabaringoga Bonaventure bombi bakomoka mu kagari ka Kayonza, Umurenge wa Mukarange ho mu Karere ka Kayonza. Uyu Jean Pierre kuri ubu wamaze gutoroka akaba yamwishe mu ijoro ryo kuri uyu wa 26 Mata 2017 amuziza kuba yamutwariye telefone akayitindana.

Uyu Rutaburingoga Jean Pierre w’imyaka 60 y’amavuko urimo gushakishwa n’inzego za Polisi yishe mugenzi we ndetse wari n’umuturanyi we witwaga Rutabaringoga Bonaventure mu masaha ya saa tatu z’ijoro ryo kuri uyu wa 26 Mata 2017, akaba yamuhitanye amuzizije telefone bivugwa ko ngo yari yayimutije akaza kuyitindana yajya kuyimugarurira agahita amukubita urushyi ari nabwo uyu Bonaventure yahise yikubita hasi bakamujyana ku kigo nderabuzima cya Mukarange aho yaje kugera agahita ashiramo umwuka.

Amakuru ikinyamaukuru Ukwezi.com cyahawe na bamwe mu basangiraga mu kabari n’uyu Bonaventure wishwe, avuga ko uyu nyakwigendera yari yatijwe telefone na Jean Pierre ariko undi akaza kwibagirwa guhita ayimushyira hanyuma aza guhita ajya mu kabari kunywa inzoga ari naho uyu Jean Pierre yamusanze akamubaza niba telefone ye yayibye ari nabwo yahise amukubita urushyi yikubita hasi, hanyuma Jean Pierre amujyana kwa muganga ku kigo nderabuzima cya Mukarange giherereye muri aka karere ka Kayonza. Akimara kuhamugeza, yahise atoroka.

Mu kiganiro yagiranye n’Ikinyamakuru Ukwezi.com, Umuvugizi wa Polisi mu ntara y’Uburasirazuba, IP Kayigi Emmanuel, yasobanuye ko uyu Jean Pierre kuri ubu yaburiwe irengero ariko inzego za Polisi zifatanije n’abaturage ndetse n’ubuyobozi barimo gukora ibishoboka byose ngo bashakishe uyu musaza ashyikirizwe inzego z’ubutabera.

IP Kayigi yagize ati: "Nibyo koko uwo Rutabaringoga Jean Pierre ari gushakishwa n’inzego z’umutekano kuko yishe umuturanyi we witwaga Rutabaringoga Bonaventure amuziza kuba yamutije telefone akaza gutinda kuyimugarurira, gusa uyu musaza Jean Pierre ni we wari wayimutije kandi n’ubwo ataba yari yayimutije wenda yayibye birumvikana nta mpamvu yo gukubita umuntu cyangwa kwihanira kuko ubuzima bw’umuntu bugomba kubahwa ari nayo mpamvu habaho amategeko, rero kuba uriya yamukubise agapfa urumva ko afite amakosa yo kwica ari nacyo akurikiranweho"

IP Kayigi Emmanuel yakomeje agira ati: "Ni nayo mpamvu dusaba abanyarwanda by’umwihariko abo mu ntara y’Uburasirazuba kumenya ko kwihanira atari umuco kuko reba nk’uwo yishe umuntu w’umugabo wari ufite umuryango, atunze umugore n’abana, urumva basigaye habi ndetse n’uwamwishe n’ubwo yatorotse ariko dufatanyije n’abanyarwanda turaza kumufata turabyizeye, rero rwose abanyarwanda badufashe rwose bamenye ko amategeko ahari bagerageze birinde za ngaruka zo kumva ko bari bazi ko bari gushaka igisubizo ahubwo barimo kwishyira mu bibazo, niba umuntu yibye icyo aricyo cyose bamushyikirize ubuyobozi hanyuma amategeko akore akazi kayo’’


INKURU ZA :
Tanga Igitekerezo
Ibitekerezo 2
Mike Kuya 28-04-2017

Ashakishwe kugeza afashwe aryozwe ibyo yakoze; kandi uzamubona wese azabimenyeshe inzego zibishinzwe.

nzarora jea damascene Kuya 27-04-2017

UWOMUGIZI WANABI AKURIKIRANWE AKATIRWE URUMUKWIRIYE

IGURIRE
Reba Ibindi Byinshi
FPR Kagame 2
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
IBIRORI
Ibitekerezo
IZINDI NKURU WASOMA