konka coffee
KONKA

AMAKURU

UKWEZI

Kigali: Abagabo babiri batemaguriwe inka, harakekwa ko ababikoze bihimuraga

Kigali: Abagabo babiri batemaguriwe inka, harakekwa ko ababikoze bihimuraga
4-09-2017 saa 14:50' | By Chief Editor | Yasomwe n'abantu 11085 | Ibitekerezo 7

Inka eshatu z’abaturage babiri bo mu mudugudu wa Nyamise wo mu kagari ka Kabariza mu murenge wa Rutunga mu karere ka Gasabo mu mujyi wa Kigali, zatemaguwe n’abantu bikekwa ko ari abihimuraga kuko n’ubusanzwe bazwiho ibikorwa by’urugomo, ababatanzeho amakuru n’abagaragaje ko bakwiye gukanirwa urubakwiye bakaba ari bo batemewe inka.

Uwitwa Rukundo Emmanuel yatemewe inka ebyiri mu gihe undi muturanyi we batuye mu mudugudu umwe nawe yatemewe inka imwe isanzwe ari n’imbyeyi, iyi yo bakaba bayitemaguye mu icebe basiga ivirirana amaraso. Uyu muturage, yabwiye Ukwezi.com ko ibyo yakorewe ari ibikorwa by’ubugome biteye agahinda, ubu we na mugenzi we bakaba barimo kuvuza inka zabo.

Rukundo Emmanuel ati: "Bafashe icyuma bagenda basatagura imbavu zose n’umubiri wose, nabibonye mu gitondo kuko hari ahantu nari mfite akaraka niho ndara, nabibonye mpageze mu mugitondo. Undi ni umuturanyi wanjye, ntabwo twegeranye neza ariko ni mu mudugudu umwe, we inka ye bayisataguye mu mabere, icebe barihindura ibisebe gusa gusa, ubu turimo turazivuza ariko ibyo twakorewe ni ibikorwa by’ubugome ndengakamere"

Rukundo Emmanuel avuga ko hari abakekwa ko baba bakoze ibyo bikorwa, ndetse bakaba bahise banatabwa muri yombi na Polisi y’u Rwanda ikorera muri uyu murenge wa Rutunga mu karere ka Gasabo. Avuga ko abo bakekwa, ari abasore babiri baherutse gushyira mu nteko y’abaturage bakagawa imbere y’ubuyobozi, bazira ko bashinjwaga gutega umukecuru bashaka kumwambura.

Umugore w’uyu Rukundo ngo asanzwe ari umwe mu bayobozi b’umudugudu hanyuma uwo muturage wundi watemewe inka, ngo muri iyo nteko y’abaturage ari mu batanze igitekerezo cy’uko abo basore bakora ibikorwa by’urugomo bakwiye kubakanira urubakwiye, bityo bigakekwa ko bakoze ibi bikorwa byo gutemagura inka bagamije kwihimura.


INKURU ZA :
Tanga Igitekerezo
Ibitekerezo 7
Kayumba isidore Kuya 6-09-2017

Ubwo zitatemwe se ni ryari? 59-61.64- 73-94 . Erega akaboko kishe inkware gahora kamanitse ukwaha.

Teteli Kuya 5-09-2017

Arikose nkuwo muntu waciyinka amabere nawe bamukate icyo yambariyeho yumve niba ibyo yakoze ari byiza cyanga bibabaje.

damien Kuya 4-09-2017

ariko mana tugeze mubihe byanyuma kabis .hambere
haribintu byubaharwa nuwariwe wese harimo inka nibiyikomokaho byose cyane nkamata yayo none ubu byarahindutse iyo umuntu yaguhemukiraga mwariyungaga ntanzika yabagaho aha ntibyoroshye

Bakundukize Pierre Kuya 4-09-2017

Njye Kurwanjye Ruhande Abo
Bantu Niba Aribo? Bazakatirwe
Urubakwiriye Kandi Nibarekurwa
Bazahe Indishyi Zakababaro Abo
Bakoshereje? Murakoze.

Lily Kuya 4-09-2017

Yeweee, abantu basigaye bazirura ibizira " baciye inka amabere" ubwo se inka zakoze iki koko kuburyo zicibwa amabere. Bahanwe bifatika.

Jean Marie Kuya 4-09-2017

Abakoze ibyo ntatandukanire ryabo nabatemaguye imbyeyi muri Genocide 1994 gusa bisubireho kuko ntibibaha agaciro nyako surtout le rwandais

Augustin Kuya 4-09-2017

Ariko jyewe hari icyo mbona, rwose igihano cy’urupfu cyakagombye gusubiraho kuko jye mbona abantu kwica barabigize umukino ahari yenda bafashe umugome nkuriya bakamushyira ku karubanda yenda abantu batinya!buriya iriya nka yazize iki?

IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...